រាជធានីភ្នំពេញ ៖ បុរសម្នាក់បើករថយន្តលឿនពេកក្នុងស្ថានភាពស្រវឹងបានរ៉េចង្កូតទៅបុកបង្គោលភ្លើងបំភ្លឺផ្លូវ បណ្តាលឲ្យបាក់អស់មួយដើម ចំណែកឯរថយន្តបង្កខ្ទាតចូលប្រឡាយទឹកស្អុយរងការខូចខាតយ៉ាងធ្ងន់ធ្ងរបង្កអោយមានការភ្ញាក់ផ្អើល កាលពីវេលាម៉ោង១១យប់ថ្ងៃនាទីថ្ងៃទី១០ ខែឧសភា ឆ្នាំ២០១៩ នៅតាមបណ្ដោយផ្លូវបណ្ដោយផ្លូវជាតិលេខ៤ ត្រង់ចំណុចភូមិអង្គសង្កាត់ចោមចៅទី៣ ខណ្ឌពោធិ៍សែនជ័យ ។
រថយន្តបង្កម៉ាក LUXES RX330 ពណ៌ផ្ទៃមេឃពាក់ស្លាកលេខភ្នំពេញ2AW-6780 ធ្វើដំណើរក្នុងទិសដៅពីកើតទៅលិចជិះគ្នា៣នាក់ក្នុងល្បឿនលឿនបានរេចង្កូតជ្រុលទៅបុកបង្គោលភ្លើងបំភ្លឺផ្លូវ បណ្ដាលឱ្យបង្គោលភ្លើងបាក់១ដើម ហើយរថយន្តខ្ទាតចូលប្រឡាយទឹកស្អុយរងការខូចខាតយ៉ាងធ្ងន់ធ្ងរ ។
បើតាមប្រភពព័ត៌មានពីកន្លែងកើតហេតុបាននិយាយប្រាប់ថា នៅមុនពេលកើតហេតុគេឃើញរថយន្តបង្កខាងលើបើកបរក្នុងទិសដៅពីកើតទៅលិចក្នុងល្បឿនយ៉ាងលឿនលុះមកដល់ចំណុចកើតហេតុខាងលើស្រាប់តែរថយន្តបង្កខាងលើបានរ៉េចង្កូតទៅផ្នែកខាងស្តាំ បណ្តាលឲ្យបុកបង្គោលភ្លើងនឹងខ្ទាតជ្រុលទៅក្នុងប្រឡាយទឹកស្អុយតែម្តង។
ប្រភពព័ត៌មានពីបានបន្តទៀតថា ខណៈពេលភ្លាមៗនោះដោយមានយុវជន២នាក់ ដោយពាក់មួកសុវត្ថិភាពមិនដោះក្នុងនោះម្នាក់មាននាម ខ្លាស ១៤ របស់ខណ្ឌពោធិ៍សែនជ័យបាននិយាយជាមួយភាគីរថយន្តបង្កខាងលើអោយស្ទូចចេញទៅគាត់នឹងហៅរថយន្តស្ទូចអោយ ហើយគាត់យកតម្លៃតែ៣០០ដុល្លារទេ បន្ទាប់មកស្រាប់តែកម្លាំងនគរបាលប៉ុស្តិ៍ចោមចៅទី៣មកដល់ ដោយដឹងរឿងថា ខ្លាសបម្រុងហៅរថយន្តស្ទូចចេញ ហើយនគរបាលបានហៅកម្លាំងនគរបាលប៉ុស្តិ៍មកបន្ថែម ដើម្បីសាកសួរយុវជន២នាក់ដែលបម្រុងហៅរថយន្តស្ទូចចេញនោះ ហើយនៅពេលនោះដែរទើបដឹងថា ជា ខ្លាស ជំនួយការរបស់ខណ្ឌពោធិ៍សែនជ័យ មិនប្តឹងសមត្ថកិច្ចប៉ុស្តិ៍អោយឃាត់រថយន្តបង្កខាងលើ បែរបម្រុងកៀបស៊ី ទៅវិញ បន្ទាប់មកសមត្ថកិច្ចនគរបាលប៉ុស្តិ៍បានសួនាំដឹងហេតុផលហើយដកអាយឌី១របស់ខ្លា ស១៤របស់ខណ្ឌពោធិ៍សែនជ័យខាងលើយកទៅទុកសិន ។
ក្រោយពេលកើតហេតុជំនាញចរាចរណ៍ខណ្ឌពោធិ៍សែនជ័យបានប្រគល់អោយជំនាញចរាចរណ៍នៃការិយាល័យចរាចរណ៍ផ្លូវគោករាជធានីភ្នំពេញ ដើម្បីស្ទូចរថយន្តយកទៅទុករង់ចាំការដោះស្រាយថ្ងៃក្រោយ ៕
ចែករំលែកព័តមាននេះ