តើអ្នកណាជាម្ចាស់ដីពិតប្រាកដ? លោកគយម្នាក់រំលោ.ភគេទេដឹង? (មានវីដេអូ)
- ប៉ៃលិន
ខេត្តប៉ៃលិន ៖ ស្ត្រីវ័យចំណាស់ម្នាក់ឈ្មោះ ទេព វ៉ាវី អាយុ៧០ឆ្នាំ មានប្តីឈ្មោះ ឈឹម ឆន អាយុ៨០ឆ្នាំ…
ខេត្តប៉ៃលិន ៖ ស្ត្រីវ័យចំណាស់ម្នាក់ឈ្មោះ ទេព វ៉ាវី អាយុ៧០ឆ្នាំ មានប្តីឈ្មោះ ឈឹម ឆន អាយុ៨០ឆ្នាំ រស់នៅក្នុងភូមិ២០ឧសភា សង្កាត់ស្វាយប៉ោ ក្រុងប៉ៃលិន បាននិយាយទាំងស្រែកយំឡាំប៉ានៅលើដីចម្ការមួយកន្លែងថា អ្នកមានអំណាចបុណ្យស័ក្តិ លុយកាក់ម្នាក់ឈ្មោះ យស់ សារ៉ាវុធ ភេទប្រុស អាយុ៤៦ឆ្នាំ ជាមន្ត្រីគយប្រចាំនៅច្រកទ្វាអន្តរជាតិដូង រស់នៅក្នុងភូមិដូង ឃុំបឹងរាំង ស្រុកកំរៀង ខេត្តបាត់ដំបង បានយកត្រាក់ទ័រឱ្យទៅភ្ជួរព្រោះគ្រាប់ពោតនៅលើដីចម្ការរបស់គាត់ចំនួន៨ហិកតាដែលមានទំនាស់ជាមួយនឹងគ្នា ខណៈមិនទាន់ដោះស្រាយចប់សព្វគ្រប់នៅឡើយ ។
បើតាមការបញ្ជាក់ពីស្ត្រីចំណាស់ខាងលើឈ្មោះ ទេព វ៉ារី រៀបរាប់ឱ្យដឹងកាលពីរសៀលថ្ងៃទី១០ ឧសភាកន្លងទៅនេះថា គាត់បានទិញដីចម្ការមួយកន្លែងចំនួន១១ហិកតា ស្ថិតក្នុងភូមិទំនប់ ឃុំស្ទឹងត្រង់ ស្រុកសាលាក្រៅ ទិញពីបុរសម្នាក់ឈ្មោះ នួន នីម រស់នៅក្នុងខេត្តប៉ៃលិន ដែលមានតម្លៃក្នុង១ហិកតា តម្លៃ៥០០ដុល្លារ ហើយគាត់ធ្វើការកាប់ឆ្ការព្រៃ និងឈូសឆាយកាន់កាប់ចាប់តាំងពីឆ្នាំ២០០៩មកម្ល៉េះ ។
គាត់បន្តទៀតថា ក្រោយមកស្រាប់តែមានបុរសម្នាក់ឈ្មោះ យស់ សារ៉ាវុធ ជាមន្ត្រីគយប្រចាំច្រកដូង ស្រុកកំរៀង ខេត្តបាត់ដំបង ចូលទៅរំលោភបំពានយកដីរបស់គាត់អស់ចំនួន៨ហិកតាដែលនៅជាប់នឹងជើងភ្នំកេះតែម្តង ។
គាត់បញ្ជាក់បន្ថែមថា ការលក់ទិញនេះ មានការចុះហត្ថលេខាផ្ទាល់ពីលោកមេភូមិ រហូតដល់លោក វ័រ រួម អតីតមេឃុំស្ទឹងត្រង់ថែមទៀតដែរ ប៉ុន្តែមិនដឹងជាលោក យស់ សារ៉ាវុធនេះ មានអំណាចប៉ុណ្ណានោះទេ បានជាមករំលោភបំពាន និងបញ្ជាគំរាមឱ្យត្រាក់ទ័រកំពុងចូលភ្ជួរចង់បើកបំបុកគាត់ឱ្យចូលទៅក្នុងព្រៃ ខណៈគាត់ឃើញគេភ្ជួរលើដីរបស់ខ្លួន ដើម្បីដាំពោតក៏ចូលទៅធ្វើការហាមឃាត់ ។
គាត់បន្ថែមថា គាត់មានលិខិតលក់ទិញ និងលិខិតផ្ទេរសិទ្ធិពីម្ចាស់ដីរួចរាល់អស់ហើយ ថែមទាំងមានលិខិតរាវរកគ្រាប់មីននៅក្នុងចម្ការផងដែរ ។ លើសពីនេះ លោក យស់ សារ៉ាវុធ រូបនេះពិតជាខ្លាំងណាស់ ដោយបានរំលោភបំពានទៅលើដីខ្លួនអស់រយ:ពេល៣ឆ្នាំមកហើយ ។
ព័ត៌មានពិស្តារនឹងមានផ្សាយនៅកាសែតកោះសន្តិភាព
ចែករំលែកព័តមាននេះ