រាជធានីភ្នំពេញ៖ អ្នកនាងចន ចន្ទលក្ខិណា បានជួយយឹតយោងអ្នកចម្រៀងស្រីថ្មីម្នាក់ដែលដុះពន្លកចេញពីគ្រួសារក្រខ្សត់ ។ កញ្ញាខេង សម្ជស្ស មានប្រភពពីខេត្តបន្ទាយមានជ័យគឺជាជារីម្នាក់តស៊ូដើម្បីជីវភាព ។ នាងបានសុំគេច្រៀងជាច្រើនកន្លែងឲ្យតែបានប្រាក់ជួយម្តាយ និងចិញ្ចឹមក្រពះ ។
កាលពីពេល ថ្មីៗកន្លងមកអ្នកនាងចន ច័ន្ទលក្ខិណា បានសរសេរលើហ្វេសប៊ុករបស់ខ្លួនថា«Promote តារាចម្រៀងថ្មីម្តង គាត់ក្រ កម្សត់ លំបាក ហើយស្លូត អ្នកចម្រៀងថ្មីក្នុងផលិតកម្មថ្មីរបស់ខ្ញុំ គ្រាន់រើសយកគាត់ភ្លាមគ្នារំភើបឡើងយំ ហើយរត់ទៅជួបឪពុកម្តាយនៅស្រុក យំឱបគ្នាទាំងម្តាយទាំងកូន ហើយលាឪពុកម្តាយមកនៅទីក្រុងឲ្យពេញលេញ ខ្ញុំរើសយកអ្នកក្រ អ្នកកម្សត់ អ្នកលំបាក ឲ្យមានអនាគតល្អដូចអ្នកសិល្បៈ ល្បីៗផ្សេងទៀតដើម្បីចូលរួមចំណែកកាត់បន្ថយភាពក្រីក្ររបស់ប្រជាជនយើង ។
សូមបងប្អូនជួយគាំទ្រគាត់ផង ខេង សម្ផស្ស បើគាត់ច្រៀងខុសទាស់អ្វីសូមកុំប្រកាន់គាត់ ព្រោះគាត់នៅខ្ចីណាស់ ទាំងការរៀបចំខ្លួន ទាំងការរៀបចំអត្តចរិតក្នុងសង្គម»។
ចំណែកខេង សម្ជស្ស វិញបានសរសេរតបវិញថា «ខ្ញុំ ក្រ ខ្ញុំលំបាក ខ្ញុំជាក្មេងកំព្រា ខ្ញុំខ្វះភាពកក់ក្ដៅ ខ្ញុំខ្វះអ្នកផ្តល់កម្លាំងចិត្ត តែបងចន ច័ន្ទ នៅតែផ្ដល់ទាំងការងារ ទាំងភាពកក់ក្ដៅ ទាំងកម្លាំងចិត្តឲ្យប្អូនតស៊ូឡើងទើបជោគជ័យទាំងដែលខ្ញុំកំពុងតែបាក់ទឹកចិត្តស្ទើរតែបោះបង់ចោលឱកាសនេះ ។
មូលហេតុនេះហើយ ទើបខ្ញុំផុសថា នេះជាការយល់សបិ្ត ឬក៏ជាការណ៍ពិត ។ នាងខ្ញុំខេង សម្ផស្ស សុំប្រាប់ថា មិនថាពេលនេះខ្ញុំនៅជាអ្វី ឬពេលក្រោយខ្ញុំក្លាយជាអ្វី ក៏ខ្ញុំនៅតែ និយាយថា បងចន ច័នលក្ខិណា ជាអ្នកមានគុណរបស់ខ្ញុំជានិច្ច អរគុណគ្រប់យ៉ាងអ្នកមានគុណ»។
ខេង សម្ជស្ស ចាត់ទុកនាងដូចបានត្រូវរង្វាន់ធំក្រោយពេលដឹងថាអ្នកនាងចន ច័ន្ទលក្ខិណា រើសយកនាងឲ្យចូលច្រៀងក្នុងផលិតកម្មរបស់នាងដោយក្តីអាណិតស្រឡាញ់ ។«ខ្ញុំចាត់ទុកគាត់ជាអ្នកមានគុណដែលតម្រង់ផ្លូវចូលមកកាន់សិល្បៈក្នុងពេលដែលនាងខ្ញុំសុំគេច្រៀងតាមហាងយ៉ាងលំបាក។ នាងខ្ញុំនឹងព្យាយាមដុសខាត់សមត្ថភាពឲ្យប្រសើរដើម្បីពង្រឹងស្នាដៃក្នុងផលិតកម្មថ្មីរបស់បងស្រីចន ច័ន្ទលក្ខិណាដែលរមែងលើកស្ទួយអ្នកសិល្បៈ អត់ៗ លំបាកឲ្យមានអនាគត ។
ចូលសិល្បៈយូរឆ្នាំមកហើយគ្មានខ្សែ គ្មានបក្សត្រូវគេមើលរំលង ដើរសុំតែគេច្រៀង ចរយាត្រាគ្រប់កន្លែងឲ្យតែបានកន្លែងច្រៀងលំបាកណាស់ ពេលខ្លះសឹងថាវេចខោអាវទៅស្រុកវិញ ។ ទោះជាយ៉ាងណានាងខ្ញុំយល់ថាសិល្បៈត្រូវតែជួបព្យុះភ្លៀង បើមិនតស៊ូមិនអាចតទៅមុខបានដូចគេទេ ហើយក៏កាន់តែមើលឃើញថាតារារៀមច្បងច្រើនដួងណាស់មុនល្បីសុទ្ឋតែជូរចត់ជាមួយសិល្បៈ»៕
ចែករំលែកព័តមាននេះ