ខេត្តព្រះសីហនុ ៖ តាមព័ត៌មានចុងក្រោយបានឱ្យដឹង នៅត្រឹមវេលាម៉ោងជាង៧យប់ ថ្ងៃទី០៦ ឧសភា គឺនៅមិនទាន់បានទទួលព័ត៌មានជាផ្លូវការណាមួយនៅឡើយទេ លើករណីបុរសចិនដែលឃាតករបាញ់សម្លាប់លើផ្លូវប្រជុំជន ។ ហើយភ្លាមៗក៏ត្រូវសមត្ថកិច្ចបានចាប់ឃាត់ខ្លួន…
ខេត្តព្រះសីហនុ ៖ តាមព័ត៌មានចុងក្រោយបានឱ្យដឹង នៅត្រឹមវេលាម៉ោងជាង៧យប់ ថ្ងៃទី០៦ ឧសភា គឺនៅមិនទាន់បានទទួលព័ត៌មានជាផ្លូវការណាមួយនៅឡើយទេ លើករណីបុរសចិនដែលឃាតករបាញ់សម្លាប់លើផ្លូវប្រជុំជន ។ ហើយភ្លាមៗក៏ត្រូវសមត្ថកិច្ចបានចាប់ឃាត់ខ្លួន គ្រាន់តែជាបក្សពួក រីឯជនដៃដល់កំពុងតាមចាប់ខ្លួន ។ អ្វីដែលគួរឱ្យកត់សម្គាល់នោះ គឺការបាញ់សម្លាប់គ្នាក្នុងរថយន្តនេះ មិនមែនជាកន្លែងស្ងាត់ ដែលវាជាកំណាត់ផ្លូវចង្អៀតមួយ ដែលមានរថយន្តឈប់ចតអមផ្លូវជាច្រើនគ្រឿងទៀតផង ។ ទោះបីជាបែបណា គឺនៅមិនទាន់ទទួលបានចម្លើយបែបណាមួយនៅឡើយ ។
តាមប្រភពឱ្យដឹងថា បុរសជនជាតិចិនម្នាក់បានស្លាប់ដោយសារឃាតករ ដែលគេសង្ស័យថា ជាជនជាតិចិនដូចគ្នាបាញ់សម្លាប់ក្នុងរថយន្ត ហើយរុញទម្លាក់ពីលើរថយន្តនៅតាមផ្លូវមុខសណ្ឋាគារខ្សាច់ស ក្នុងសង្កាត់លេខ៤ ក្រុងព្រះសីហនុ កាលពីវេលាម៉ោងជាង៣កន្លះរសៀលថ្ងៃទី៦ ឧសភា ។
បើតាមរយៈវីដេអូដែលថតបាន ដោយកាមេរ៉ាសុវត្ថិភាពបង្ហាញយ៉ាងច្បាស់ពីជនរងគ្រោះ និងឃាតករដែលជិះរថយន្តម៉ាកហាយឡែនឌ័រ ពណ៌ខ្មៅ ពាក់ផ្លាកលេខ ភ្នំពេញ ២X-៣៩៧០ ។
បើព័ត៌មានបន្ថែមនឹងផ្សាយជូនបន្តទៀត ។
ចែករំលែកព័តមាននេះ