បុរសនេះខ្លោចខ្លួនដើម្បីជួយក្មេងស្រីចេញពីអណ្តាតភ្លើងទទួលបានអំណោយ
- ភ្នំពេញ
ខេត្តបាត់ដំបង ៖ លោកជំទាវ ពេជ ចន្ទមុន្នី ហ៊ុន ម៉ាណែត បាននាំយកថវិកាចំនួន១ម៉ឺនដុល្លាររបស់សម្តេចតេជោ ហ៊ុន សែន…
ខេត្តបាត់ដំបង ៖ លោកជំទាវ ពេជ ចន្ទមុន្នី ហ៊ុន ម៉ាណែត បាននាំយកថវិកាចំនួន១ម៉ឺនដុល្លាររបស់សម្តេចតេជោ ហ៊ុន សែន…
ខេត្តបាត់ដំបង ៖ លោកជំទាវ ពេជ ចន្ទមុន្នី ហ៊ុន ម៉ាណែត បាននាំយកថវិកាចំនួន១ម៉ឺនដុល្លាររបស់សម្តេចតេជោ ហ៊ុន សែន និងសម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន ទៅឧបត្ថម្ភដល់បុរសម្នាក់ដែលរងរបួសត្រូវភ្លើងឆេះរលាកពេញខ្លួនដោយសារតែគាត់បានជួយក្មេងស្រីអាយុ៨ឆ្នាំម្នាក់ ឲ្យរួចផុតពីសេចក្តីស្លាប់ ក្នុងហេតុការណ៍ផ្ទុះហ្គាសឆេះរថយន្ត ។
ដោយក្តីអាណិតអាសូរបុរសម្នាក់ដែលត្រូវភ្លើងឆេះខ្លោចប្រាណ ព្រោះតែបានជួយក្មេងស្រីអាយុ៨ឆ្នាំម្នាក់ ឲ្យរួចផុតពីសេចក្តីស្លាប់ ក្នុងហេតុការណ៍ផ្ទុះហ្គាសឆេះរថយន្តដែលបានកើតឡើងនៅក្រុងតាខ្មៅ បណ្តាលឲ្យគាត់ត្រូវ រងរបួសធ្ងន់ភ្លើងឆេះពេញខ្លួន ពេលនេះកំពុងសម្រាលព្យាបាលនៅមន្ទីរពេទ្យក្រុងបាត់ដំបងនោះ ហើយសម្តេចតេជោ ហ៊ុន សែន និងសម្តេចកិតិ្តព្រឹទ្ធបណ្ឌិត បានជួយឧបត្ថម្ភថវិកាដល់លោក ឃុត សំណាង ចំនួន១ម៉ឺនដុល្លារ ដែលការប្រគល់ថវិកានេះបាននាំយកទៅប្រគល់ដោយផ្ទាល់ដៃពីសំណាក់លោកជំទាវ ពេជ ចន្ទមុន្នី ហ៊ុន ម៉ាណែត។
លោកជំទាវ ពេជ ចន្ទមុនី្ន ហ៊ុន ម៉ាណែត បានមានប្រសាសន៍ទាំងទឹកមុខអាណិតអាសូរ ថា គួរឱ្យអាណិតលោកពូណាស់ ក្នុងអាការ:ភ្លើងឆាបឆេះពេញខ្លួនប្រាណ និងភាពក្តៅរលាកឈឺផ្សារពេញរូបរាង្គកាយ។ នេះគឺជាអំពើដ៏ល្អដែលជួយសង្គ្រោះជីវិតក្មេងស្រីម្នាក់ឲ្យរួចផុតពីសេចក្តីស្លាប់។
លោកជំទាវបានបន្តថា ថវិកាចំនួន១ម៉ឺនដុល្លា ដែលជាទឹកចិត្តដ៏សប្បុរសរបស់សម្តេចតេជោ និងសម្ដេចកិតិ្តព្រឹទ្ធបណ្ឌិត អាចជួយឧបត្ថម្ភដោះស្រាយ និងអាចជួយកាត់បន្ថយការចំណាយព្យាបាល និងការលំបាកផ្សេងៗផងដែរ។
លោក ឃុត សំណាង សូមគោរពថ្លែងអំណរគុណចំពោះសម្តេចទាំងទ្វេរ និងបងប្អូនជនរួមជាតិ ទាំងក្នុងនិងក្រៅប្រទេស ដែលបានជួយឧបត្ថម្ភគាំទ្រ និងផ្ដល់ក្តីអាណិតអាសូរចំពោះរូបគាត់ ៕
ចែករំលែកព័តមាននេះ