រាជធានីភ្នំពេញ ៖ កាលពីថ្ងៃទី៧ ខែមេសា ចៅក្រមស៊ើបសួរសាលាដំបូងរាជធានីភ្នំពេញ បានសម្រេចចេញដីកាឃុំខ្លួនក្រុមជនសង្ស័យ២នាក់ ដាក់ពន្ធនាគារជាបណ្តោះអាសន្ន និងជនសង្ស័យម្នាក់បញ្ជូនទៅមណ្ឌលកែប្រែរបស់សង្គមកិច្ច ដោយជនសង្ស័យទាំង៣នាក់នេះបានពាក់ព័ន្ធនឹងករណីដើរគាស់ផ្ទះប្រជាពលរដ្ឋ ដែលគេហៅថា ជាក្រុមទីទុយ លួចយកទ្រព្យសម្បត្តិប្រជាពលរដ្ឋពេលយប់ ។
ជនសង្ស័យទាំង៣នាក់ខាងលើ ១-ឈ្មោះ អាន ចន្ទ័រិទ្ធ ហៅ ញ៉ាញ់ ភេទប្រុស អាយុ១៧ឆ្នាំ មុខរបរមិនពិតប្រាកដ ស្នាក់នៅផ្ទះលេខ២៥បេ ផ្លូវលេខ៣៦២ ភូមិ៥ សង្កាត់បឹងសាឡាង ខណ្ឌទួលគោក រាជធានីភ្នំពេញ ២-ឈ្មោះ ស្រេង ច្រិល ភេទប្រុស អាយុ៣៨ឆ្នាំ មុខរបរមិនពិតប្រាកដ ស្នាក់នៅផ្ទះមិនចាំលេខ ផ្លូវលំ ភូមិ៥ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ និង៣-ឈ្មោះ ថា វង្ស ភេទប្រុស អាយុ៣៦ឆ្នាំមុខរបរ រើសអេតចាយ ស្នាក់នៅផ្ទះជួលគ្មានលេខ ផ្លូវBT សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ ។
គួររំលឹកថា កាលពីវេលាម៉ោង៩យប់ថ្ងៃទី៣ ខែឧសភា ឆ្នាំ២០១៩ កម្លាំងជំនាញរបស់ការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ ស្រាវជ្រាវ ឃាត់ខ្លួនបានជនសង្ស័យចំនួន៣នាក់ខាងលើ នៅចំណុចផ្ទះជួលគ្មានលេខស្ថិតនៅខាងកើតប្រឡាយទឹកស្អុយស្ទឹងមានជ័យ ផ្លូវបេតុង ក្រុម១ ភូមិ៥ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ ពាក់ពន្ធ័ប្រព្រឹត្តបទល្មើសលួច កាលពីវេលាម៉ោង១១យប់ថ្ងៃទី១៥ ខែមេសា ឆ្នាំ ២០១៩ ដោយធ្វើសកម្មភាពគាស់ផ្ទះរបស់ជនរងគ្រោះម្នាក់ឈ្មោះ ចាន់ ដារ៉ា ហៅ ជើម ភេទប្រុស អាយុ៣៥ឆ្នាំ មុខរបរលក់ដូរ មានទីលំនៅផ្ទះលេខ២៤បេ ផ្លូវលេខ ៣៦២ ក្រុម១៥ ភូមិ៥ សង្កាត់បឹងសាឡាង ខណ្ឌទួលគោក រាជធានីភ្នំពេញ ។
ចំណែកសម្ភារៈដែលបាត់បង់រួមមាន ម៉ូតូមួយគ្រឿងម៉ាកហុងដាធុនសេ១២៥ ពណ៌ខ្មៅ ស៊េរីឆ្នាំ២០១៨ ពាក់ស្លាកលេខ ភ្នំពេញ ១HC-៤៧១៣, ម៉ូតូមួយគ្រឿងម៉ាកហុងដាធូដេ ពណ៌ក្រហម ពាក់ស្លាកលេខ ភ្នំពេញ ១CV-៤១០៤, ម៉ាស៊ីនបោកគក់ម៉ាកសាំសុងចំនួន១គ្រឿង, ម៉ាស៊ីនភ្លើងមិនចាំម៉ាកចំនួន១គ្រឿង,ទូរទស្សន៍ម៉ាកLG ទំហំ៤៣អ៊ីញចំនួនមួយគ្រឿង និងទូរទស្សន៍ម៉ាកសាំសុង ទំហំ៣៣អ៊ីញ ចំនួន១គ្រឿង ។
បន្ទាប់ពីឃាត់ខ្លួន ជនសង្ស័យទាំង៣នាក់ខាងលើត្រូវបានការិយាល័យនគរបាលកសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញចាត់ការតាមនីតិវិធី ៕
ចែករំលែកព័តមាននេះ