ប្រទេសថៃ ៖ ពិធីដ៏មហោឡារិកបំផុត នៃការឡើងគ្រងរាជ្យសម្បត្តិរបស់សេ្ដចថៃ ត្រូវធ្វើនាចុងសប្ដាហ៍នេះ ដោយប៉ុនប៉ងឲ្យមានឯកភាពក្នុងព្រះរាជាណាចក្រដែលមានការបែកបាក់គ្នា ខណៈគេអស់សង្ឃឹមចំពោះលទ្ធផលនៃការបោះឆ្នោតសភាកាលពីខែមីនាកន្លងទៅ។ ការឡើងគ្រងរាជ្យរបស់ព្រះមហាក្សត្រថៃ ត្រូវបានផ្សាយតាមទំព័រមុខរបស់បណ្ដាសារព័ត៌មានក្នុងស្រុក ចាប់តាំងពីច្រើនសប្ដាហ៍មកហើយ។…
ប្រទេសថៃ ៖ ពិធីដ៏មហោឡារិកបំផុត នៃការឡើងគ្រងរាជ្យសម្បត្តិរបស់សេ្ដចថៃ ត្រូវធ្វើនាចុងសប្ដាហ៍នេះ ដោយប៉ុនប៉ងឲ្យមានឯកភាពក្នុងព្រះរាជាណាចក្រដែលមានការបែកបាក់គ្នា ខណៈគេអស់សង្ឃឹមចំពោះលទ្ធផលនៃការបោះឆ្នោតសភាកាលពីខែមីនាកន្លងទៅ។
ការឡើងគ្រងរាជ្យរបស់ព្រះមហាក្សត្រថៃ ត្រូវបានផ្សាយតាមទំព័រមុខរបស់បណ្ដាសារព័ត៌មានក្នុងស្រុក ចាប់តាំងពីច្រើនសប្ដាហ៍មកហើយ។ បណ្ដាសារព័ត៌មានបានប្រើពាក្យពេចន៍សម្ដែងក្ដីសាទរជាឯកច្ឆ័ន្ទ ក្នុងប្រទេសដែលការប្រមាថព្រះមហាក្សត្រ ត្រូវមានទោសជាប់គុកជាច្រើនឆ្នាំ។
ពិធីឡើងគ្រងរាជ្យរបស់ស្ដេចថៃ ត្រូវប្រព្រឹត្តទៅចាប់ពីថ្ងៃទី៤ឧសភា។ ថ្ងៃទី៥ឧសភានឹងមានក្បួនព្យុហៈយាត្រាយោធាដ៏ធំជាមួយទាហានជាង១០០០នាក់ដែលស្លៀកពាក់ឯកសណ្ឋានប្រពៃណី ចំណែកព្រះមហាក្សត្រនិងគង់លើស្នែង សែងដោយពួកយោធា។ នាថ្ងៃទី៦ឧសភាព្រះអង្គនឹងគង់លើយ៉នៃព្រះបរមរាជវាំង ហើយនឹងជួបសវនាការជាមួយបណ្ដាអង្គទូតបរទេស។
ពិធីឡើងគ្រងរាជរយៈពេល៣ថ្ងៃនោះនឹងជាព្រឹត្តិការណ៍ពិសេសបំផុតសម្រាប់ព្រះរាជាណាចក្រថៃ ពុំធ្លាប់មានចាប់តាំងពីជិត៧០ឆ្នាំមកហើយ។ ពិធីឡើងគ្រងរាជ្យបែបនេះលើកមុន មានក្នុងឆ្នាំ១៩៥០ ពេលព្រះមហាក្សត្រភូមីបុលអាឌុលយ៉ាដេតឡើងគ្រងរាជ្យ៕
ចែករំលែកព័តមាននេះ