តាមប្រភពពី Shanghaiist បានឱ្យដឹងថា ក្មេងប្រុសម្នាក់អាយុ៣ឆ្នាំបានដាច់ម្រាមដៃ ពេលកំពុងអង្គុយលើជណ្តើរយន្ត នៅក្នុងផ្សារទំនើប Sichuan។ វីដេអូតាមកាមេរ៉ាសុវត្ថិភាពបានបង្ហាញឱ្យឃើញ ក្មេងប្រុសអាយុ៣ឆ្នាំម្នាក់ អង្គុយនៅលើកាំជណ្តើរយន្ត…
តាមប្រភពពី Shanghaiist បានឱ្យដឹងថា ក្មេងប្រុសម្នាក់អាយុ៣ឆ្នាំបានដាច់ម្រាមដៃ ពេលកំពុងអង្គុយលើជណ្តើរយន្ត នៅក្នុងផ្សារទំនើប Sichuan។ វីដេអូតាមកាមេរ៉ាសុវត្ថិភាពបានបង្ហាញឱ្យឃើញ ក្មេងប្រុសអាយុ៣ឆ្នាំម្នាក់ អង្គុយនៅលើកាំជណ្តើរយន្ត ដែលកំពុងចុះ។
ពេលមកដល់ក្រោម ម្រាមដៃក្មេងម្នាក់នេះបានគៀបជាប់ទៅនឹងចន្លោះកាំជណ្តើរ ដែលធ្វើឱ្យម្តាយឈរនៅពីក្រោយកញ្ឆក់ទាញកូនចេញមួយរំពេច។ ការទាញចេញនេះ ថ្វីត្បិតតែអាចជួយកូនកុំឱ្យជាប់កាន់តែធ្ងន់ធ្ងរក្តី វាបានធ្វើឱ្យម្រាមដៃនោះដាច់ភ្លាមមួយរំពេច។
ខាងផ្សារទំនើបបដិសេធមិនទទួលខុសត្រូវទាំងស្រុងនោះទេ ដោយសារតែគេមានបិទស្លាកសញ្ញាឱ្យម្តាយឪពុកប្រុងប្រយ័ត្នរួចទៅហើយ។ គេតម្រូវឱ្យក្មេងៗដែលប្រើប្រាស់ជណ្តើរយន្ត មានម្តាយឪពុក ឬ ចាស់ទុំជាអ្នកនៅមើលថែ។
កាលពីប៉ុន្មានឆ្នាំមុន មានករណីជាច្រើនទៀត កើតឡើងពាក់ព័ន្ធជាមួយនឹងក្មេងៗនិងជណ្តើរយន្ត។ រឿងនេះចេះតែបន្តកើតមាន បើទោះបីជាមានការចុះផ្សាយឱ្យដឹងជាដំណឹងយ៉ាងណាក៏ដោយ៕
ចែករំលែកព័តមាននេះ