រាជធានីភ្នំពេញ ៖ ក្នុងពេលដែលបងប្អូនទស្សនិកជនជាច្រើនបានក្រឡេកឃើញពីវិសាលភាពនៃភាពជោគជ័យយ៉ាងគគ្រឹកគគ្រេងរបស់តារាចម្រៀង ណុប បាយ៉ារិទ្ធិរួចទៅហើយ សុទ្ធតែយល់ថា ជីវិតលោកកំពុងរស់នៅលើកម្រិតហ៊ឺហារ ទំនើបស៊ីវិល័យ។ ប៉ុន្តែម្តាយរបស់គាត់និយាយថា គាត់ជាមនុស្សលះបង់ច្រើនសម្រាប់គ្រួសារ ដោយមិនគិតការនឿយហត់ឡើយ។
ម្តាយរបស់គាត់បាននិយាយតាមរយៈគេហទំព័រហ្វេសប៊ុកមួយមានឈ្មោះ So Theavy ថា៖ «កូនប្រុសច្បងម្នាក់នេះហើយដែលតស៊ូតាំងពីក្មេងមើលថែប្អូនៗធ្វើជាឪពុកផង ជាម្តាយផង ជាបងប្រុស ជាកូនកតញ្ញូ ដែលលះបង់គ្រប់យ៉ាងដើម្បីគ្រួសារ ប្អូនៗ កូនស្រឡាញ់ឪពុកម្តាយ ក្រុមគ្រួសារ»។
លោកស្រីបានរៀបរាប់ទៀតថា «កូនមិនមានទ្រព្យធំដុំទេ តែកូនមានការលះបង់ច្រើនពន់ពេកដើម្បីគ្រួសារយើង ឃើញកូនមានកិត្តិយសមានជោគជ៏យប៉ាម៉ាក់ និងប្អូនៗរំភើបក្នុងចិត្តណាស់ ម៉ាក់ប៉ាជូនពរកូនសម្លាញ់ឱ្យទទួលជោគជ័យក្នុងវិស័យសិល្បៈជារៀងរហូត៕
ចែករំលែកព័តមាននេះ