រាជធានីភ្នំពេញ ៖ កម្លាំងនគរបាលអន្តរាគមន៍ខណ្ឌពោធិ៍សែនជ័យឃាត់ជនសង្ស័យ៥នាក់ យកទៅសួរនាំ បន្ទាប់ពីឃើញសមត្ថកិច្ចនាំគ្នារត់បង្កអោយមានការភ្ញាក់ផ្អើល កាលពីវេលាម៉ោង១០យប់ ថ្ងៃទី០២ ខែឧសភា ឆ្នាំ២០១៩ នៅតាមបណ្ដោយផ្លូវជាតិលេខ៤…
រាជធានីភ្នំពេញ ៖ កម្លាំងនគរបាលអន្តរាគមន៍ខណ្ឌពោធិ៍សែនជ័យឃាត់ជនសង្ស័យ៥នាក់ យកទៅសួរនាំ បន្ទាប់ពីឃើញសមត្ថកិច្ចនាំគ្នារត់បង្កអោយមានការភ្ញាក់ផ្អើល កាលពីវេលាម៉ោង១០យប់ ថ្ងៃទី០២ ខែឧសភា ឆ្នាំ២០១៩ នៅតាមបណ្ដោយផ្លូវជាតិលេខ៤ ម្តុំថ្នល់រថភ្លើង ភូមិអង្គសង្កាត់ចោមចៅទី៣ ខណ្ឌពោធិ៍សែនជ័យ ។
ជនសង្ស័យដែលត្រូវឃាត់ខ្លួនទី១ឈ្មោះសួន បញ្ញា ភេទប្រុស អាយុ២០ឆ្នាំ មុខរបរនៅផ្ទះស្នាក់នៅភូមិអង្គ សង្កាត់ចោមចៅ៣ ខណ្ឌពោធិ៍សែនជ័យ ទី២ឈ្មោះភាជ គឹមហាន ភេទប្រុស អាយុ១៧ឆ្នាំ មុខរបរសិស្ស ខណ្ឌពោធិ៍សែនជ័យ រស់នៅភូមិតាកេ សង្កាត់
កំបូល ខណ្ឌពោធិ៍សែនជ័យ ទី៣ ឈ្មោះសុវណ្ណ គិរី ភេទប្រុស អាយុ១៧ឆ្នាំ មុខរបរសិស្ស រស់នៅភូមិអង្គ សង្កាត់ចោមចៅទី៣ ខណ្ឌពោធិ៍សែនជ័យ ទី៤ ឈ្មោះ សាត សុទ្ធិគុណ ភេទប្រុស អាយុ១៧ឆ្នាំ មុខរបរសិស្ស រស់នៅភូមិព្រៃបឹងសង្កាត់កន្ទោក ខណ្ឌពោធិ៍សែនជ័យ និងទី៥ឈ្មោះ គុណ វិច្ឆិរ៉ា ភេទប្រុស អាយុ១៩ឆ្នាំ មុខរបរសិស្ស រស់នៅភូមិខ្លាកូន ឃុំខ្លាកូន ស្រុកអង្គស្នួល ខេត្តកណ្តាល។
តាមប្រភពព័ត៌មានពីសមត្ថកិច្ចអន្តរាគមន៍ខណ្ឌពោធិ៍សែនជ័យបានអោយដឹងថា នៅមុនពេលកើតហេតុពួកគាត់បានចេញល្បាតនៅក្នុងមូលដ្ឋានភូមិកើតហេតុខាងលើបន្ទាប់មកដោយឃើញជនសង្ស័យមួយក្រុមខាងលើបានអង្គុយម្តុំគ្នាពេលឃើញសមត្ថកិច្ចបាននាំគ្នាជិះម៉ូតូបិទភ្លើងជិះរត់ធ្វើឲ្យកម្លាំងនគរបាលអន្តរាគមន៍ខណ្ឌពោធិ៍សែនជ័យមានការសង្ស័យបាននាំគ្នាជិះម៉ូតូដេញឃាត់បានជនសង្ស័យចំនួន៥នាក់ ដើម្បីយកទៅសួរនាំនៅប៉ុស្តិ៍នគរបាលរដ្ឋបាលចោមចៅទី៣ ។
ប្រភពព័ត៌មានបានបន្តទៀតថា ខណៈពេលនាំមកសាកសួរ ដោយជនសង្ស័យខាងលើចំនួន ៤នាក់ក្នុង៥នាក់ខាងលើបានសារភាពថា ពួកគាត់ពិតជាធ្លាប់ប្រើប្រាស់គ្រឿងញៀនពិតប្រាកដមែន ។
ក្រោយពេលកើតហេតុបន្ទាប់មកកម្លាំងនគរបាលប៉ុស្តិ៍ចោមចៅ៣បានបញ្ជូនទៅជំនាញព្រហ្មទណ្ឌខណ្ឌពោធិ៍សែនជ័យ ដើម្បីចាត់ការតាមនីតិវិធី ៕
ចែករំលែកព័តមាននេះ