រាជធានីភ្នំពេញ ៖ កាលពីមួយរយៈមុន គ្មានអ្នកស្នេហាវិស័យប្រដាល់ណាម្នាក់មិនស្គាល់កីឡាករ ឆៃ សារ៉ា នោះទេ ដោយសារតែលើកមានឱកាសក្លាយជាម្ចាស់ជើងឯក ម្ចាស់ខ្សែក្រវ៉ាត់នៅក្នុងការប្រកួតមួយ ហើយក៏ក្លាយជាកីឡាករឡើងកូដមួយខ្យល់។
ប៉ុន្តែមួយរយៈចុងក្រោយ គេកត់សម្គាល់ថា ឆៃ សារ៉ា បាត់មុខ ទើបម្នាក់ៗមានការភ្ញាក់ផ្អើល នៅពេលឃើញឈ្មោះលោកត្រលប់មកប្រកួតនៅថ្ងៃសៅរ៍នេះ នៅក្នុងការប្រកួតជើងឯក TV5 Boxing Knock Out Series By K-Cement រដូវកាលទី៥ថ្មី។
លោក សេង កដិកា បញ្ជាក់ថា សមាសភាពខាងកម្ពុជា ដ្បិតថាគេខានប្រកួតយូរ ប៉ុន្តែលោកជឿជាក់លើសមត្ថភាពកីឡាកររូបនេះ ទើបដាក់ឱ្យប្រកួតជាមួយកីឡាករថៃ Chhaok Chhai ដែលជាជើងខ្លាំងម្នាក់។
ការប្រកួតថ្ងៃសៅរ៍ ចាប់ពីម៉ោង៦ល្ងាចក្នុងសប្ដាហ៍នេះ លោកបានកំណត់ឱ្យកីឡាករកម្ពុជាហ្វឹកហាត់១សប្ដាហ៍ មុនពេលផ្គូរផ្គង ទើបលោកយល់សមាសភាពរបស់កីឡាករកម្ពុជា និងថៃដែលត្រូវប៉ះគ្នា ពិតជាល្អមើល។
ដោយឡែកសម្រាប់គូប្រកួតដែលប្រកួតជម្រុះដណ្ដើមយកកៅអី២នាក់ក្នុងសប្ដាហ៍នេះ ក៏ពិសេសណាស់ដែរ ដោយសារតែដល់វគ្គអ្នកឈ្នះទាំង១៦រូបក្នុងជុំទី១ ត្រូវជម្រុះគ្នាឱ្យហាលអាវ យកតែកៅអី៨នាក់ទៅវគ្គបន្ត ក្នុងសប្ដាហ៍ដំបូង៕
ចែករំលែកព័តមាននេះ