ខេត្តកំពង់ឆ្នាំង ៖ សេចក្តីរាយការណ៍បឋមឱ្យដឹងថា ផ្ទះ១ខ្នងធ្វើពីឈើលើថ្មពីក្រោម ត្រូវអគ្គិភ័យលេបត្របាក់ឆេះទាំងស្រុង កើតឡើងកាលពីវេលាម៉ោងប្រមាណជាង៨និង៤០នាទីយប់នៅថ្ងៃទី០៣ ឧសភា ស្ថិតនៅចំណុចជាប់ផ្សារសាលាលេខ៥ ក្នុងភូមិសាលាលេខ៥ ឃុំអូប្ញស្សី ស្រុកកំពង់ត្រឡាច ខេត្តកំពង់ឆ្នាំង ខណៈម្ចាស់ផ្ទះនៅក្នុងផ្ទះជាន់ខាងក្រោមនោះ ។
បើតាមលោក នន ស៊ីណាត អធិការនគរបាលស្រុកកំពង់ត្រឡាចបានឱ្យដឹងដឹងថា ម្ចាស់ផ្ទះមានឈ្មោះ អ៊ិុន សំអាន ជាអតីតអភិបាលរងស្រុកកំពង់ត្រឡាច ដែលទើបចូលនិវត្តន៍កាលពីពេលថ្មីៗនេះដែរ ។ ហើយទំហំនៃការខូចខាត យើងនៅមិនទាន់ដឹងច្បាស់ ប៉ុន្តែសម្ភារៈនៅក្នុងផ្ទះជាន់លើនោះត្រូវភ្លើងឆេះអស់ ។
លោកបន្តថា ផ្ទះដែលភ្លើងមានទំហំ៨ គុណនិង១៥ម៉ែត្រ ។ ហើយចំពោះមូលហេតុ នៅមិនទាន់ដឹងច្បាស់ដែរ តែសង្ស័យមាន២មូលហេតុ ទី១-អាចបណ្តាលមកពីភ្លើងធូប ដែលម្ចាស់ផ្ទះដុតទុកចោលនៅជាន់ខាងលើ និងទី២-អាចបណ្តាលមកពីការទុស្សេចរន្តអគ្គិសនី ។
ប
ប្រភពទៀតបន្ត ក្នុងពេលហេតុការណ៍ នរថយន្តពន្លត់អគ្គីភ័យរបស់អធិការនគរបាលស្រុកបានចុះមកបាញ់ចំនួន៣គ្រឿង ទើបគ្រប់គ្រងបាន ដោយមិនរាលដាលដល់ផ្ទះអ្នកជិតខាង ។
ចែករំលែកព័តមាននេះ