រាជធានីភ្នំពេញ៖ រវាងពេជ្រ សោភា និងលោកឆឹម សក្កដា គឺជាអ្នកជិតដិតបំផុតលើសពីមិត្តភាព។ ប៉ុន្តែពួកគេទាំង២ហាក់នៅឆ្ងាយពីអាពាហ៍ពិពាហ៍ ខុសពីមិត្តរួមផលិតកម្មឱក សុគន្ឋកញ្ញា ។ ពេជ្រ សោភា ជាតារាចម្រៀងដែលជោគជ័យលើអាជីពសិល្បៈ តែស្នេហាវិញមិនសមប្រកបឡើយនាពេលកន្លងមក ។
ទោះជាយ៉ាងណាក្តីការលើកឡើងបែបនេះមិនត្រូវសោភា ទទួលស្គាល់ទេ ដោយនាងចាត់ទុកថា ជាការយល់ឃើញខុសស្រឡះ គឺនាងជោគជ័យទាំងចម្រៀង និងស្នេហា ហើយការលែងលះប្តី គ្មានស្រីណាម្នាក់ចង់បានទេ តែបើប៉ះប្តី «កាន់លុយ» តើគួរទ្រាំ ឬមួយត្រូវរៀបចំជីវិតសាជាថ្មី ព្រោះសម័យនេះហើយ មិនមែនខុសម្តងខុសមួយជីវិតទេ គឺខុសម្តងរកឱ្យទាល់តែត្រូវម្តងទៀត ។
រវាងឆឹម សក្កដា និងពេជ្រ សោភា មួយរយៈកាលនេះហាក់ខ្សត់សកម្មភាពបង្ហោះរូបកៀកកិតគ្នា ឃើញតែ ម្ខាងៗរវល់ការងារផ្ទាល់ខ្លួន ឬមួយស្នេហ៍ប្រែរូបរាងទៅហើយ ។
ដំណឹងដែលមហាជនចង់ដឹង ចង់ឃើញពេជ្រ សោភា ដែលជួបស្នេហ៍ខកបំណងនាពេលកន្លងមកនឹងរៀបការជាមួយសក្កដាជាគូស្នេហ៍វ័យក្មេង មិនមានសញ្ញាអ្វីទេពេលនេះ ។ សោភា សាងស្នេហាថ្មីជាមួយប្រុសឆឹម សក្កដា តែគេសង្ស័យថា ពួកគេសាងស្នេហា «ក្លែងក្លាយ» ។ ផ្ទុយទៅវិញសោភា និងសក្កដា ថា ជាស្នេហាពិត ហើយពួកគេកំពុងពិសោធចិត្តថ្លើមគ្នាឱ្យបានច្បាស់លាស់សិន មុនពេលក្រាបផ្ទឹមជាមួយគ្នា ។
តារាស្និទ្ធពេជ្រ សោភា ខ្លះថា សកម្មភាពបែបនេះគ្រាន់តែជាការបិទបាំងចំពោះអតីតសង្សារត្រៀមរៀបការចោលប៉ុណ្ណោះ តែសោភា មិនខ្វល់ឡើយ ។ ដោយឡែកឱក សុគន្ធកញ្ញា ដែលជាតារាចម្រៀងរួមផលិតកម្មហង្សមាស ជាមួយពេជ្រ សោភាវិញ វិញ ជិតចូលរោងការហើយនៅឆ្នាំ២០១៩ នេះ ។
ពេជ្រ សោភា ធ្លាប់ឡើងកូដដល់កំពូលនៅផលិតកម្មហង្សមាស កាលពីអំឡុងឆ្នាំ២០០៥ ព្រោះបទចម្រៀងនាងស្ទើរគ្រប់បទដែលជាស្នាដៃនិពន្ធរបស់លោកជុំ ប៊ុនធឿន ល្បីស្ទើរតែទាំងអស់ ៕
ចែករំលែកព័តមាននេះ