ស្រាយបួសរ៉ាម៉ាឌននៃសាសនាឥស្លាមកម្ពុជា
- ភ្នំពេញ
រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នារាត្រីថ្ងៃទី៧ ខែឧសភា ឆ្នាំ២០១៩ អញ្ជើញពិសាអាហារស្រាយបួស…
រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នារាត្រីថ្ងៃទី៧ ខែឧសភា ឆ្នាំ២០១៩ អញ្ជើញពិសាអាហារស្រាយបួស…
រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នារាត្រីថ្ងៃទី៧ ខែឧសភា ឆ្នាំ២០១៩ អញ្ជើញពិសាអាហារស្រាយបួស «ខែរ៉ាម៉ាឌន» ជាមួយខ្មែរ-ឥស្លាមសរុប៤,៧៥០នាក់ ដែលមកពីបណ្តាខេត្ត ២,៤៥០នាក់ និងក្នុងរាជធានីភ្នំពេញ១,៩៨០នាក់ ។ ក្នុងពិធីនេះក៏មានការអញ្ជើញចូលរួមពីសាសនិកឥស្លាមមកពីបរទេសចំនួន៣២០នាក់ ដែលមាន៣២ជាតិសាសន៍ រួមទាំងតំណាងរបស់លោកអគ្គលេខាធិការអង្គការសហប្រតិបត្តិការឥស្លាម OIC ចំនួន៣នាក់ផងដែរ ។
នេះ គឺជាលើកទី៦ហើយចាប់តាំងពីឆ្នាំ២០១៤មកវត្តមានរបស់សម្តេចតេជោ ហ៊ុន សែន ក្នុងពិធីដ៏សំខាន់របស់ខ្មែរ-ឥស្លាម បានបង្ហាញពីការយកចិត្តទុកដាក់ខ្ពស់របស់សម្តេចតេជោចំពោះបងប្អូនខ្មែរ-ឥស្លាម ទោះបីសម្តេចជាព្រះពុទ្ធសាសនិកក៏ដោយនោះ ។ លោកទេសរដ្ឋមន្ត្រី អូស្មាន ហាស្សាន់ ប្រធានគណៈកម្មការរៀបចំពិធីស្រាយបួសខែរ៉ាម៉ាឌន នៃសាសនាឥស្លាមកម្ពុជាបានសម្តែងការដឹងគុណ និងរីករាយជាខ្លាំងចំពោះការផ្តល់វត្តមានដ៏ខ្ពង់ខ្ពស់របស់សម្តេចតេជោ ហ៊ុន សែន ក្នុងពិធីពិសាអាហារស្រាយបួស «ខែរ៉ាម៉ាឌន» នេះ ។ លោកបានប្រាប់ឲ្យដឹងថា ការដែលខ្មែរ-ឥស្លាម មានឱកាសបានមកជួបជុំពិសាអាហារស្រាយបួសជាមួយសម្តេចតេជោដោយសារតែសម្តេចបានយកចិត្តទុកដាក់លើកកម្ពស់ផ្តល់សិទ្ធិសេរីភាពនៃជំនឿសាសនាដោយពេញលេញ ដោយឥតមានការប្រកាន់ពូជសាសន៍ ពណ៌សម្បុរ បង្កើតបាននូវសុខដុមនីយកម្មជាតិសាសន៍ និងសាសនា ។
លោកទេសរដ្ឋមន្ត្រីបានគូសបញ្ជាក់ដូច្នេះ «យើងខ្ញុំមានមោទនភាពណាស់ ដែលមានសម្តេចតេជោប្រមុខរាជរដ្ឋាភិបាលបាន និងកំពុងដឹកនាំលើកកម្ពស់យកចិត្តទុកដាក់ដោះស្រាយជាបន្តបន្ទាប់ជូននូវរាល់សំណូមពរ និងកង្វល់ទាំងប្រជាជនកម្ពុជា រួមនិងបងប្អូនឥស្លាមកម្ពុជាដែលមានតម្រូវការហើយ សម្តេចតែងតែបានធ្វើការសម្រួលដោះស្រាយជូនដោយការយកចិត្តទុកដាក់ជាទីបំផុត» ។
ជាមេដឹកនាំដែលមិនមានការប្រកាន់និន្នាការសាសនា ឬជាតិសាសន៍នោះសម្តេចតេជោ ហ៊ុន សែន បានបើកចិត្តទូលាយឱ្យខ្មែរ-ឥស្លាមបានចូលរួមបម្រើការងារជាមន្ត្រីរាជការទាំងនៅថ្នាក់ជាតិ និងថ្នាក់ក្រោមជាតិ ។ ក្នុងនោះមានគ្រូបង្រៀនខ្មែរ-ឥស្លាមជាច្រើននាក់ត្រូវបានបញ្ចូលក្នុងក្របខណ្ឌក្រសួងអប់រំ ហើយមានសាលាជាច្រើនត្រូវបានសាងសង់ផ្តល់ការអប់រំដល់កូនប្រជាពលរដ្ឋខ្មែរ-ឥស្លាម ។ រាជរដ្ឋាភិបាលកម្ពុជាដឹកនាំដោយសម្តេចតេជោក៏បើកសិទ្ធិជូនប្រជាពលរដ្ឋខ្មែរ-ឥស្លាម ដោយពាក់ស្បៃ និងពាក់មួកកាតិបសម្រាប់ថតរូបធ្វើលិខិតស្នាមផ្សេងៗ ។ បន្ថែមពីលើនោះសម្តេចតេជោ ហ៊ុន សែន ក៏បានអនុញ្ញាតខ្មែរ-ឥស្លាម អាចប្រើប្រាស់សម្លៀកបំពាក់ប្រពៃណីរបស់ពួកគេ ដើម្បីបម្រើការងារនៅតាមក្រុមហ៊ុនឯកជន និងស្ថាប័នរដ្ឋផងដែរ ។
បើតាមលោក អូស្មាន ហាហ្សាន់ បានឱ្យដឹងថា សម្តេចតេជោ ហ៊ុន សែន បានដោះស្រាយនូវសំណូមពរជាច្រើនជូនបងប្អូនខ្មែរ-ឥស្លាម ។ មិនតែប៉ុណ្ណោះសម្តេចតេជោនាយករដ្ឋមន្ត្រីបានផ្តល់គោលនយោបាយបន្ថែមរៀបចំឲ្យមានបងប្អូនមុស្លីម បានចូលរួមបម្រើកិច្ចការជូនជាតិនៅក្នុងស្ថាប័ននិតិបញ្ញាតិ នីតិប្រត្តិបត្តិ រាជរដ្ឋាភិបាល ថ្នាក់ជាតិ ថ្នាក់ក្រោមជាតិ មន្ត្រីជាន់ខ្ពស់ នគរបាល យោធា ។ នៅកម្ពុជានាពេលបច្ចុប្បន្នមានពុទ្ធសាសនិកប្រមាណ៩៥ភាគរយ ឥស្លាមមានជិត២ភាគរយ និងគ្រិស្តសាសនិកប្រមាណ ១.២៥ភាគរយ ព្រមទាំងសាសនាផ្សេងៗមួយចំនួនទៀត ៕
ចែករំលែកព័តមាននេះ