ការរួមភេទគឺជារឿងមួយដែលសំខាន់សម្រាប់តម្រូវការរាងកាយរបស់មនុស្សយើង ហើយក៏មិនអាចចៀសបានដែរ ។ សម្រាប់សាសនាមួយចំនួន ការរួមភេទគឺមិនត្រូវបាននិយាយបើកចំហពេញលេញឡើយ ហើយក៏មានការដាក់បម្រាមច្រើនផងដែរចំពោះមនុស្សជំនាន់ក្រោយ ។ ប៉ុន្តែ តើអ្នកដឹង ទេថា ការដែលខ្វះការយល់ដឹងអំពីការរួមភេទ វាអាចមានផលប៉ះពាល់ដល់រាងកាយមនុស្សយើងច្រើន ជាពិសេសការដែលមិនដែលរួមភេទសោះតែម្តង ។
១-ថយចុះសមត្ថភាពខាងផ្លូវចិត្ត ៖ ការរួមភេទរបស់មនុស្សគឺជាផ្នែកមួយដែលជួយទប់ស្កាត់ការបាក់ទឹកចិត្ត ដូច្នេះអ្នកអាចផ្តោតសំខាន់ទៅលើគោលដៅរបស់អ្នកបានយ៉ាងពេញលេញ ។ សារធាតុ Serotonin គឺជាសារធាតុគីមីសម្រាប់ប្រឆាំងការបាក់ទឹកចិត្តរបស់រាងកាយមនុស្ស ដែលវាក៏ជួយធ្វើឲ្យយើងសប្បាយចិត្ត អារម្មណ៍ល្អ និងទប់ស្កាត់ការឈឺក្បាលផងដែរ ។
នៅតែជាមនុស្សមានភាពទន់ខ្សោយ និងមិនហ៊ានតស៊ូលើបញ្ហាដែលកើតឡើង ភ្លាមៗការរួមភេទជួយធ្វើឲ្យអ្នកមានភាពច្បាស់លាស់ខាងរាងកាយ និងផ្លូវចិត្ត ហើយវាក៏មិនត្រឹមតែមានប្រយោជន៍មួយនេះទេ តែថែមទាំងបង្កើនទំនុកចិត្តលើខ្លួនឯងកាន់តែខ្លាំងថែមទៀត ។
២-ប្រព័ន្ធភាពស៊ាំចុះខ្សោយ ៖ ការសិក្សាបានបង្ហាញថា អ្នកដែលចៀសវាងការរួមភេទគឺមិនសូវមានប្រព័ន្ធភាពស៊ាំរឹងមាំដូចអ្នកដែលរួមភេទញឹកឡើយ ។ វាជាលំហាត់ប្រាណមួយដែលអាចរំលាយជាតិខ្លាញ់ពីក្នុងខ្លួន និងធ្វើឲ្យយើងទៅជាមានភាពរឹងមាំបាន ។
៣-មុខមើលទៅកាន់តែឆាប់ចាស់ ៖ ការរួមភេទជួយបង្កើនថាមពលរាងកាយ និងការរំលាយអាហារ ដើម្បីធ្វើឲ្យមានអារម្មណ៍ និងមើលទៅក្មេងជាងវ័យ ជាពិសេសក្មេងជាងអ្នកមិនដែលរួមភេទសោះ ។ តាមការសិក្សាបានឲ្យដឹងថា អ្នកដែលរួមភេទញឹកញាប់គឺមានភាពវ័យក្មេងជាងអាយុរហូតដល់៧ឆ្នាំឯណោះ ។
៤- មានបញ្ហារោគស្ត្រីច្រើន ៖ បើសិនជាអ្នកមិនរួមភេទទេ នោះចំណង់ផ្លូវភេទនឹងថយចុះ ហើយជញ្ជាំងទ្វារមាសក៏ទៅជាចុះខ្សោយដែរ។ នៅពេលស្ត្រីឈានដល់ពេលរាំងរដូវដោយមិនមានការរួមភេទ វាអាចនឹងធ្វើឲ្យមានការឈឺចាប់ខ្លាំងនៅពេលចង់រួមភេទ ម្តងៗ ។
៥-បុរសត្រូវប្រឈមនឹងមហារីកក្រពេញប្រូស្តាត ៖ បើសិនជាបុរសរស់នៅដោយគ្មានការរួមភេទ នោះវាជាហេតុផលដែលធ្វើឲ្យកើតជំងឺមហារីកក្រពេញប្រូស្តាតហើយ ។ ការដែលរួមភេទញឹកញាប់នឹងបន្ថយការប្រឈមមុខនេះវិញ ។ បើសិនជាអ្នករួមភេទជាទៀងទាត់នោះ កម្រិតអ៊័រម៉ូនតេស្តូស្តេរ៉ូននឹងស្ថិតក្នុងកម្រិតមួយដែលអាចសង្គ្រោះអ្នកពីមហារីកក្រពេញប្រូស្តាតបាន ។
៦-គ្រោះថ្នាក់ដល់ការចងចាំ ៖ ការរួមភេទទៀងទាត់ត្រូវបានគេរកឃើញថាជួយបង្កើនការចងចាំ ប៉ុន្តែបើសិនជាអ្នកមិនបានធ្វើវាទេ វាពិតជារងការប៉ះពាល់ជាមិនខាន (ប្រភពពី៖ Health.com.kh) ៕
ចែករំលែកព័តមាននេះ