ខេត្តព្រះសីហនុ៖ សមត្ថកិច្ចក្រសួងមហាផ្ទៃ សហការជាមួយសមត្ថកិច្ចខេត្តព្រះសីហនុ នៅព្រឹកថ្ងៃទី១១ វិច្ឆិកា ២០១៣ បានចាប់ខ្លួនជនជាតិរុស្ស៊ីចំនួន០៣នាក់ ខ្មែរម្នាក់ នៅកោះរ៉ុង ក្នុងនោះក៏មានសេដ្ឋីជនជាតិរុស្ស៊ីម្នាក់ឈ្មោះ ប៉ូឡុងស្គី ផងដែរ ។
ការចាប់ខ្លួនជនជាតិរុស្ស៊ីនាពេលនេះ ធ្វើឡើងតាមដីកាបញ្ជាឲ្យស្វែងរកចាប់ឃុំខ្លួនរបស់មហាអយ្យការអមសាលាឧទ្ឋរណ៏ លេខ ៧២៣ ម.ហ.ក០១៣ ចុះថ្ងៃទី០៨ វិច្ឆិកា ២០១៣ ទៅលើជនជាតិរុស្ស៊ី ឈ្មោះ ប៉ូឡុងស្គី កើតថ្ងៃទី០១ ធ្នូ ១៩៧២ ពីបទកេងបន្លំទ្រព្យសម្បត្តិអ្នកដទៃ ដែលប្រព្រឹត្តអំឡុងឆ្នាំ២០០៨ – ២០០៩ ។
ចំណែកជនជាតិរុស្ស៊ីពីរនាក់ និង ខ្មែរម្នាក់នោះ មិនទាន់ស្គាល់ពីអត្តសញ្ញាណ និងបទចោទនៅឡើយទេ ។
សេចក្តីរាយការណ៏ពីខេត្តព្រះសីហនុបានឲ្យដឹងថា នៅពេលនេះសមត្ថកិច្ចកំពុងរៀបចំបែបបទតាមនីតិវិធីច្បាប់ និង បញ្ជូនមករាជធានីភ្នំពេញនៅពេលបន្តិចទៀតនេះ ។
គួរបញ្ជាក់ សេដ្ឋីជនជាតិរុស្ស៊ី ឈ្មោះប៉ូឡុងស្គី ដែលធ្លាប់ជាប់ចោទពីបទចាប់បង្ខំាងធ្វើទារុណកម្មលើកម្មករនេសាទខ្មែររូបនេះ សមត្ថកិច្ចកម្ពុជានឹងធ្វើបត្យាប័នបញ្ជូនទៅកាន់ប្រទេសរុស្ស៊ីវិញក្នុងពេលឆាប់ៗខាងមុខនេះ ៕
ចែករំលែកព័តមាននេះ