ខេត្តមណ្ឌលគិរី ៖ កាលពីរសៀលថ្ងៃទី១០ ខែឧសភា ឆ្នាំ២០១៩ ថវិការបស់សប្បុរសជនចំនួន២.៣៤០.០០០រៀលត្រូវបានយកទៅប្រគល់ជូនដល់ស្ត្រីជនជាតិដើមភាគតិចព្នងម្នាក់ ដែលសំរាលកូន ហើយធ្លាក់ឈាមច្រើន និងជាគ្រួសារក្រីក្រ រស់នៅក្នុងស្រុកពេជ្រាដា…
ខេត្តមណ្ឌលគិរី ៖ កាលពីរសៀលថ្ងៃទី១០ ខែឧសភា ឆ្នាំ២០១៩ ថវិការបស់សប្បុរសជនចំនួន២.៣៤០.០០០រៀលត្រូវបានយកទៅប្រគល់ជូនដល់ស្ត្រីជនជាតិដើមភាគតិចព្នងម្នាក់ ដែលសំរាលកូន ហើយធ្លាក់ឈាមច្រើន និងជាគ្រួសារក្រីក្រ រស់នៅក្នុងស្រុកពេជ្រាដា ខ្វះលទ្ធភាពក្នុងការបញ្ជូនទៅព្យាបាលនៅខេត្តកំពង់ចាម ។
ក្រុមការងារសហភាពសហព័ន្ធយុវជនកម្ពុជាខេត្តមណ្ឌលគិរី ដឹកនាំដោយលោក ណយ ច័ន្ទតារា អនុប្រធានស.ស.យ.កខេត្ត តំណាងឱ្យលោក ឈឹម កាន ប្រធាន បានចុះសួរសុខទុក្ខ និងនាំយកថវិការបស់សប្បុរសជន ដែលបានមកពី ស.ស.យ.ក ខេត្ត-ក្រុងនិងស្រុក ដោយមានការខិតខំយកចិត្តទុកដាក់ និងកៀរគរបន្ថែមរបស់លោក អ៊ាន ស៊ាងអន នាយកប្រតិបត្តិ ស.ស.យ.ក ស្រុកពេជ្រាដា ។
ក្នុងនោះ លោក ណយ ច័ន្ទតារា ក៏បានបរិច្ចាគឈាមផ្ទាល់ខ្លួន ដើម្បីជួយដល់ស្ត្រីដែលសំរាលកូន ហើយធ្លាក់ឈាមច្រើន ឈ្មោះ ខាន់ សុឡា អាយុ១៩ឆ្នាំ ជាជនជាតិដើមភាគតិចព្នង រស់នៅភូមិពូលុ ឃុំប៊ូស្រា ស្រុកពេជ្រាដា ខេត្តមណ្ឌលគិរី ដែលកំពុងសម្រាកព្យាបាលនៅមន្ទីរពេទ្យបង្អែកខេត្តកំពង់ចាម។
សហភាពសហព័ន្ធយុវជនកម្ពុជាខេត្តមណ្ឌលគិរី ដែលជានិច្ចកាល តែងខិតខំយកចិត្តទុកដាក់ចុះដោះស្រាយរាល់ទុកលំបាក់នានារបស់បងប្អូនប្រជាពលរដ្ឋដែលមានការខ្វះខាត ទីទ័លក្រ ចាស់ជរា ក្មេងកំព្រា និងគ្រួសារជួបបញ្ហាផ្សេងៗ៕
ចែករំលែកព័តមាននេះ