ខេត្តសៀមរាប ៖ តាមសេចក្តីរាយការណ៍បឋមបានឱ្យដឹងថា កាលពីវេលាម៉ោង៣និង៣០នាទីរសៀលថ្ងៃទី១ ខែឧសភា ឆ្នាំ២០១៩ មានភ្លៀងធ្លាក់លាយឡំខ្យល់កន្ត្រាក់ ធ្វើឱ្យប៉ះពាល់ដល់ឃុំចំនួន៣ ក្នុងនោះរួមមាន ឃុំពួក…
ខេត្តសៀមរាប ៖ តាមសេចក្តីរាយការណ៍បឋមបានឱ្យដឹងថា កាលពីវេលាម៉ោង៣និង៣០នាទីរសៀលថ្ងៃទី១ ខែឧសភា ឆ្នាំ២០១៩ មានភ្លៀងធ្លាក់លាយឡំខ្យល់កន្ត្រាក់ ធ្វើឱ្យប៉ះពាល់ដល់ឃុំចំនួន៣ ក្នុងនោះរួមមាន ឃុំពួក ឃុំខ្នាត ឃុំសំរោងយា បណ្ដាលឱ្យរលំផ្ទះប្រជាពលរដ្ឋ និងប៉ើងដំបូល តែមិនបណ្តាលឱ្យមនុស្ស ឬសត្វរងរបួសនោះឡើយ។
លោកវរសេនីយ៍ឯក ទេព ពុំសែន អធិការស្រុកពួក បានប្រាប់តាមទូរស័ព្ទនៅរសៀលថ្ងៃទី២ខែឧសភា ឆ្នាំ២០១៩ នេះថា នៅស្រុកពួកមានភ្លៀងធ្លាក់មួយមេលាយឡំខ្យល់កន្ត្រាក់ធ្វើឱ្យប៉ះពាល់ឃុំចំនួន៣ បណ្ដាលឱ្យរលំផ្ទះប្រជាពលរដ្ឋ និងប៉ើងដំបូល ក្នុងនោះរួមមាន១- ឃុំពួករលំផ្ទះ ចំនួន២ខ្នង និងប៉ើងដំបូលផ្ទះចំនួន៩ខ្នង២-ឃុំខ្នាត របើកដំបូលផ្ទះចំនួន៧ខ្នង និងរលំផ្ទះចំនួន២ខ្នង និង៣-ឃុំសំរោងយា របើកដំបូលផ្ទះចំនួន៥ខ្នង។ ប៉ុន្តែក្នុងហេតុការណ៍មានខ្យល់កន្ត្រាក់ខាងលើ មិនបណ្តាលឱ្យមនុស្ស ឬសត្វរងរបួសឡើយ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ