រាជធានីភ្នំពេញ ៖ ជាទិសនៅពេលខាងមុខ នៅតាមតុលាការទាំងអស់នៅក្នុងប្រទេសកម្ពុជានឹងមានភាពជឿនលឿនក្នុងការបើកអង្កសវនាការលើសំណុំរឿងនីមួយៗតាមរយៈអនឡាញ ។ លោកជិន ម៉ាលីន អ្នកនាំពាក្យក្រសួងយុត្តិធម៌បានឲ្យដឹងក្រោយជំនួបពិភាក្សាការងាររវាងលោកស្រី រ៉ូណាស្មីត ជាមួយលោកអង្គវង្ស វឌ្ឍានា រដ្ឋមន្ត្រីក្រសួងយុត្តិធម៌នាព្រឹកថ្ងៃទី២ ខែឧសភា ឆ្នាំ២០១៩ នៅទីស្តីការក្រសួងថា ជាទិសដៅវែងឆ្ងាយគ្រប់ស្ថាប័នតុលាការទាំងអស់នឹងធ្វើសវនាការតាមរយៈអនឡានដូចបណ្តាប្រទេសជឿនលឿនលើសកលលោក ។
លោកបន្តថា ការធ្វើបែបនេះ ដើម្បីឲ្យតម្លាភាព និងគុណភាពលើសំណុំរឿងនីមួយៗ ។ ពាក់ព័ន្ធតម្លាភាព និងគុណភាពនៅតុលាការវិញលោកជិន ម៉ាលីន ក៏បានលើកឡើងថា ក្រសួង បានកំណត់ឲ្យមានការបង្ហាញនូវព័ត៌មានផ្សេងៗនៅតាមតុលាការជាសាធារណៈ រួមទាំងមានតម្លៃនៃសេវានីមួយៗកម្មវិធីសវនាការក៏បានបិទជាសាធារណៈ និងប្រកាសតាមផេករបស់តុ លាការនីមួយៗ ដើម្បីឲ្យប្រជាពលរដ្ឋបានជ្រាប ។
ចំពោះគុណភាពតុលាការផ្នែកសេវាវិញអ្នកនាំពាក្យក្រសួងក៏បានអះអាងថា ក៏មានកែទម្រង់ដោយធ្វើទំនើបកម្មផ្នែករដ្ឋបាលតុលាការ ដោយការបញ្ចុះបញ្ជីសំណុំរឿង និងការគ្រប់គ្រង់សំណុំរឿងបានធ្វើតាមប្រព័ន្ធឌីជីថលដោយប្រើកុំព្យូទ័រទាំងអស់ ។ លោកបញ្ជាក់ថា«យើងបានបញ្ចប់ការចុះបញ្ចីសំណុំរឿង និងការគ្រប់គ្រងសំណុំរឿងព្រហ្មទណ្ឌ យើងបានដាក់បញ្ចប់នៅតុលាការចំនូន១៨ហើយ ។ ហើយនៅឆ្នាំ២០១៩នេះ យើងនឹងដាក់នៅគ្រប់តុលាការនៅគ្រប់រាជធានីខេត្តទាំងអស់ ។
មានន័យការចុះបញ្ជីសំណុំរឿងការគ្រប់គ្រងសំណុំរឿងប្រើប្រព័ន្ធកុំព្យូទ័រទាំងអស់»។ ជាមួយគ្នានោះដែរអ្នកនាំពាក្យក៏បានឲ្យដឹងថា ជាទិសដៅនៅពេលខាងមុខ ដើម្បីឲ្យប្រព័ន្ធតុលាការមានតម្លាភាពយុត្តិធម៌ក្រសួងយុត្តិធម៌នឹងរៀបចំឲ្យបច្ចេកវិទ្យាដោយនៅពេលបើកសវនាការ នឹងធ្វើតាមប្រព័ន្ធអេឡិចត្រូនិចទាំងអស់ ។ លោកបានគូសបញ្ជាក់ទៀតថា «ជាទិសដៅនៅថ្ងៃមុខយើងនឹងប្រើប្រាស់ប្រព័ន្ធបច្ចេកវិទ្យាក្នងដំណើរការរបស់តុលាការនីមួយៗរួមការចុះបញ្ជីសំណុំរឿងតាមប្រព័ន្ធអេឡិតត្រូនិច ការគ្រប់គ្រងតាមប្រព័ន្ធអេឡិចត្រូនិច និងការបើកសវនាការតាមរយៈប្រព័ន្ធអេឡិចត្រូនិចតែម្តងពោល គឺតាមរយៈអនឡាញទាំងអស់» ។
លោកបន្ថែមថា ការធ្វើបែបនេះ គឺជាគោលការណ៍វែងឆ្ងាយដែលបច្ចុប្បន្ននេះប្រទេសមានការអភិវឌ្ឍន៍ជឿនលឿនដូចជា ប្រទេសសង្ហាបុរី (សាំហ្គាពួ) បានកំពុងអនុវត្ត ។ ក្នុងនោះសម្រាប់សវនាការភាគីពាក់ព័ន្ធមិនចាំបាច់ចូលខ្លួនក្នុងបន្ទប់សវនាការនោះទេ គឺបើកអនឡាញដោយចៅក្រមនៅបន្ទប់មួយសាក្សី មេធាវី នៅកន្លែងផ្សេងគ្នា ប៉ុន្តែធ្វើតាមខនហ្វើរិន (អនឡាញ) ជួបគ្នានៅក្នុងសវនាការ ។ យ៉ាងណាក្តីអ្នកនាំពាក្យក៏បានអះអាងថា សម្រាប់គម្រោងនេះមិនទាន់ត្រូវបានធ្វើក្នុងរយៈពេលតែមួយបាននោះទេ ព្រោះថា ធនធានមានកំណត់ រួមទាំងធនធានមនុស្ស និងធនធានហិរញ្ញវត្ថុ និងជំនាញ ។
តាមរយៈលោកជិន ម៉ាលីន បានអះអាងថា ក្នុងជំនួបនោះត្រូវបានលោក ស្រីរ៉ូណាស្មីត បានវាយតម្លៃខ្ពស់ពីការរីកចម្រើនពាក់ព័ន្ធនឹងការធ្វើទំនើបកម្មផ្នែកសេវា ការគ្រប់គ្រង់សំណុំរឿង និងការផ្សព្វផ្សាយសេវា…៕
ចែករំលែកព័តមាននេះ