បច្ចុប្បន្នបណ្ដាអ្នកគាំទ្ររបស់ក្រុមអ្នចម្រៀង «One Direction» (1D) សង្ឃឹមថានឹងបានឃើញពួកគេទាំង៤នាក់ត្រឡប់ចូលប្រឡូកការងារជាថ្មី ខណៈពេលលោកលូអុីស ថុមលីនសុន (Louis Tomlinson) មនុស្សម្នាក់ក្នុងចំណោមសមាជិក បានចេញមុខធ្វើឲ្យទស្សនិកជនមានក្ដីរំភើប ដោយបញ្ជាក់ថាពួកគេនឹងច្រៀងរួមគ្នាជាថ្មីម្ដងទៀត ។
ក្រោយពីចាប់កកើតនៅឆ្នាំ២០១០មានសមាជិក៥នាក់រួមមាន លោកណាយអល ហូរ៉ាន(Niall Horan) លោកលីយុាំ ផេន (Liam Payne) លោកហែរី ស្ដៃ (Harry Styles) លោកលូអុីស ថុមលីនសុន (Louis Tomlinson) និងលោកម៉ាលិក (Malik) ធ្វើឲ្យក្រុម «1D» មានប្រជាប្រិយភាពដល់ទស្សនិកជននៅលើសាកលលោក និងទទួលពានរង្វាន់យ៉ាងច្រើន ។
ទោះជាបែបណាក្ដីនិរន្តរភាពរបស់ក្រុមនេះមានភាពរង្គោះរង្គើយ៉ាងខ្លាំង នៅពេលលោកម៉ាលិក ប្រកាសចាកចេញពីក្រុមនៅក្នុងឆ្នាំ២០១៥រហូតផ្អាកមួយរយៈ ។ ជាចុងក្រោយមានសមាជិក៤នាក់ ប៉ុន្តែពួកគេក៏ប្រកាសផ្អាកធ្វើការរួមគ្នាជាបណ្ដោះអាសន្ន និងធ្វើឲ្យអ្នកគាំទ្រនៅទន្ទឹងរង់ចាំពួកគេមកបម្រើការងាររួមគ្នាជាថ្មី ។
ស្របពេលជាមួយគ្នានេះលោកលូអុីស ថុមលីនសុន បញ្ជាក់ថា «សូមឲ្យមានទំនុកចិត្ត ខ្ញុំធ្លាប់ឮការសាកសួរជាយូរមកហើយ ជាការណ៍ពិតវានឹងកើតឡើងជាក់មិនខាន បើមិនកើតមានខ្ញុំប្រហែលជាមិនបង្ហើបឲ្យដឹង ប៉ុន្តែខ្ញុំគិតថាវានឹងកើតឡើងជាមិនខានក្នុងពេល ឆាប់ៗនេះ» ៕
ចែករំលែកព័តមាននេះ