ខេត្តកំពង់ស្ពឺ ៖ នារីម៉ាស្សា និងថៅកែហាងជាច្រើននាក់ត្រូវបានកម្លាំងជំនាញការិយាល័យប្រឆាំងការជួញដូរមនុស្ស និងការពារអនីតិជន បើកកិច្ចប្រតិបត្ដិការបង្ក្រាបបន្ទាប់ពីស្រាវជ្រាវដឹងថា ទីតាំងម៉ាស្សាកោសជប់ទាំងនេះមានលួចបម្រើសេវាផ្លូវភេទ។ ការចុះបង្ក្រាបទីតាំងម៉ាស្សាកោសជប់លួចបម្រើសេវាផ្លូវភេទនេះធ្វើឡើង៥គោលដៅផ្សេងគ្នានៅរសៀលថ្ងៃទី១១ ខែឧសភា ឆ្នាំ២០១៩…
ខេត្តកំពង់ស្ពឺ ៖ នារីម៉ាស្សា និងថៅកែហាងជាច្រើននាក់ត្រូវបានកម្លាំងជំនាញការិយាល័យប្រឆាំងការជួញដូរមនុស្ស និងការពារអនីតិជន បើកកិច្ចប្រតិបត្ដិការបង្ក្រាបបន្ទាប់ពីស្រាវជ្រាវដឹងថា ទីតាំងម៉ាស្សាកោសជប់ទាំងនេះមានលួចបម្រើសេវាផ្លូវភេទ។ ការចុះបង្ក្រាបទីតាំងម៉ាស្សាកោសជប់លួចបម្រើសេវាផ្លូវភេទនេះធ្វើឡើង៥គោលដៅផ្សេងគ្នានៅរសៀលថ្ងៃទី១១ ខែឧសភា ឆ្នាំ២០១៩ វេលាម៉ោង១៥និង៣០នាទី ស្ថិតនៅភូមិអូរក្រាំងអំបិល ឃុំត្រពាំងគង ស្រុកសំរោងទង ខេត្តកំពង់ស្ពឺ ។
ប្រភពពីមន្ត្រីនគរបាលបានអោយដឹងថា កិច្ចប្រតិបត្តិការខាងលើបានការដឹកនាំ និងសម្របសម្រួលពីលោកអ៊ូ ផាត ព្រះរាជអាជ្ញាអយ្យការ អមសាលាដំបូងខេត្ដកំពង់ស្ពឺ លោកស្រីឧត្ដមសេនីយ៍ត្រី ងិន សុគន្ធា ស្នងការរងទទួលយេនឌ័រសហការជាមួយកម្លាំងគណៈឯកភាពស្រុកសំរោងទង និងអាជ្ញាធរ ភូមិឃុំ ចូលរួមផងដែរ ។
ក្នុងនោះសមត្ថកិច្ចចុះធ្វើការឆែកឆេរទីតាំងម៉ាស្សាកោសជប់ចំនួន០៥គោលដៅរកឃើញភាពមិនប្រក្រតី ក្នុងការប្រកបមុខរបរខាងលើ និងបានឃាត់ខ្លួនមនុស្សចំនួន១៥នាក់ ស្រីទាំងអស់។ ប្រភពបន្តថា យោងតាមការបញ្ជាក់ពីជំនាញ លោកស្រីឧត្ដមសេនីយ៍ត្រី ងិន សុគន្ធា ស្នងការរងទទួលយេនឌ័របានឲ្យដឹងថា ការចុះបង្ក្រាបទីតាំងបើកផ្ដល់ការប្រព្រឹត្ដ« សញ្ចរកម្ម«គឺទទួលបានពាក្យបណ្ដឹងពីពលរដ្ឋល្អដែលបានប្ដឹងថា ទីតាំងខាងលើ គឺកំពុងតែប្រកបមុខរបរជ្រកក្រោមស្លាកម៉ាស្សាកោសជប់ ប៉ុន្តែធាតុពិត គឺបម្រើផ្លូវភេទផ្ទុយ និងច្បាប់ ។
ជាក់ស្ដែងកម្លាំងចុះសហការស្រាវជ្រាវជាលទ្ធផល ទីតាំងទី០១ យីហោ៩១៩ មាននារីជាអ្នកបម្រើសេវាផ្លូវភេទ ម៉ាស្សាកោសជប់៥នាក់ មាន២បន្ទប់ ឈ្មោះផន សម្ជស្ស ភេទស្រី អាយុ ៣៣ឆ្នាំ (ម្ចាស់ហាង) ទីតាំងទី០២ យីហោ ៩៩ មាននារី២នាក់ (មាន៣បន្ទប់) ឈ្មោះអៀង សារឹម ភេទស្រី អាយុ២៧ឆ្នាំ (ម្ចាស់ហាង) ទីតាំងទី០៣ យីហោ តារារះ មាននារី៥នាក់ (មាន៣បន្ទប់) ឈ្មោះ គី ស្រីល័ក្ខ ភេទស្រី អាយុ៣៨ឆ្នាំ (ម្ចាស់ហាង) ទីតាំងទី០៤ យីហោ ១៦៧ មាននារី៣នាក់ (មាន២បន្ទប់) ឈ្មោះចិន រុំ ភេទស្រី អាយុ២៨ឆ្នាំ (ម្ចាស់ហាង) ទីតាំងទី០៥ យីហោ ៧៧៧៧ វិមានសុខ មានម្ចាស់ហាង (ប្ដីប្រពន្ធ )គ្មាននារីនោះទេ ។ ចំពោះវត្ថុតាងរួមមានស្រោមអនាម័យជាច្រើនប្រអប់ (មិនទាន់ប្រើការ និងប្រើរួច ដែលទុកក្នុងធុងសំរាមជាច្រើន) កែវជប់ជាច្រើនឡូ ប្រេងរំអិលចំនួន១៣កញ្ចប់ ។
ក្រោយពីបង្ក្រាបម្ចាស់ទីតាំងជាថៅកែហាង និងក្រុមនារីៗប្រកបមុខរបរកោសជប់ បម្រើសេវាផ្លូវភេទទាំង១៥នាក់ត្រូវបានបញ្ជូនទៅការិយាល័យប្រឆាំងការជួញដូរ និងការពារអនីតិជនខេត្តកំពង់ស្ពឺ ដើម្បីធ្វើការសាកសួរ ។
នៅព្រឹកថ្ងៃ១២ ឧសភា ២០១៩នេះ កម្លាំងជំនាញកំពុងធ្វើការសាកសួរ ដើម្បីកសាងសំណុំរឿងបញ្ជូនទៅសាលាដំបូង ចាត់ការតាមនីតិវិធីច្បាប់៕
ចែករំលែកព័តមាននេះ