រាជធានីភ្នំពេញ ៖ មិនមាននរណាម្នាក់ដឹងថាផ្តើមចេញពីរឿងអ្វីនោះទេ ស្រាប់តែប្តីប្រពន្ធ២នាក់ឈ្លោះប្រកែកគ្នា និងប្រវាយប្រតប់គ្នាពេញផ្លូវ បង្កឱ្យមានការភ្ញាក់ផ្អើលដល់ប្រជាពលរដ្ឋ និងសមត្ថកិច្ចមកជួយធ្វើការសម្របសម្រួលកាលពីវេលាម៉ោង១១និង៣០នាទីយប់ថ្ងៃទី២ ខែឧសភា ឆ្នាំ២០១៩ តាមបណ្តោយផ្លូវ២២១…
រាជធានីភ្នំពេញ ៖ មិនមាននរណាម្នាក់ដឹងថាផ្តើមចេញពីរឿងអ្វីនោះទេ ស្រាប់តែប្តីប្រពន្ធ២នាក់ឈ្លោះប្រកែកគ្នា និងប្រវាយប្រតប់គ្នាពេញផ្លូវ បង្កឱ្យមានការភ្ញាក់ផ្អើលដល់ប្រជាពលរដ្ឋ និងសមត្ថកិច្ចមកជួយធ្វើការសម្របសម្រួលកាលពីវេលាម៉ោង១១និង៣០នាទីយប់ថ្ងៃទី២ ខែឧសភា ឆ្នាំ២០១៩ តាមបណ្តោយផ្លូវ២២១ នៅចំណុចក្បែរស្ថានីយប្រេងឥន្ធនៈមួយកន្លែង ស្ថិតក្នុងសង្កាត់វាលវង់ខណ្ឌ៧មករា ។
តាមប្រភពពីសាក្សីដែលឃើញហេតុការណ៍បានអោយដឹងថា មុនពេលកើតហេតុ មិនមាននរណាម្នាក់ដឹងថាផ្តើមចេញពីរឿងអ្វីនោះទេ តែគេឃើញប្តីប្រពន្ធ២នាក់មិនស្គាល់អត្តសញ្ញាណ ដោយបុរសជាប្តីស្រវឹងស្រា ហើយក៏មិនដឹងថាប្តីប្រពន្ធទាំង២នាក់ខាងលើនោះជិះម៉ូតូមួយគ្រឿងម៉ាកគុបស៊េរីចាស់មកពីណានោះទេបានជាមកឈប់ម៉ូតូនៅចំណុចកើតហេតុខាងលើ ហើយបានឈ្លោះប្រកែកគ្នា និងស្រែកជេរគ្នាឮៗធ្វើផ្អើលដល់គេផ្អើលឯង រួចប្រវាយប្រតប់គ្នាទៅវិញទៅមក ។
តាមប្រភពដដែលបានបន្តថា ភ្លាមៗនោះដែរ ក៏មានសមត្ថកិច្ចខណ្ឌ៧មករាបានមកដល់ និងជួយធ្វើការសម្របសម្រួលអោយប្តីប្រពន្ធទាំង២នាក់ខាងលើត្រឡប់ទៅផ្ទះវិញ ប៉ុន្តែដោយបុរសជាប្តីដែលស្រវឹងជោកមិនព្រមទៅ ក៏ត្រូវស្ត្រីជាប្រពន្ធស្រែកជេរខ្លាំងៗទើបព្រមទៅ ។
ក្រោយពេលកើតហេតុ ស្ត្រីជាប្រពន្ធបានជិះម៉ូតូដឹកប្តីត្រឡប់ទៅផ្ទះវិញបាត់៕
ចែករំលែកព័តមាននេះ