រាជធានីភ្នំពេញ ៖ កម្លាំងនគរបាលនៃអធិការដ្ឋានខណ្ឌដូនពេញបានចាប់ឃាត់ខ្លួនបុរសជាជនសង្ស័យជួញដូរគ្រឿងញៀនម្នាក់ ក្រោយពីបានធ្វើការឆ្មក់ចូលឆែកឆេនៅក្នុងបន្ទប់ជួលមួយកន្លែង ដោយបានរកឃើញថ្នាំញៀនរហូតដល់ចំនួន១២៤ កញ្ចប់ (២កញ្ចប់ធំ) រួមទាំងវត្ថុតាងមួយចំនួនទៀតផងដែរ ។
ប្រតិបត្តិការបង្ក្រាបនេះដែរបានធ្វើឡើង កាលពីវេលាម៉ោង១២និង១៥នាទីថ្ងៃត្រង់ ថ្ងៃទី០២ ខែ ឧសភា ឆ្នាំ២០១៩ នៅចំណុចក្នុងបន្ទប់ជួលគ្មានលេខមួយកន្លែង ដែលស្ថិតនៅក្នុងតំបន់មិនរៀបរយនៅតាមបណ្តោយផ្លូវរថភ្លើង R6 ក្នុងសង្កាត់ស្រះចក ខណ្ឌដូនពេញ ។
តាមប្រភពព័ត៌មានពីនគរបាលបានប្រាប់ឱ្យដឹងថា បុរសជនសង្ស័យដែលបានចាប់ឃាត់ខ្លួនមានឈ្មោះ លឹម រតនា ហៅអាពេជ្រ អាយុ២០ឆ្នាំ មានមុខរបរមិនពិតប្រាកដ និងបច្ចុប្បន្នស្នាក់នៅក្នុងបន្ទប់ជួលគ្មានលេខមួយកន្លែងខាងលើ ។ ប្រតិបត្តិការបង្ក្រាគ្រឿងញៀននេះដែរធ្វើឡើងក្រោយពីកម្លាំងមានសម្ថកិច្ចជំនាញនៃអធិការដ្ឋានខណ្ឌចំការមនបានធ្វើការស្រាវជ្រាវអស់រយៈពេលជាច្រើនថ្ងៃមកហើយ លុះមកដល់ថ្ងៃនេះដែរទើបកម្លាំងរបស់លោកចុះការបង្ក្រាប និងឆែកឆេនៅក្នុងបន្ទប់ស្នាក់នៅរបស់ជនសង្ស័យម្នាក់ខាងលើ ។
តាមប្រភពដដែលក្នុងប្រតិបត្តិការនេះដែរកម្លាំងរបស់លោកបានរកឃើញថ្នាំញៀនសរុបចំនួន ១២៤កញ្ចប់ ក្នុងមាន២ក្ចប់ធំផងដែរ ជញ្ជីងថ្លឹងចំនួន ២គ្រឿង ដាវសាម៉ូរ៉ៃចំនួន ៤ដើម ថង់ប្លាស្ទិកប្រើសម្រាប់ច្រកចែកចាយមួយចំនួន រួមទាំងឧបករណ៍ប្រើប្រាស់មួយកំប្លេទៀងផងដែរ ។
ក្រោយកម្លាំងមានសមត្ថកិច្ចបានចុះប្រតិបត្តិការបង្ក្រាបបគ្រឿងញៀននៅចំណុចបន្ទប់ជួលខាងលើរួចហើយ បុរសជាជនសង្ស័យជួញដូរ និងចែកចាយគ្រឿងញៀនម្នាក់ខាងលើ រួមទាំងថ្នាំញៀនចំនួន ១២៤កញ្ចប់ (ក្នុងនោះមាន ២កញ្ចប់ធំ) ជញ្ជីងថ្លឹងចំនួន ២ដាវសាម៉ូរ៉ៃចំនួន ៤ដើម រួមទាំងវត្ថុតាងជាច្រើនមុខទៀតដែលជាវត្ថុតាងក៏បានធ្វើការបញ្ជូនទៅកាន់អធិការដ្ឋាននគរបាលខណ្ឌដូនពេញ ដើម្បីចាត់ការទៅតាមផ្លូវច្បាប់ជាបន្តទៅទៀត ៕
ចែករំលែកព័តមាននេះ