សម្តេចតេជោ និងលោកជំទាវបង្ហាញជីវិតសាមញ្ញនៅចំការ
- ភ្នំពេញ
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបង្ហាញពីភាពសាមញ្ញនៃការហូបផ្លៃឪឡឹកជាមួយសម្តេចកិត្តព្រឹទ្ធបណ្ឌិត ប៊ុន រ៉ានី ហ៊ុនសែន នៅចំការមួយ…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបង្ហាញពីភាពសាមញ្ញនៃការហូបផ្លៃឪឡឹកជាមួយសម្តេចកិត្តព្រឹទ្ធបណ្ឌិត ប៊ុន រ៉ានី ហ៊ុនសែន នៅចំការមួយ ។ សម្តេច តេជោបានសរសេរលើបណ្តាញសង្គមនៅថ្ងៃទី៩ ឧសភា យ៉ាងដូច្នេះថា ម្សិលមិញខ្ញុំបានបង្ហាញរូបថតដែលខ្ញុំប្រើដៃពុះផ្លែឪឡឹកដែលធ្វើអោយបងប្អូនមួយចំនួនគិតស្មានថា កម្លាំងដៃខ្ញុំខ្លាំងអាចវាយបំបែកផ្លែឪឡឹកអោយភរិយាខ្ញុំទទួលទានបាន ។
សម្តេចបានបង្ហោះអមជាមួយវីដេអូ និងរូបសន្លឹកជាច្រើនជាមួយភរិយា ដោយលើកឡើង ទៀត ថា ការពិតអ្នកបំបែកផ្លែឪឡឹក គឺភរិយាខ្ញុំទៅវិញទេ ។ សូមមើលក្នុងវីដេអូនេះ និងដឹងពី របៀបបំបែកផ្លែឪឡឹកដែលភរិយាខ្ញុំបានធ្វើក្រោយពេលខ្ញុំវាយនឹងដៃមិនបែក ។ សម្តេចបន្តថា ថ្ងៃនេះខ្ញុំដើរហាត់ប្រាណជាមួយនឹងការមើលផលដំណាំក៏បានជួបភរិយាខ្ញុំដើរហាត់ប្រាណនៅចំការពោតទៀត ។ នេះពិតជាគូរព្រេងមិនព្រាត់មែន ៕
ចែករំលែកព័តមាននេះ