ប្រទេសហ្វ៊ីលីពីន ៖ ពលរដ្ឋហ្វ៊ីលីពីនច្រើនពាន់នាក់ កាលពីថ្ងៃទី១ ឧសភា បានធ្វើបាតុកម្មនៅក្នុងប្រទេស ដើម្បីបរិហារនយោបាយសេដ្ឋកិច្ចនិងសង្គមកិច្ច របស់ប្រធានាធិបតីលោកRODRIGO DUTERTE នាឱកាសបុណ្យការងារ។…
ប្រទេសហ្វ៊ីលីពីន ៖ ពលរដ្ឋហ្វ៊ីលីពីនច្រើនពាន់នាក់ កាលពីថ្ងៃទី១ ឧសភា បានធ្វើបាតុកម្មនៅក្នុងប្រទេស ដើម្បីបរិហារនយោបាយសេដ្ឋកិច្ចនិងសង្គមកិច្ច របស់ប្រធានាធិបតីលោកRODRIGO DUTERTE នាឱកាសបុណ្យការងារ។
នៅក្រុងម៉ានីលបាតុករប្រមាណជា៨.២០០នាក់ បានលើកទង់ជាតិហើយដើរហែក្បួននៅក្បែរវិមានប្រធានាធិបតី រួចដុតរូបសំណាកប្រធានាធិបតីនិងដុតទង់ជាត់ចិននិងអាមេរិក។ បាតុករម្នាក់និយាយថា យើងទាមទារឲ្យរដ្ឋាភិបាលផ្ដល់ប្រាក់បៀវត្ស ដោយត្រឹមត្រូវនិងគ្រប់គ្រាន់ មិនត្រឹមតែដល់បុគ្គលិកសិក្សាប៉ុណ្ណោះទេ តែដល់គ្រប់ពលកររបស់ប្រទេស។
យោងតាមប៉ូលិសថាបាតុកម្មទាំងនោះប្រព្រឹត្តទៅដោយសន្តិវិធីនិងរៀបរយ។ ហ្វ៊ីលីពីនជួបប្រទះនឹងកំណើនសេដ្ឋកិច្ចលើសពី៦% ប៉ុន្តែជិត១ភាគ៤នៃប្រជាជនប្រទេសនោះដែលមាន១០៦លាននាក់ រស់នៅក្នុងភាពក្រីក្រ។
ពួកបាតុករបានបរិហារជាពិសេសថា លោកRODRIGO DUTERTEពុំចាត់ការឡើយប្រឆាំងបណ្ដានិយោជកដែលរំលោភបំពាន លើបណ្ដាកុងត្រារយៈពេលខ្លី ទោះបីមានការសន្យារបស់លោក ពេលឃោសនាបោះឆ្នោតប្រធានាធិបតីកាលពីឆ្នាំ២០១៦ក្ដី។ បណ្ដានិយោជិតទទួលបានអត្ថប្រយោជននិងកិច្ចការពារតិច ជាមួយកុងត្រាប្រភេទនោះ៕
ចែករំលែកព័តមាននេះ