លោកអ៊ុំ រាត្រី ក្លាយជាអភិបាលខេត្ត ជំនួសលោកសួន បវរ …
- ភ្នំពេញ
រាជធានីភ្នំពេញ ៖ លិខិតផ្លូវការមួយដែលចុះហត្ថលេខា ដោយសម្តេចតេជោនាយករដ្ឋមន្ត្រី ហ៊ុន សែន បានទូលថ្វាយព្រះមហាក្សត្រ សុំផ្ទេរភារកិច្ចលោក សួន បវរ…
រាជធានីភ្នំពេញ ៖ លិខិតផ្លូវការមួយដែលចុះហត្ថលេខា ដោយសម្តេចតេជោនាយករដ្ឋមន្ត្រី ហ៊ុន សែន បានទូលថ្វាយព្រះមហាក្សត្រ សុំផ្ទេរភារកិច្ចលោក សួន បវរ…
រាជធានីភ្នំពេញ ៖ លិខិតផ្លូវការមួយដែលចុះហត្ថលេខា ដោយសម្តេចតេជោនាយករដ្ឋមន្ត្រី ហ៊ុន សែន
បានទូលថ្វាយព្រះមហាក្សត្រ សុំផ្ទេរភារកិច្ចលោក សួន បវរ ពីអភិបាលខេត្តបន្ទាយមានជ័យ មកបម្រើការងារនៅទីស្តីការក្រសួងមហាផ្ទៃ ដើម្បីទទួលភារកិច្ចថ្មី និងដាក់លោក អ៊ុំ រាត្រី បច្ចុប្បន្ន អភិបាលរង
ជាអភិបាលខេត្តវិញ ។ គួរបញ្ជាក់ថា ៖ ពិធីប្រកាសតែងតាំងអភិបាលខេត្តបន្ទាយមានជ័យថ្មីនឹងប្រព្រឹត្តទៅនៅថ្ងៃស្អែកនេះ
តាមលិខិតរបស់សម្តេចតេជោ ហ៊ុន សែន ថ្វាយព្រះមហាក្សត្រ នៅថ្ងៃទី៨ ខែឧសភា បានលើកឡើងថា ដោយផ្អែកតាមសេចក្តីត្រូវការចាំបាច់របស់រាជរដ្ឋាភិបាលនៃព្រះរាជាណាចក្រកម្ពុជា និងដោយបានពិនិត្យលើលក្ខណៈសម្បត្តិ សមត្ថភាព និងបទពិសោធន៍ការងាររបស់មន្ត្រីរាជការ ព្រមទាំងដើម្បីលើកកម្ពស់ប្រសិទ្ធភាពការដឹកនាំ និងការគ្រប់គ្រងការងាររដ្ឋបាលខេត្តបន្ទាយមានជ័យឲ្យមានដំណើរការល្អប្រសើរ ទូលបង្គំជាខ្ញុំសូមព្រះបរមរាជានុញ្ញាតដ៏ខ្ពង់ខ្ពស់ពីព្រះករុណាជាអម្ចាស់ជីវិតលើត្បូងគោរពស្នើសុំផ្ទេរភារកិច្ចនិងតែងតាំងមុខតំណែងអភិបាលនៃគណៈអភិបាលខេត្តបន្ទាយមានជ័យដូចខាងក្រោម ៖
១-គោរពស្នើសុំផ្ទេរភារកិច្ចលោក សួន បវរ ឋានន្តរស័ក្តិឧត្តមន្ត្រីថ្នាក់លេខ២ ពីអភិបាលនៃគណៈអភិបាលខេត្តបន្ទាយមានជ័យ ឲ្យមកបម្រើការងារនៅទីស្តីការក្រសួងមហាផ្ទៃដើម្បីទទួលភារកិច្ចថ្មី ។ ២-គោរពស្នើសុំតែងតាំងលោក អ៊ុំ រាត្រី ឋានន្តរស័ក្តឧត្តមន្ត្រីថ្នាក់លេខ៦ ជាអភិបាលនៃគណៈអភិបាលខេត្តមានជ័យ ជំនួសលោកសួន បវរ ។ ៣-គោរពស្នើសុំផ្ទេរបញ្ចូលលោក គឹង វណ្ណៈ ពីឋានន្តរស័កិ្តឧត្តមសេនីយ៍ឯក អត្តលេខ ៦៤៥៥៦ នៃក្របខណ្ឌមន្ត្រីគនរបាលជាតិកម្ពុជា មកជាឋានន្តស័ក្តិឧត្តមន្ត្រីថ្នាក់លេខ២ នៃក្របខណ្ឌមន្ត្រីរដ្ឋបាលជាន់ខ្ពស់ក្រសួងមហាផ្ទៃ ដើម្បីមានឧបនិស្ស័យតែងតាំងមុខតំណែងជាអភិបាលរងខេត្តបន្ទាយមានជ័យ ។
មានការកត់សម្គាល់ថា ការដកតួនាទីលោក សូន បវរ គឺក្រោយពីបែកធ្លាយរឿងរ៉ាវស្នេហាក្រៅផ្ទះផ្អើលពេញបណ្តាញសង្គមហ្វេសបុ៊ក កាលពីចុងខែមេសាកន្លងទៅ ដោយស្ត្រីម្នាក់ចេញមុខចោទប្រកាន់រូបលោកថា បានបោះបង់ខ្លួនចោល បន្ទាប់ពីមានទំនាក់ទំនងស្នេហាអស់រយៈពេល៥ឆ្នាំ ។
ការបកអាក្រាតរឿងរ៉ាវស្នេហានេះ រហូតដល់ស្ត្រីរូបនោះ ទៅស្រែកតវ៉ានៅមុខសាលាខេត្ត ធ្វើឲ្យមានការប៉ះពាល់ធ្ងន់ធ្ងរដល់លោក សួន បវរ រហូតមានការសម្របសម្រួលផ្តល់ប្រាក់ចំនួន២មុឺនដុល្លារ ដើម្បីបញ្ចប់បញ្ហា ។ ការតវ៉ារបស់ស្ត្រីរូបនេះ ក៏បានឆាតចូលហ្វេសបុ៊កសម្តេចតេជោ ដើម្បីឲ្យជួយអន្តរាគមន៍ផងដែរ។
ចែករំលែកព័តមាននេះ