បន្ទាយមានជ័យ ៖ នៅតាមគ្រឹះស្ថានសាលារៀន និងការងារប្រចាំការលោកឧត្តមសេនីយ៍ទោអាត់ ខែម ស្នងការនគរបាលខេត្តបន្ទាយមានជ័យបានជំរុញដល់មន្ត្រីការិយាល័យប្រឆាំងការជួញដូរគ្រឿងញៀនក៏ដូចជា មន្ត្រីការិយាល័យ នគរបាលចរាចរណ៍ជើងគោកត្រូវរៀបចំផែនការជាមួយបណ្តាអធិការដ្ឋាននគរបាលស្រុក-ក្រុង ធ្វើការផ្សព្វផ្សាយពីបញ្ហាផលប៉ះពាល់នៃការប្រើប្រាស់គ្រឿងញៀននិងច្បាប់ចរាចរណ៍ដល់គ្រឹះស្ថាន និងសកលវិទ្យាល័យ វិទ្យាល័យ អនុវិទ្យាល័យ សាលាបឋមសិក្សានានា ។
បច្ចុប្បន្ននេះបញ្ហាគ្រឿងញៀន និងបញ្ហាគ្រោះថ្នាក់ចរាចរណ៍ជាចំណុចរស៊ើប ដែលយើងត្រូវតែយកចិត្តទុកដាក់ធ្វើការផ្សព្វផ្សាយឲ្យកាន់តែទូលំទូលាយ ។ ការថ្លែងបែបនេះក្នុងពិធីប្រជុំបូកសរុបសភាពការណ៍ និងលទ្ធផលកិច្ចប្រតិបត្តិការ ប្រចាំខែមេសា ឆ្នាំ២០១៩ និងលើកទិសអនុវត្តបន្ត ។ ជាមួយគ្នានោះដែរលោកឧត្តមសេនីយ៍ទោអាត់ ខែម ក៏បានថ្លែងអំណរគុណដល់កងកម្លាំងនគរបាលទាំងអស់ ន្លងមកបានខិតខំការពារសន្តិសុខ សណ្តាប់ធ្នាប់ សុវត្ថិភាព ក្នុងឱកាសបុណ្យចូលឆ្នាំខ្មែរប្រពៃណីជាតិ ការពារសន្តិសុខជូនថ្នាក់ដឹកនាំប្រមុខរាជរដ្ឋាភិបាលក្នុងពិធីបើកសម្ពោធស្ពានមិត្តភាពកម្ពុជា-ថៃ ស្ទឹងបត់ទទួលបានជោគជ័យ និងចុះជួយប្រជាពលរដ្ឋដែលរងគ្រោះដោយខ្សល់កន្ត្រាក់ដែលក្នុងរយៈនេះ គឺលំនៅដ្ឋានប្រជាពលរដ្ឋ នៅក្នុងខេត្តបានរងនូវការខូចខាតជាង៥០០ខ្នង ។
ដោយបច្ចុប្បន្ននេះអាកាសធាតុមានការប្រែប្រួលបង្កើនកំដៅក្តៅខ្លាំង ដើម្បីឲ្យក្មួយៗសិស្សានុសិស្ស បានសិក្សារៀនសូត្រស្រួលនោះ លោកឧត្តមសេនីយ៍ស្នងការក៏បានណែនាំដល់អធិការនគរបាល ស្រុក ក្រុង យករថយន្តដឹកទឹក បាញ់ដំបូល ឬទីធ្លាសាលាក្នុងការបន្ថយកំដៅ និងសិស្សរៀនបានស្រួល ។ តាមរបាយការណ៍ប្រចាំខែមេសា ឆ្នាំ២០១៩ របស់ស្នងការដ្ឋាននគរបាលខេត្តបានបង្ហាញថា បទល្មើសព្រហ្មទណ្ឌកើតមានចំនួន៥លើក លើ៥លើករងគ្រោះមនុស្ស៥នាក់ ស្រី២នាក់ ៕
ចែករំលែកព័តមាននេះ