ការញ៉ាំអាហារមានជាតិផ្អែមច្រើនពេក អាចបន្ថយចំនួនអ៊័រម៉ូនភេទប្រុស តេស្តូស្តេរ៉ូន និងចំណង់ផ្លូវភេទ។ របៀបដែលជាតិស្ករអាចបំផ្លាញចំណង់ផ្លូវភេទ និងប៉ះពាល់ដល់ជីវិតផ្លូវភេទតែម្តង ។
១-អ័៊រម៉ូនតេស្តូស្តេរ៉ូនចុះទាប ៖ មែនហើយការដែលមានជាតិស្ករក្នុងខ្លួនច្រើនពេកអាចបណ្តាលឲ្យស៊ាំនឹងអាំងស៊ុយលីន ដែលជាហេតុនាំធ្វើឲ្យអ័៊រម៉ូនតេស្តូស្តេរ៉ូនចុះទាប និងចុងក្រោយទៅជាខ្សោយផ្លូវភេទ និងមិនអាចឲ្យលិង្គឡើងរឹងបានថែមទៀត ។ ការសិក្សាបានបញ្ជាក់ថា ជាតិស្ករអាចធ្វើឲ្យថយចុះអ៊័រម៉ូនតេស្តូស្តេរ៉ូនគួរឲ្យកត់សម្គាល់ ។
២-ស៊ាំនឹងអ៊័រម៉ូន Leptin ៖ Leptin គឺជាអ័៊រម៉ូនមួយប្រភេទដែលបញ្ជូនសញ្ញាឲ្យញ៉ាំអាហារ ដែលវាក៏ជាអ្នកតាមតានដល់អកប្បកិរិយាផ្លូវភេទផងដែរ ។ ដូច្នេះ បើសិនជាអ្នកមានជាតិស្ករក្នុងខ្លួនច្រើន វាពិតជាអាចបណ្តាលឲ្យស៊ាំនឹង Leptin នេះបាន ព្រមទាំងប៉ះពាលដល់សុខភាពផ្លូវភេទថែមទៀត ។
៣-ប៉ះពាល់ដល់ការផលិតអ៊័រម៉ូនលូតលាស់ ៖ អ័៊រម៉ូនលូតលាស់ មាននាទីជួយឲ្យរាងកាយលូតលាស់ផង និងរក្សាចំណង់ផ្លូវភេទឲ្យនៅខ្ពស់ផង ។ ប៉ុន្តែបើសិនជាក្នុងខ្លួនមានជាតិផ្អែមច្រើនវិញ វាមិនត្រឹមតែធ្វើឲ្យធាត់ជ្រុលទេ តែក៏នាំឲ្យស៊ាំនឹងអាំងស៊ុយលីន និងខូចមុខងារផ្លូវភេទដែរ ។
៤-អស់កម្លាំង ៖ មែនហើយ ការដែលញ៉ាំអាហារមានជាតិផ្អែមច្រើនពេក មិនត្រឹមតែផ្លាស់ប្តូរកម្រិតជាតិស្ករក្នុងឈាមទេ តែក៏នាំឲ្យឃ្លាន និងអស់កម្លាំងដែរ ។ លើសពីនេះទៅទៀត ការដែលមានជាតិស្ករច្រើនពេកក៏បន្ថយកម្រិតសារធាតុ Orexin ដែលជាសារធាតុចម្លងសរសៃប្រសាទ មាននាទីសម្របសម្រួលដល់អាកប្បករិយា និងភាពស្រើបស្រាលខាងផ្លូវភេទ (ប្រភពពី៖ Health.com.khព) ៕
ចែករំលែកព័តមាននេះ