សន្ទុក ៖ អគារសិក្សាថ្មី១ខ្នងកម្ពស់២ជាន់ស្មើ១២បន្ទប់ក្នុងអនុវិទ្យាល័យក្រយា ស្ថិតនៅក្នុងឃុំក្រយា ស្រុកសន្ទុក ខេត្តកំពង់ធំ ដែលជាអំណោយរបស់សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត តាមរយៈឯកឧត្ដម ជា ចាន់តូ និងលោកជំទាវបានផ្ដល់អគារសិក្សាថ្មី១ខ្នងកម្ពស់២ជាន់ស្មើ១២បន្ទប់ដល់អនុវិទ្យាល័យក្រយា ស្ថិតនៅក្នុងឃុំក្រយា ស្រុកសន្ទុក ខេត្តកំពង់ធំ សិស្សនឹងចូលរៀនមុនរដូវបុណ្យភ្ជុំខាងមុខឆាប់ៗនេះ។
សូមបញ្ជាក់ថា អគារសិក្សាថ្មីនេះជាអំណោយដ៏ថ្លៃថ្លារនេះត្រូវបានធ្វើពិធីបញ្ចុះបឋមសិលាកសាងជាផ្លូវការនៅថ្ងៃទី១២ វិច្ឆិកា ឆ្នាំ២០១៨ ក្រោមអធិបតីភាពឯកឧត្ដម ជា ចាន់តូ សមាជិកអចិន្ត្រៃយ៍គណៈកម្មាធិការកណ្ដាលគណបក្សប្រជាជនកម្ពុជា និងជាប្រធានក្រុមការងារថ្នាក់ជាតិចុះជួយស្រុកសន្ទុក ហើយគិតមកត្រឹមថ្ងៃទី11 ឧសភានេះ សម្រេចបាន60%ហើយ។
នេះជាការបញ្ជាក់ឲ្យដឹងពីលោកអភិបាលរងស្រុកសន្ទុកនៅថ្ងៃទី១១ ឧសភា ឆ្នាំ២០១៩។ លោកបានឲ្យដឹងទៀតថា គិតត្រឹមឆ្នាំ២០១៨នេះ នៅទូទាំងស្រុកសន្ទុកមាអគារសិក្សាដែលជាអំណោយរបស់សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិ ប៊ុន រ៉ានី ហ៊ុន សែន ផ្ដល់តាមយៈឯកឧត្ដម ជា ចាន់តូ និងលោកជំទាវមានចំនួន២៥ខ្នង ក្នុងនោះអគារសង់ពីថ្មមានចំនួន២២ខ្នង និងអគារសង់ពីឈើមានចំនួន៣ខ្នង។ ក្រៅពីនោះនៅបានជួយកសាងសមិទ្ធផលមួយចំនួនទៀតដែលបម្រើដល់ការសិក្សារបស់សិស្សានុសិស្សយើងថែមទៀតផង។
នៅក្នុងឱកាសនោះ ឯកឧត្ដម ជា ចាន់តូ បានបញ្ជាក់ថា សមិទ្ធផលជាការខិតខំរបស់រាជរដ្ឋាភិបាល ជាពិសេសសម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាក្នុងបំណងបង្ខិតសាលារៀនឲ្យនៅកាន់តែជិតបំផុត និងសិស្សានុសិស្សដើម្បីឲ្យពួកគេកាន់តែងាយស្រួល និងមានរឹតតែមានឱកាសរៀនសូត្រដូចសិស្សទាំងផ្សេងៗទៀតតាមបំណងប្រាថ្នា។
ជាងនេះដែរ ឯកឧត្ដមក៏បានស្នើឲ្យប្រជាពលរដ្ឋយើងត្រូវរួមសាមគ្គីគ្នាបន្តថែរក្សាការពារសុខសន្តិភាពដែលមាននេះឲ្យបានគង់វង្ស ព្រោះសុខសន្តិភាព គឺជាមូលដ្ឋានគ្រឹះដ៏រឹងមាំសម្រាប់អភិវឌ្ឍប្រទេសជាតិ និងនាំឲ្យយើងមានអ្វីគ្រប់យ៉ាង ព្រមទាំងរស់នៅសុខសាន្តដូចសព្វថ្ងៃនេះ។ ហើយត្រូវចងចាំថា គឺមានតែគណបក្សប្រជាជនកម្ពុជាទេ ដែលរួមសុខរួមទុក្ខជាមួយប្រជាជនគ្រប់កាលៈទេសៈ និងបន្តគាំទ្រចំពោះគោលនយោបាយរាជរដ្ឋាភិបាលដែលដឹកនាំដោយសម្ដេចតេជោ ហ៊ុន សែន បន្តទៀត ដើម្បីការរីកចម្រើនសង្គមជាតិ និងការរស់នៅប្រកបដោយសេចក្ដីសុខសាន្ត និងសម្បូររុងរឿងបន្ត៕ ដោយសហការ
ចែករំលែកព័តមាននេះ