ខេត្តសៀមរាប ៖ សមត្ថកិច្ចឲ្យដឹងថា ពលរដ្ឋជាជនជាតិចិននិងវៀតណាម បាននាំគ្នាមកសែនផ្នូរតាមទំនៀមទម្លាប់របស់ខ្លួនដោយអុជទៀនធូបបូជា ។ ដោយសារតែអុជទុកចោលក៏បណ្តាលឲ្យឆេះរាលដាលដល់ព្រៃនៅចង្កេះភ្នំ ក្រោមអស់មួយចំនួន ប៉ុន្តែមិនរាលដាលដល់ផ្ទះអ្នកភូមិដែលនៅជុំវិញទីនោះទេ ដោយសារសមត្ថកិច្ចនិងពលរដ្ឋជួយពន្លត់ទាន់ពេល…
ខេត្តសៀមរាប ៖ សមត្ថកិច្ចឲ្យដឹងថា ពលរដ្ឋជាជនជាតិចិននិងវៀតណាម បាននាំគ្នាមកសែនផ្នូរតាមទំនៀមទម្លាប់របស់ខ្លួនដោយអុជទៀនធូបបូជា ។ ដោយសារតែអុជទុកចោលក៏បណ្តាលឲ្យឆេះរាលដាលដល់ព្រៃនៅចង្កេះភ្នំ ក្រោមអស់មួយចំនួន ប៉ុន្តែមិនរាលដាលដល់ផ្ទះអ្នកភូមិដែលនៅជុំវិញទីនោះទេ ដោយសារសមត្ថកិច្ចនិងពលរដ្ឋជួយពន្លត់ទាន់ពេល ។ ហេតុការណ៍នេះ កើតឡើងកាលពីវេលាម៉ោង៣និង៣០នាទីរសៀលថ្ងៃទី២៩ ខែមេសាកន្លងទៅ នៅភូមិភ្នំក្រោម សង្កាត់សៀមរាប ក្រុងសៀមរាប ។
លោកឧត្តមសេនីយ៍ត្រី ភឹង សម្បត្តិ ស្នងការរងនគរបាលខេត្ត ទទួលផែនការិយាល័យបង្ការពន្លត់អគ្គិភ័យនិងសង្គ្រោះខេត្ត បានឲ្យដឹងថា ករណីភ្លើងឆេះព្រៃនៅចង្កេះភ្នំក្រោម អស់ទំហំប្រមាណជាង១០០ម៉ែត្រ៤ជ្រុង ។
លោកបន្តថា ភ្លើងឆេះនោះមិនប៉ះពាល់ ដល់លំនៅឋានពលរដ្ឋទេ ។ ក្នុងពេលកំពុងកើតហេតុ រថយន្តពន្លត់អគ្គិភ័យចំនួន៥គ្រឿងរបស់ស្នងការដ្ឋាននគរបាលខេត្ត បានជួយអន្តរាគន៍ដោយប្រើប្រាស់ទឹកអស់២រថយន្តក្នុងការបាញ់ទឹកពន្លត់ ។
ក្នុងរដូវប្រាំងហួតហែងនេះ គឺងាយក្នុងការឆេះណាស់កុំថាភ្លើងធូបឬទៀន សូម្បីតែកន្ទុយបារីក៏អាចឆេះបានដែរ ៕
ចែករំលែកព័តមាននេះ