ខេត្តកំពង់ធំ ៖ ពេលដែលស្ត្រីជាម្តាយដើរទៅរកទិញម្ហូបមួយភ្លែត ស្រាប់តែបុរសជាកូនបានចងកសម្លាប់ខ្លួន បង្កឱ្យមានការភ្ញាក់ផ្អើលកើតឡើងកាលពីវេលាម៉ោង៤និង៤៥នាទីរសៀលថ្ងៃទី៨ ខែឧសភា ឆ្នាំ២០១៩ នៅចំណុចផ្ទះរបស់ជនរងគ្រោះ ស្ថិតក្នុងភូមិស្វាយកាល់ ឃុំកកោះ…
ខេត្តកំពង់ធំ ៖ ពេលដែលស្ត្រីជាម្តាយដើរទៅរកទិញម្ហូបមួយភ្លែត ស្រាប់តែបុរសជាកូនបានចងកសម្លាប់ខ្លួន បង្កឱ្យមានការភ្ញាក់ផ្អើលកើតឡើងកាលពីវេលាម៉ោង៤និង៤៥នាទីរសៀលថ្ងៃទី៨ ខែឧសភា ឆ្នាំ២០១៩ នៅចំណុចផ្ទះរបស់ជនរងគ្រោះ ស្ថិតក្នុងភូមិស្វាយកាល់ ឃុំកកោះ ស្រុកសន្ទុក ខេត្តកំពង់ធំ ។
សមត្ថកិច្ចបានប្រាប់ឱ្យដឹងថា ជនរងគ្រោះដែលស្លាប់ឈ្មោះ ស្រ៊ុន កន ភេទប្រុស អាយុ៣៧ឆ្នាំ មុខរបរកសិករ នៅភូមិកើតហេតុខាងលើ ។
បើតាមការបំភ្លឺរបស់ឈ្មោះសន គុណ ភេទស្រី អាយុ៦៣ឆ្នាំ ត្រូវជាម្ដាយបង្កើតរបស់ជនរងគ្រោះបានរៀបរាប់ថា កន្លងមកកូនរបស់គាត់មានជំងឺសរសៃប្រសាទ (សតិមិនសូវគ្រប់) អស់រយៈពេលជាច្រើនឆ្នាំមកហើយ នៅប៉ុន្មានខែកន្លងមកនេះ កូនប្រុសរបស់គាត់ចេះតែរកចងកសម្លាប់ខ្លូន តែត្រូវបានគាត់ជាម្តាយមើលថែមិនសូវហ៊ានទៅណាឆ្ងាយចោលកូនទេ ។
ស្ត្រីដដែលបានបន្តចា លុះនៅថ្ងៃកើតហេតុ គាត់ក៏បានឆ្លៀតទៅផ្សារដែលនៅជិតនោះ ដើម្បី រកទិញម្ហូបមួយភ្លែត ស្រាប់តែចៅប្រុសរបស់គាត់ឈ្មោះ សុខ ហេង អាយុ១១ឆ្នាំ បានរត់ទៅប្រាប់គាត់ថា «យាយៗ ពូចងកនៅក្រោមផ្ទះស្លាប់បាត់ហើយ» ។ ឮដូច្នេះគាត់ក៏ប្រញាប់ទៅផ្ទះ លុះពេលដល់ក៏ប្រទះឃើញកូនរបស់គាត់យកខ្សែអង្រឹងចងកក្រោមផ្ទះ ហើយក៏មានការភ្ញាក់ផ្អើលដល់បងប្អូនជិតខាងនាំគ្នាមកមើល ហើយក៏ស្រាយខ្សែចំណងយកកូនរបស់គាត់ដាក់ លើគ្រែដើម្បីជួយសង្គ្រោះដែរ តែកូនប្រុសរបស់គាត់បានស្លាប់បាត់ទៅហើយ រួចក៏បានរាយការណ៍ទៅសមត្ថកិច្ចដើម្បីចុះមកពិនិត្យ។
ក្រោយពីទទួលបានព័ត៌មានខាងលើភ្លាម កម្លាំងជំនាញក៏បានសហការជាមួយប៉ុស្តិ៍នគរបាល និងមេភូមិចុះមកដល់ទីកន្លែងកើតហេតុ ដើម្បីពិនិត្យសពហើយរកឃើញនៅលើ.កជនរងគ្រោះមានស្នាមពណ៌ក្រម៉ៅចាប់ពីផ្នែកខាងមុខបញ្ឆិតទៅក្រោយព័ទ្ធជុំវិញ.កមានទំហំ១សង្ទីម៉ែត្រ ចំណែកនៅលើខ្លួនសព ពុំឃើញមានស្លាកស្នាមអ្វីផ្សេងគួរឱ្យកត់សម្គាល់ឡើយ ទើបសមត្ថកិច្ចជំនាញសន្និដ្ឋានថា ជនរងគ្រោះពិតជាស្លាប់ដោយសារធ្វើអត្តឃាតចង.កប្រាកដមែន ៕
ចែករំលែកព័តមាននេះ