ការសិក្សាទ្រង់ទ្រាយតូចមួយដែលធ្វើឡើងដោយក្រុមអ្នកវិទ្យាសាស្ត្រសាកលវិទ្យាល័យ Northwestern University នៅរដ្ឋអុីលីណយ សហរដ្ឋអាមេរិកលើមនុស្ស៤៤នាក់បានបង្ហាញថា ការរៀនលេងឧបករណ៍តន្ត្រីណាមួយក្នុងវ័យកុមារភាពគឺជួយរក្សាខួរក្បាលជាពិសេសផ្នែកសោតវិញ្ញាណឱ្យនៅមុតស្រួចដដែលពេលឈានចូលដល់វ័យចំណាស់ ។
ការសិក្សាទ្រង់ទ្រាយតូចមួយដែលធ្វើឡើងដោយក្រុមអ្នកវិទ្យាសាស្ត្រសាកលវិទ្យាល័យ Northwestern University នៅរដ្ឋអុីលីណយ សហរដ្ឋអាមេរិកលើមនុស្ស៤៤នាក់បានបង្ហាញថា ការរៀនលេងឧបករណ៍តន្ត្រីណាមួយក្នុងវ័យកុមារភាពគឺជួយរក្សាខួរក្បាលជាពិសេសផ្នែកសោតវិញ្ញាណឱ្យនៅមុតស្រួចដដែលពេលឈានចូលដល់វ័យចំណាស់ ។
អ្នកវិទ្យាសាស្ត្រដដែលបានពន្យល់ថា នៅពេលបុរសឬស្ត្រីកាន់តែចំណាយពេលច្រើនរៀនលេងឧបរណ៍តន្ត្រីណាមួយក្នុងយុវវ័យ នោះបណ្តាកោសិកាប្រសាទក្នុងខួរក្បាលរបស់គេឆ្លើយតបទៅនឹងសំឡេងកាន់តែរហ័សជាងមុន ។ អ្នកវិទ្យាសាស្ត្របានថ្លែងថា ៖ «លទ្ធផលនៃការសិក្សាលើកនេះចង្អុលបង្ហាញពីសារៈសំខាន់នៃការសិក្សាតន្ត្រីសម្រាប់ក្មេងៗនាពេលបច្ចុប្បន្ននិងសម្រាប់ការរស់នៅប្រកបដោយសុខភាពរាប់ទសវត្សទៅមុខ» ។ Nina Krausសមាជិកក្រុមអ្នកស្រាវជ្រាវធ្លាប់បានបង្ហាញពីមុនមកថា បណ្តាជនចូលនិវត្តន៍ពីការងារដែលផ្សារភ្ជាប់ជីវិតរបស់ខ្លួនជាមួយឧបករណ៍តន្ត្រីណាមួយពេញមួយជីវិតគឺមានភាពរហ័សរហួនក្នុងការចាប់យកសំឡេងនៅជុំវិញខ្លួនជាងអ្នកមិនលេងឧបករណ៍តន្ត្រី ។
ដោយឡែក Michael Kilgard អ្នកវិទ្យាសាស្ត្រផ្នែកខួរក្បាលសាកលវិទ្យាល័យ Texas University បានថ្លែងថា ៖ «ភាពលឿនរហ័សកន្លះវិនាទីហាក់មិនច្រើនទេ ប៉ុន្តែសម្រាប់ខួរក្បាលគឺវាងាយនឹងឆាប់ទទួលដឹងបំផុតចំពោះកាលវេលា ហើយភាពរហ័សកន្លះវិនាទីដែលបូកបញ្ចូលគ្នាលើសរសៃប្រសាទរាប់លានពិតជាអាចធ្វើឱ្យមានការផ្លាស់ប្តូរមួយក្នុងជីវិតវ័យចាស់» ។ ឯការសិក្សាស្រាវជ្រាវផ្សេងទៀតសុទ្ធតែបានបង្ហាញថា សិក្សាឧបករណ៍តន្ត្រីជួយជំរុញភាពវៃឆ្លាតដល់ខួរក្បាល ៕
ចែករំលែកព័តមាននេះ