បុរសឯក និងនារីឯក វាយនភណ្ឌឆ្នាំ២០១៩ បានរកឃើញ។ តំណែងបុរសឯកវាយនភណ្ឌឆ្នាំ២០១៩ បានទៅកម្មករមកពីខេត្តតាកែវ ខណៈដែលតំណែងនារីឯកបានទៅកម្មការិនីមកពីខេត្តកំពង់ស្ពឺ។ ការប្រកួតបុរសនារីឯកវាយនភណ្ឌលើកទី៥ កាលពីថ្ងៃទី១ ឧសភា…
បុរសឯក និងនារីឯក វាយនភណ្ឌឆ្នាំ២០១៩ បានរកឃើញ។ តំណែងបុរសឯកវាយនភណ្ឌឆ្នាំ២០១៩ បានទៅកម្មករមកពីខេត្តតាកែវ ខណៈដែលតំណែងនារីឯកបានទៅកម្មការិនីមកពីខេត្តកំពង់ស្ពឺ។ ការប្រកួតបុរសនារីឯកវាយនភណ្ឌលើកទី៥ កាលពីថ្ងៃទី១ ឧសភា នៅស្ទីឌីយោទូរទស្សន៍បាយ័ន។ នៅក្នុងការប្រកួតនៅក្នុងយប់ នោះ បេក្ខនារី យ៉ុន កាន់ទីម៉ា កម្មការិនីកាត់ដេរមកពីខេត្ត កំពង់ស្ពឺ ពាក់ស្លាកលេខ២ និងលោក លឿង វិសាល កម្មករកាត់ដេរមកពីខេត្តតាកែវ ពាក់ស្លាកលេខ៨ ទទួលបានចំណាត់ថ្នាក់លេខ១។
បេក្ខនារី សុន ស្រីពៅ មកពីខេត្តស្វាយរៀង និងបេក្ខជន សុខ មនោចិន មកពីខេត្តបន្ទាយមានជ័យ ទទួលបានចំណាត់ថ្នាក់លេខ២ និងបេក្ខនារី លី ណៃហា៑ង មកពីភ្នំពេញ និងបេក្ខជន រដ្ឋា ថៃលី មកពីកំពង់ចាម ទទួលចំណាត់ថ្នាក់លេខ៣ ដោយម្នាក់ៗទទួលបានម៉ូតូម្នាក់១គ្រឿង និងប្រាក់រង្វាន់ខុសៗគ្នា៥លាន ៤លាន និង៣លានរៀល។
ក្រៅពីចាប់អារម្មណ៍ការប្រកួតរបស់បេក្ខជន និងបេក្ខនារី ដែលសុទ្ធសឹងតែជាតំណាងឱ្យរោងចក្រកាត់ដេរនានា នៅក្នុងវេទិកាក៏មានការចាប់អារម្មណ៍លើសិល្បករមួយក្រុម ដែលពួតដៃគ្រង ឈុតបែបខ្មែរ គឺហូលផាមួង និងអាវ.កត្រង់ជាដើម ហើយរំលេចក្រម៉ាខ្មែរយ៉ាងស្រុះដៃគ្នាផងដែរ។
នេះជាការបង្ហាញទម្រង់វប្បធម៌បុរាណមួយរបស់តារាសិល្បៈ ដែលជាការលើកកម្ពស់ចំពោះ សំលៀកបំពាក់ដែលឆ្លុះបញ្ចាំងពីអត្តសញ្ញាណរបស់ខ្មែរផង និងដើម្បីរួមគ្នាលើកស្ទួយឱ្យក្រម៉ាខ្មែរ កាន់តែមានការទទួលស្គាល់ក្នុងមជ្ឈដ្ឋានជាតិ និងអន្តរជាតិផង៕
ចែករំលែកព័តមាននេះ