ធនាគារបាងកកបានអោយដឹងថា ពាណិជ្ជកម្មកម្ពុជា និងថៃមានទំហំជាទឹកប្រាក់ចំនួន ៧៧០០លានដុល្លារ នៅក្នុងឆ្នាំ២០១៨ ដោយកើនឡើង៣៥ភាគរយ បើប្រៀបធៀបទៅនឹងឆ្នាំ២០១៧ ។ នេះបើយោងតាមសេចក្តីរាយការណ៍ព័ត៌មានមួយរបស់ទស្សនាវដ្តី Nikkei Asian Review របស់ជប៉ុន ។ តាមល្បឿននៃកំណើននេះនាំគេគិតថា ប្រទេសទាំងពីរនឹងសម្រេចបានគោលដៅពាណិជ្ជកម្មទ្វេភាគីចំនួន១៥ពាន់លានដុល្លារនៅឆ្នាំ២០២០ ។
កាលពីឆ្នាំ២០១៥ សម្តេចតេជោហ៊ុនសែននាយករដ្ឋមន្ត្រីកម្ពុជា និងលោកប្រាយុទ្ធសមភាគីថៃ បានចុះហត្ថលេខាទៅលើកិច្ចព្រមព្រៀងមួយ ដើម្បីពង្រីក សហប្រតិបត្តិ ការពាណិជ្ជកម្មអោយឡើងដល់១៥ពាន់លានដុល្លារនៅឆ្នាំ២០២០ ។ ថ្មីៗនេះកម្ពុជា និងថៃបានចាត់វិធានការណ៍បន្ថែមទៀត ដើម្បីពង្រីកពាណិជ្ជកម្មរវាងប្រទេសទាំងពីរដោយតភ្ជាប់ផ្លូវដែករវាងប្រទេសទាំងពីរ ៕
ចែករំលែកព័តមាននេះ