ខេត្តមណ្ឌលគិរី ៖ ប្រជាពលរដ្ឋរស់នៅក្រុងសែនមនោរម្យ បានសាទរជាខ្លាំងចំពោះចំណាត់ការរបស់អាជ្ញាធរខេត្តមណ្ឌលគិរី ដែលបានសហការជាមួយក្រសួងវប្បធម៌ និងក្រសួងដែនដីចុះកំណត់បោះបង្គោលព្រំដីមជ្ឈមណ្ឌលវប្បធម៌ជនជាតិដើមភាគតិចភ្នំដោះក្រមុំ កាលពីព្រឹកថ្ងៃទី០៩ ឧសភា នេះ ។…
ខេត្តមណ្ឌលគិរី ៖ ប្រជាពលរដ្ឋរស់នៅក្រុងសែនមនោរម្យ បានសាទរជាខ្លាំងចំពោះចំណាត់ការ
របស់អាជ្ញាធរខេត្តមណ្ឌលគិរី ដែលបានសហការជាមួយក្រសួងវប្បធម៌ និងក្រសួងដែនដីចុះកំណត់បោះ
បង្គោលព្រំដីមជ្ឈមណ្ឌលវប្បធម៌ជនជាតិដើមភាគតិចភ្នំដោះក្រមុំ កាលពីព្រឹកថ្ងៃទី០៩ ឧសភា នេះ ។ លោក ស្វាយ សំអ៊ាង អភិបាលខេត្តបានឲ្យដឹងថា ដីភ្នំដោះក្រមុំត្រូវបានរាជរដ្ឋាភិបាលកម្ពុជា សម្រេចបង្កើតឡើងតាំងពីឆ្នាំ២០០៤ ដើម្បីទុកជាសម្បត្តិសាធារណៈ តែដោយកាលណោះ ដីនៅតំបន់នេះ មិនទាន់មានការបោះកំណត់ព្រំឱ្យបានត្រឹមត្រូវ ដូច្នេះហើយក៏មានសកម្មភាពលួចទន្ទ្រានដីពីសំណាក់បងប្អូនប្រជាពលរដ្ឋ ដែលរស់នៅតាមចង្កេះភ្នំ ។
លោកអភិបាលខេត្តបន្តថា រយៈពេលពីរបីឆ្នាំចុងក្រោយនេះ ក្នុងនាមអាជ្ញាធរខេត្ត លោកបានដាក់ចេញវិធានការតឹងរឹង ទប់ស្តាត់ការរំលោភបំពានពីជនខិលខូច និងចាត់វិធានការទៅតាមច្បាប់ ដើម្បីថែរក្សាដីនៅតំបន់នេះទុកទៅថ្ងៃក្រោយ ។
ហើយនៅពេលនេះ ដោយមានក្រុមការងារចម្រុះ លោកអភិបាលខេត្តជឿជាក់ថា អ្វីៗទាំងអស់ទា ំងការចុះពិនិត្យផ្ទៀងផ្ទាត់ ការដោះស្រាយនឹងអាចចប់សព្វគ្រប់ ព្រោះក្រុមការងារបានឯកភាពគ្នាឈរលើគោលការណ៍ «ទប់ស្កាត់ ការពារ និងថែរក្សា» ដីនេះឱ្យគង់វង្សយូរអង្វែង មិនអនុញ្ញាតឱ្យបុគ្គលណាម្នាក់កាន់កាប់ជាកម្មសិទ្ធិឯកជនដាច់ខាត ។
លោក ថៃ នរក្សសត្យា រដ្ឋលេខាធិការក្រសួងវប្បធម៍ និងវិចិត្រ សិល្បះ បានថ្លែងថា បេសកម្មរបស់គណៈកម្មធិការចម្រុះនាពេលនេះ គឺជាសញ្ញាវិជ្ជមានដ៏ប្រសើរ ព្រោះបញ្ហាដីនៅតំបន់ភ្នំដោះក្រមុំនេះ បានអូសបន្លាយជាច្រើនឆ្នាំមកហើយ ។
លោកថា ការសម្រេចរួមគ្នាក្នុងការចុះបោះបង្គោលកំណត់ព្រំដីនេះ នឹងពន្លឿនដល់ការងារជំនាញវប្បធម៏ ដើម្បីធ្វើរបាយការណ៍ជាក់ស្តែងដាក់ជូនសម្តេចតេជោ ដែលកន្លងមកសម្តេចបានជម្រុញឲ្យស្ថាប័នជំនាញពាក់ព័ន្ឋដោះស្រាយបញ្ហានៅទីនេះឲ្យបានចប់ឆាប់ៗ ជៀសវាងការទន្ទ្រានដោយខុសច្បាប់បន្តទៀត ។
ចែករំលែកព័តមាននេះ