គ្មានអ្នកណាម្នាក់ល្អគ្រប់ដប់ទេ មនុស្សយើងម្នាក់ៗចៀសមិនផុតពីមានចំណុចល្អខ្លះ និងចំណុចអាក្រក់ខ្លះមិនខាន រកមនុស្សល្អបរិសុទ្ធទាំងស្រុងមិនឲ្យមានចំណុចខ្វះខាតសោះតែម្តងនោះមិនបានទេ បុគ្គលដែលយល់ពីលក្ខណៈពិតបែបនេះរមែងមិនមើលទោសអ្នកដទៃសោះឡើយ ។
មានចំណុចខ្លះ យើងថាល្អ តែអ្នកដទៃគេថាមិនល្អ ចំណុចខ្លះទៀត យើងថាមិនល្អ តែអ្នកផ្សេងគេថាល្អ ធ្វើឲ្យយើងក្រោធខឹងភ្លាម នេះហើយជាចំណុចខ្សោយ ឬជាចំណុចខ្វះខាតរបស់យើង ព្រោះអំពើក្រោធហ្នឹងឯងមិនដែលទទួលបានលទ្ធផលល្អទេ ។
ដូច្នេះដើម្បីរំសាយចិត្តខឹងគឺយើងកុំចេះតែនឹកដល់ចំណុចអាក្រក់របស់អ្នកដទៃ តែគប្បីបែរទៅមើលឬរលឹកដល់សេចក្ដីល្អរបស់គេវិញ ព្រោះមនុស្សយើងមិនមែនប្រព្រឹត្តតែអំពើអាក្រក់ទាំងអស់ទេ អំពើសុចរិតក៏គេធ្វើខ្លះដែរ បុថុជ្ជនគឺវាតែយ៉ាងហ្នឹងឯង គ្មានអ្នកណាល្អគ្រប់ដប់ទេ ។
ចែករំលែកព័តមាននេះ