សហរដ្ឋអាមេរិក-អុីរ៉ង់ ៖ មួយឆ្នាំក្រោយចាកចេញពីកិច្ចព្រមព្រៀង ស្ដីពីនុយក្លេអ៊ែរអុីរ៉ង់ ប្រធានាធិបតីអាមេរិកលោកដូណាល់ត្រាំ ប្រកាន់យកការគាបសង្កត់កាន់តែខ្លាំងប្រឆាំងប្រទេសនោះ ដោយគ្មានទិសដៅច្បាស់លាស់ ប៉ុន្តែបង្កើនភាពតានតឹងដែលអាចឈានទៅរកការប៉ះទង្គិចគ្នាមួយ។ លោកដូណាល់ត្រាំប្រកាសនាថ្ងៃទី៨ឧសភា ពីការដាក់ទណ្ឌកម្មថ្មីៗទៀត…
សហរដ្ឋអាមេរិក-អុីរ៉ង់ ៖ មួយឆ្នាំក្រោយចាកចេញពីកិច្ចព្រមព្រៀង ស្ដីពីនុយក្លេអ៊ែរអុីរ៉ង់ ប្រធានាធិបតីអាមេរិកលោកដូណាល់ត្រាំ ប្រកាន់យកការគាបសង្កត់កាន់តែខ្លាំងប្រឆាំងប្រទេសនោះ ដោយគ្មានទិសដៅច្បាស់លាស់ ប៉ុន្តែបង្កើនភាពតានតឹងដែលអាចឈានទៅរកការប៉ះទង្គិចគ្នាមួយ។
លោកដូណាល់ត្រាំប្រកាសនាថ្ងៃទី៨ឧសភា ពីការដាក់ទណ្ឌកម្មថ្មីៗទៀត ប្រឆាំងក្រុងតេហេរ៉ង់ ដោយលើកនេះសំដៅលើផ្នែកលោហធាតុឧស្សាហកម្ម ហើយស្វែងរកកាត់បន្ថយថែមទៀតចំណូលនានារបស់ អុីរ៉ង់ ។ ក្រិត្យមួយរបស់ប្រធានាធិបតី បានដាក់ទណ្ឌកម្មលើការនាំចេញរ៉ែដែក ដែកថែប អាលុយមីនីញ៉ូមនិងស្ពាន់ដែលតំណាងឲ្យសរុប១០%នៃការនាំចេញរបស់ អុីរ៉ង់ ។
លោកTIM MORRISONទីប្រឹក្សាពិសេសប្រធានាធិបតីទទួលបន្ទុកបញ្ហាអាវុធសម្លាប់រង្គាលនិងអាវុធជីវសាស្ត្រ ថ្លែងនាពេលមុននេះថា ក្រុងវ៉ាស៊ិនតោនពុំបញ្ចប់ជាមួយបណ្ដាទណ្ឌកម្មប្រឆាំង អុីរ៉ង់ ឡើយ។
ទណ្ឌកម្មថ្មីនោះកើតមានខណៈដែលរដ្ឋអំណាច អុីរ៉ង់ ប្រកាសពីការសម្រេចផ្អាកការសន្យាមួយចំនួន លើការត្រួតពិនិត្យកម្មវិធីនុយក្លេអ៊ែររបស់ខ្លួន។
អាជ្ចាធរក្រុងតេហេរ៉ង់បានធ្វើការសម្រេចនោះ ក្រោយអាមេរិកអនុវត្តឡើងវិញយន្តការនៃការដាក់ទណ្ឌកម្ម សំដៅជាពិសេសការនាំចេញប្រេងកាត អុីរ៉ង់ ។ អាមេរិកក៏មានបំណងផងដែរដាក់ទណ្ឌកម្មបណ្ដារដ្ឋដែលនៅតែបន្តរក្សាទំនាក់ទំនងពាណិជ្ជកម្មជាមួយ អុីរ៉ង់ ។
អុីរ៉ង់ កាលពីថ្ងៃទី៨ឧសភាបានប្រកាសពីការដកខ្លួនចេញពីការសន្យា២ ទាក់ទិននឹងកម្មវិធីនុយក្លេអ៊ែររបស់ខ្លួន ហើយក៏ដាក់ឱសានវាទ ទុកពេល២ខែដល់ពួកអឺរ៉ុប ឲ្យពួកគេស្វែងរកដំណោះស្រាយមួយដែលអាចឲ្យខ្លួនចាកចេញ ដោយពិតប្រាកដពីភាពឯកោ បណ្ដាលមកពីការដាក់ទណ្ឌកម្មសេដ្ឋកិច្ចអាមេរិក បើពុំដូច្នោះទេខ្លួននឹងបោះបង់ចោលការសន្យាឯទៀតៗ។
ការប្រកាសនោះកើតមានក្នុងបរិយាកាសតានតឹងខ្លាំង រវាង អុីរ៉ង់ និងអាមេរិកដែលប្រកាសកាលពីថ្ងៃទី៧ឧសភា ពីការបញ្ជូនកងនាវាផ្ទុកយន្តហោះនិងកងយន្តហោះទម្លាក់គ្រាប់បែកយុទ្ធសាស្ត្រB-52 ទៅកាន់តំបន់ឈូងសមុទ្រពែរ្ស៍ ដើម្បីទប់ទល់នឹងការវាយប្រហារជាយថាហេតុ របស់ អុីរ៉ង់ ប្រឆាំងកងទ័ពអាមេរិក។
អុីរ៉ង់ ចាប់ពីពេលនេះតទៅឈប់កម្រិតការផលិតទឹកធ្ងន់និងការចម្រាញ់អ៊ុយរ៉ានីញ៉ូម ដូចមានចែងក្នុងកិច្ចព្រមព្រៀងក្រុងវីយែនឆ្នាំ២០១៥ ដែលកម្រិតកម្មវិធីនុយក្លេអ៊ែរ អុីរ៉ង់ ជាថ្នូរនឹងការលុបចោល ទណ្ឌកម្មប្រឆាំងប្រទេសនោះ៕
ចែករំលែកព័តមាននេះ