មន្ត្រីជាន់ខ្ពស់រដ្ឋាភិបាលបានអោយដឹងថា ចំនួនគ្រោះថ្នាក់របស់កម្មករនៅក្នុងការងារនៅតែមានចំនួនខ្ពស់ បើទោះបីជាវាបានថយចុះបើធៀបនឹងឆ្នាំ២០១៧ក៏ដោយ ។ លោក អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈបាននិយាយថា នៅក្នុងប្រទេសកម្ពុជា តាមរយៈរបាយការណ៍របស់បេ ឡាជាតិរបបសន្តិសុខសង្គមបានបង្ហាញឱ្យឃើញថា គ្រោះថ្នាក់ការងារករណីស្លាប់ និងការចំណាយទៅសំណងហានិភ័យការងារឆ្នាំ២០១៨ មានថយចុះស្មើនឹង១៨.២៥% បើធៀបនឹងឆ្នាំ២០១៧ កន្លងមក ។
លោកនិយាយថា ក្នុងនោះគ្រោះថ្នាក់ការងារសរុបចំនួន៣៤,៨០៨ករណី រួមមានគ្រោះថ្នាក់នៅកន្លែងធ្វើការមានចំនួន២៥,២០៦នាក់ គ្រោះថ្នាក់ពេលធ្វើដំណើរចំនួន៩,៥៣០នាក់ និងផ្សេងៗចំនួន៧២នាក់ ។
ដោយឡែកចំពោះករណីដួលសន្លប់របស់កម្មករនិយោជិតមានការថយចុះចំនួន៥៤.៥៥% ដោយកើតឡើងនៅក្នុង២២សហគ្រាស-គ្រឹះស្ថាន នៅឆ្នាំ២០១៧ មកត្រឹម ១០សហគ្រាស-គ្រឹះស្ថាន នៅឆ្នាំ២០១៨ ដែលនេះបង្ហាញពីការយកចិត្តទុកពីគ្រប់ភាគីពាក់ព័ ន្ធក្នុងបង្ការសុវត្ថិភាព និងសុខភាពការងារនៅកន្លែងធ្វើការ ។
គួរបញ្ជាក់ថា ករណីដួលសន្លប់នៅតាមរោងចក្រត្រូវបានសារព័ត៌មានធ្វើការរាយការណ៍យ៉ាងញឹកញាប់ហើយតម្រូវអោយមានការយកចិត្តទុកដាក់បន្ថែមពីរដ្ឋាភិបាល ៕
ចែករំលែកព័តមាននេះ