ខេត្តបន្ទាយមានជ័យ ៖ យ៉ាងហោចណាស់ក៏តូចរបស់អាជីវករលក់ដូរនៅផ្សារអូរអំបិល ស្ថិតក្នុងភូមិអូរអំបិល សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ត្រូវបានអគ្គិភ័យឆាបឆេះយ៉ាងសន្ធោសន្ធៅបង្កឲ្យមានការភ្ញាក់ផ្អើលនៅវេលាម៉ោង៣និង៣០នាទីទាបភ្លឺ ។ ក្នុងហេតុការណ៍ដ៏រន្ធត់នេះ…
ខេត្តបន្ទាយមានជ័យ ៖ យ៉ាងហោចណាស់ក៏តូចរបស់អាជីវករលក់ដូរនៅផ្សារអូរអំបិល ស្ថិតក្នុងភូមិអូរអំបិល សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ត្រូវបានអគ្គិភ័យឆាបឆេះយ៉ាងសន្ធោសន្ធៅបង្កឲ្យមានការភ្ញាក់ផ្អើលនៅវេលាម៉ោង៣និង៣០នាទីទាបភ្លឺ ។ ក្នុងហេតុការណ៍ដ៏រន្ធត់នេះ គឺយើងសង្កេតឃើញមានរថយន្តពន្លត់អគ្គិភ័យបានចុះជួយអន្តរាគមន៍ពន្លត់យ៉ាងខ្លាំងរួមជាមួយកងកម្លាំងកងរាជអាវុធហត្ថ យោធា និងអាជ្ញាធរមូលដ្ឋាន រួមទាំងប្រជាពលរដ្ឋ ។
យោងតាមសេចក្តីរាយការណ៍បឋមពីសមត្ថកិច្ចក៏ដូចជា អាជ្ញាធរមូលដ្ឋានសង្កាត់អូរអំបិលបានឲ្យដឹងថា មានករណីអគ្គីភ័យឆាបឆេះផ្សារអូរអំបិល ស្ថិតក្នុងភូមិអូរអំបិល សង្កាត់អូរអំបិល ក្រុងសិរីសោភ័ណ អស់ប្រមាណ៦៧តូប បើគិតជាទឹកប្រាក់ប៉ាន់ប្រមាណជា៥០ម៉ឺនដុល្លារអាមេរិក ។
តាមការសន្និដ្ឋានជំហានដំបូងរបស់សមត្ថកិច្ចអាចបណ្តាលមកពីទុស្សេកាប៊ីនភ្លើងតែទៅជាយ៉ាងសមត្ថកិច្ចនឹងធ្វើការស្រាវជ្រាវឲ្យដឹងពីមូលហេតុពិតប្រាដកថា ការឆេះនេះបណ្តាលមកពីហេតុអ្វី ?
លោកវរសេនីយ៍ឯក ប៊ុន ផេង ស្នងការរងទទួលការងារគ្រប់គ្រងអាវុធជាតិផ្ទុះ និងអគ្គិភ័យបានឲ្យដឹងថាក្រោយពីទទួលបានព័ត៌មាននូវហេតុការណ៍អគ្គិភ័យឆេះតូចអាជីវករលក់ដូរនៅផ្សារអូរអំបិលនេះ លោកឧត្តមសេនីយ៍ទោអាត់ ខែម ស្នងការនគរបាលខេត្តបានដាក់បទបញ្ជាឲ្យកម្លាំងការិយាល័យបង្ការពន្លត់អគ្គិភ័យយករថយន្តចំនួន២គ្រឿង និងរថយន្តចំនួន៦គ្រឿងមកពីតាមបណ្តាស្រុកក្រុងដូចជា ស្រុកមង្គលបូរី ព្រះនេត្រព្រះ ស្វាយចេក អូរជ្រៅ ក្រុងសិរីសោភ័ណ ថ្មពួក សរុបចំនួន៨គ្រឿង ដោយក្នុងនោះបានប្រើប្រាស់ទឹកអស់ចំនួន៣៣រថយន្ត និងប្រើប្រាស់ពេលវេលាជិត៣ម៉ោងទើបអាចគ្រប់គ្រងស្ថានការបានទាំងស្រុងដោយមិនរាលដាលទៅផ្ទះជុំវិញផ្សារ និងតូបផ្សេងៗទៀតបាន ។
បើទោះបីជាផ្លូវរថយន្តចូលជួយអន្តរាគមន៍មានលក្ខណៈតូចចង្អៀតក៏ដោយចំពោះលទ្ធផលដែលយើងបង្ក្រាបបាននេះក៏ដោយសារតែមានការសហការល្អជាមួយប្រជាពលរដ្ឋ អាជ្ញាធរមូលដ្ឋាន និងកងកម្លាំងសមត្ថកិច្ចផងដែរ ។ ហើយក្នុងហេតុការណ៍គ្រោះអគ្គិភ័យនេះផងដែរ គឺពុំមានមនុស្សរងគ្រោះដោយសារអគ្គិភ័យនោះឡើយ គឺឆេះតែតូបក្នុងផ្សារចំនួន៦៧តូប ក្នុងចំណោមតូបជាង១០០ ៕
ចែករំលែកព័តមាននេះ