សំណុំរឿងឃាតក.ម្មលើលោក កែម ឡី ដល់ណាហើយ?
- ភ្នំពេញ
រាជធានីភ្នំពេញ ៖ ចៅក្រមជំនុំជម្រះលោក គង់ ស្រ៊ីម នៅថ្ងៃទី៨ ខែឧសភា ឆ្នាំ២០១៩ បានលើកយកសំណុំរឿងឃាតកម្មសម្លាប់លោក កែម…
រាជធានីភ្នំពេញ ៖ ចៅក្រមជំនុំជម្រះលោក គង់ ស្រ៊ីម នៅថ្ងៃទី៨ ខែឧសភា ឆ្នាំ២០១៩ បានលើកយកសំណុំរឿងឃាតកម្មសម្លាប់លោក កែម ឡី ដែលមានជនជាប់ចោទឈ្មោះ អឿត អាង ហៅ ជួប សម្លាប់ អាយុ៣៨ឆ្នាំ ដែលបានប្តឹងសាលទុក្ខមកធ្វើការជំនុំជម្រះ ។ សវនាការបានធ្វើឡើងចំពោះមុខជនជាប់ចោទ និងមេធាវីការពារសិទ្ធិលោក អ៊ឹម ម៉ាច តែតុលាការបានលើកពេលប្រកាលដីកានៅថ្ងៃទី២៤ ខែឧសភា ឆ្នាំ២០១៩ ខាងមុខ ។
ជនជាប់ចោទឈ្មោះ អឿត អាង ហៅ ជួប សម្លាប់ ត្រូវបានចាប់ខ្លួនកាល់ពីថ្ងៃទី១០ ខែកក្កដា ឆ្នាំ២០១៦ បន្ទាប់ពីមានករណីបាញ់សម្លាប់លោកបណ្ឌិត កែម ឡី នៅចំណុចផ្សារស្តាម៉ាតស្ថានីយ៍ប្រេងសាំងកាលតិចស្តុបបូកគោសង្កាត់ទន្លេបាសាក់ ខណ្ឌចំការមន ។
សូមជម្រាបថា កាលពីព្រឹកថ្ងៃទី១១ ខែឧសភា ឆ្នាំ២០១៨ ចៅក្រមសាលាឧទ្ធរណ៍បានសម្រេចប្រកាសសាដីកាតម្កល់ទោសជនជាប់ចោទឈ្មោះ អឿត អាង ហៅ ជួប សម្លាប់ នៅដែលពោលគឺផ្តន្ទាទោសដាក់ពន្ធនាគារអស់មួយជីវិតក្រោមការចោទប្រកាន់ពីបទ«ឃាតកម្មគិតទុកជាមុន»តាមមាត្រា២០០ នៃក្រមព្រហ្មទណ្ឌ និងបទ «ការកាន់កាប់អាវុធដោយខុសច្បាប់» ករណីបាញ់សម្លាប់លោកបណ្ឌិត កែម ឡី ។
តុលាការបានឲ្យដឹងថានៅពេលសវនាការកាលពីថ្ងៃទី១ ខែមីនា ឆ្នាំ២០១៧ «ជួប សម្លាប់» បានសារភាពថា ខ្លួនជាអ្នកបាញ់សម្លាប់លោកបណ្ឌិត កែម ឡី ដោយសារខឹងលោក កែម ឡី ជំពាក់ប្រាក់មិនសង ហើយអះអាងថា គ្មានអ្នកនៅពីក្រោយខ្នងនៃឃាតកម្មនេះនោះទេ ។
គួរបញ្ជាក់ថា ជនជាប់ចោទឈ្មោះ អឿត អាង ហៅ ជួប សម្លាប់ អាយុ៣៨ឆ្នាំ ត្រូវបានសមត្ថកិច្ចឃាត់ខ្លួនភ្លាមៗក្រោយពីបាញ់សម្លាប់លោកបណ្ឌិត កែម ឡី កាលពីវេលាម៉ោង៨និង៥០នាទីព្រឹកថ្ងៃទី១០ ខែកក្កដា ឆ្នាំ២០១៦ នៅចំណុចក្នុងទីតាំងស្តារម៉ាត នៃស្ថានីយប្រេងឥន្ធនៈ កាល់តិចបូកគោ ស្ថិតនៅកាច់ជ្រុង មហាវិថីព្រះមុនីវង្ស និង មហាវិថីម៉ៅសេទុង ក្នុងសង្កាត់ ទន្លេបាសាក់ ខណ្ឌចំការមន រាជធានីភ្នំពេញ ៕
ចែករំលែកព័តមាននេះ