ខេត្តស្ទឹងត្រែង ៖ ជនជាតិវៀតណាមកាន់អត្តសញ្ញាណប័នខ្មែរ២នាក់ បានរងការចាប់ខ្លួន ដោយកម្លាំងកងរាជអាវុធហត្ថខេត្តបន្ទាប់ ពាក់ព័ន្ធនឹងករណីលួចវត្ថុតាង និងទូកល្បាតរបស់អង្គភាពកងរាជអាវុធហត្ថយកទៅពន្លិចចោល កាលពីយប់រំលងអធ្រាត្រឈានចូលថ្ងៃទី១ ឧសភា ២០១៩…
ខេត្តស្ទឹងត្រែង ៖ ជនជាតិវៀតណាមកាន់អត្តសញ្ញាណប័នខ្មែរ២នាក់ បានរងការចាប់ខ្លួន ដោយកម្លាំងកងរាជអាវុធហត្ថខេត្តបន្ទាប់ ពាក់ព័ន្ធនឹងករណីលួចវត្ថុតាង និងទូកល្បាតរបស់អង្គភាពកងរាជអាវុធហត្ថយកទៅពន្លិចចោល កាលពីយប់រំលងអធ្រាត្រឈានចូលថ្ងៃទី១ ឧសភា ២០១៩ នៅតំបន់ហាមឃាត់ទំបន់វារីអគ្គិសនីសេសានក្រោម២ ។
លោក ភុយ ខ្វៃ ប្រធានមន្ទីរយុត្តិធម៌កងរាជអាវុធហត្ថឲ្យដឹងថា ជនសង្ស័យទាំងពីរនាក់ជាបងប្អូនបង្កើតនឹងគ្នា ទី១-ឈ្មោះចាំង យាំងហូម ហៅយូ ភេទប្រុស ជនជាតិវៀតណាម អាយុ២៩ឆ្នាំ ទី២-ឈ្មោះ ចាំង យាំងភី ជនជាតិវៀតណាម ភេទប្រុស អាយុ២២ឆ្នាំ ជនសង្ស័យទាំង២ រស់នៅឃុំភ្លុក ស្រុកសេសាន ខេត្តស្ទឹងត្រែង ត្រូវបានកម្លាំងកងអាវុធហត្ថឃាត់ខ្លួននៅតំបន់ហាមឃាត់ក្រោមវារីអគ្គិសនីសេសានក្រោម២ ស្ថិតនៅឃុំភ្លុក ស្រុកសេសាន ខេត្តស្ទឹងត្រែង ដោយសារប្រព្រឹត្តបទល្មើសក្នុងតំបន់ហាមឃាត់ ។
លោកដួង វិចិត្រ មេបញ្ជាការរងកងរាជ អាវុធហត្ថខេត្តទទួលបន្ទុកព្រហ្មទណ្ឌ និងប្រឆាំងបទល្មើសសេដ្ឋកិច្ច លោកបញ្ជាក់ពីអង្គហេតុថា ដំបូងឡើយជនសង្ស័យខាងលើ គ្រាន់តែដាក់ម៉ងក្រឡា នៅក្នុងតំបន់ហាមឃាត់ប៉ុណ្ណោះ ក្រោយកម្លាំងអាវុធហត្ថចុះទៅដល់កន្លែងប្រព្រឹត្តជនសង្ស័យខាងលើកក៏បានគេចខ្លួនបាត់ ចំណែកកម្លាំងអាវុធហត្ថក៏រឹបអូសម៉ងពីទឹកដាក់លើទូកល្បាតរបស់អង្គភាពនាំមករក្សាទុក លុះរហូតម៉ោងជាង៣ទៀបភ្លឺជនសង្ស័យខាងលើក៏បានមកលួចទូករួមនឹងវត្ថុតាងយកទៅពន្លិចទឹកបាត់ ទើបឈានដល់ការចាប់ខ្លួនតែម្តង ។
លោកទុំ នីរ៉ូ នាយខណ្ឌជលផលខេត្តស្ទឹងត្រែងលោកបានបញ្ជាក់ថា ទាក់ទិនករណីខាងលើ គឺមានរឿងពីរដាច់ដោយឡែក ។ លោកថា បើគ្រាន់តែនេសាទឧបករណ៍របស់គាត់ គឺមិនខុសច្បាប់នោះទេ ព្រោះម៉ងក្រឡារបស់គាត់ ស្ថិតក្នុងបញ្ជីអនុញ្ញាតរបស់ជលផល តែខុសត្រង់ពួកគាត់ទៅដាក់នៅក្នុងតំបន់ហាមឃាត់មួយទៀតខុសត្រង់ពួកគាត់ទៅលួចទូក និងវត្ថុតាងរបស់សមត្ថកិច្ចដែលបង្កើតទៅជាករណីព្រហ្មទណ្ឌពីបទចោរកម្ម ។
លោកភុយ ខ្វៃ ប្រធានមន្ទីរយុត្តិធម៌កងរាជអាវុធហត្ថបានបញ្ជាក់ថា វត្ថុតាងដកហូតមានម៉ងក្រឡា១២ ប្រវែង៤០០ម៉ែត្រ និងជម្រៅ៧ម៉ែត្រ ត្រូវបានកម្លាំងអាវុធហត្ថយកមករក្សាទុកនៅក្នុងទីបញ្ជាការដ្ឋានករាជអាវុធហត្ថខេត្ត ដើម្បីចាត់ការបន្តតាមនីតិវិធីច្បាប់ ចំណែកទូកកំពុងបន្តរកមកវិញ ៕
ចែករំលែកព័តមាននេះ