ខេត្តព្រះសីហនុ ៖ បន្ទាប់ពីលំហូរចូលផ្នែកវិនិយោគជនជាតិបរទេស (ចិន) លើគ្រប់វិស័យយ៉ាងផុសផុលនៅខេត្តព្រះសីហនុ បានធ្វើឲ្យហាងឆេង (តម្លៃ) អចលន:ទ្រព្យនៅខេត្តព្រះសីហនុ ទាំងដីនៅលើដែនកោះងើបឡើងយ៉ាងគំហុកដែលស្ទើរតែមិនគួរឲ្យនឹកស្មានដល់។ស្របពេលជាមួយគ្នានេះផងដែរ វិវាទជម្លោះដណ្តើមកាន់កាប់ដីធ្លីនៅលើដីកោះក៏មានការកើតឡើងជាបន្តបន្ទាប់។…
ខេត្តព្រះសីហនុ ៖ បន្ទាប់ពីលំហូរចូលផ្នែកវិនិយោគជនជាតិបរទេស (ចិន) លើគ្រប់វិស័យយ៉ាងផុសផុលនៅខេត្តព្រះសីហនុ បានធ្វើឲ្យហាងឆេង (តម្លៃ) អចលន:ទ្រព្យនៅខេត្តព្រះសីហនុ ទាំងដីនៅលើដែនកោះងើបឡើងយ៉ាងគំហុកដែលស្ទើរតែមិនគួរឲ្យនឹកស្មានដល់។ស្របពេលជាមួយគ្នានេះផងដែរ វិវាទជម្លោះដណ្តើមកាន់កាប់ដីធ្លីនៅលើដីកោះក៏មានការកើតឡើងជាបន្តបន្ទាប់។
ជាក់ស្តែងកាលពីថ្ងៃ២៩ ខែមេសា ឆ្នាំ២០១៩ ប្រជាពលរដ្ឋចំនួន៤២គ្រួសាររស់នៅភូមិព្រែកស្វាយ សង្កាត់កោះរ៉ុង ក្រុង-ខេត្តព្រះសីហនុ បានមកប្រមូលផ្តុំគ្នានៅលំនៅដ្ឋានលោកមេភូមិព្រែកស្វាយ និងដាក់ពាក្យបណ្តឹងចូលសាលាសង្កាត់កោះរ៉ុងជាលើកទី២ និងចូលទៅសាលាខេត្តព្រះសីហនុ ស្នើសុំឲ្យអាជ្ញាធរខេត្តជួយអន្តរាគមន៍ទប់ស្កាត់សកម្មភាពលោកឧកញ៉ា សុខ ប៊ុន នៅភ្នំពេញ ដែលបានយកឯកសារមកបង្ខំឱ្យមេភូមិព្រែកស្វាយ ចុះហត្ថលេខាទទួលស្គាល់ទីតាំងដីដែលស្ថិតនៅតំបន់អាវ តាផេង ពយអាពត និងថ្មជញ្ជាំង ភូមិព្រែកស្វាយ សង្កាត់កោះរ៉ុង ក្រុង-ខេត្តព្រះសីហនុ ដែលពួកគាត់កំពុងកាន់កាប់អាស្រ័យផលដំណាំមានដូចជាដូង ខ្មុរ ស្វាយចន្ទីនាពេលចប្ចុប្បន្ន និងមានការទទួលស្គាល់ពីអាជ្ញាធរភូមិ សង្កាត់ ក្រុង. ខេត្ត ពិសេសក្រុមការងារថ្នាក់ជាតិមានក្រសួងរៀបចំដែនដីនគរូបនីយកម្ម និងសំណង់បានចុះវាស់វែងធ្វើប័ណ្ណកម្មសិទ្ធិដោយប្រកាសបិទផ្សាយជាសាធារណៈដែលមានប្លង់សូរិយោដីបញ្ជីឈ្មោះអ្នកកាន់កាប់ដី ដោយស្របច្បាប់ ។
ក្រុមការងារចុះបញ្ជីដីធ្លីថ្នាក់ជាតិបានធ្វើការវាស់វែងប្រមូលទិន្នន័យ ស្របតាមនីតិវិធីទុករយៈពេលតវ៉ា ១៥ថ្ងៃ គិតចាប់ពីថ្ងៃទី១៤ ខែកក្កដា រហូតដល់ថ្ងៃទី២៨ ខែកក្កដា ឆ្នាំ២០១៧ ។
អ្នកភូមិបចោទថា ស្រាប់តែពេលកន្លងមកថ្មីៗនេះ ឈ្មោះសុខ ប៊ុន បានយកឯកសារមិនប្រក្រតីមកបង្ខំឱ្យអាជ្ញាធរមូលដ្ឋានចុះហត្ថលេខាលើទីតាំងដីរបស់ពួកគាត់កំពុងរស់នៅកាន់កាប់ អាស្រ័យផលស្របច្បាប់ ដែលពួកគាត់ស្មានមិនដល់។
សូមរំលឹកថា កាលពីខែមីនា ឆ្នាំ២០១៨កន្លងមក ប្រជាពលរដ្ឋទាំង៤២គ្រួសារ បានដាក់ពាក្យបណ្ដឹងចូលសាលាសង្កាត់-ក្រុង និងខេត្តម្តងរួចមកហើយ ដើម្បីជួយអន្តរាគមន៍ទប់ស្កាត់ការទន្ទ្រានចូលកាន់កាប់ពីលោកឧកញ៉ា សុខ ប៊ុន ដែលមានទីលំនៅរាជធានីភ្នំពេញ ប៉ុន្តែនៅមិនមានដំណោះស្រាយនៅឡើយ ទើបពួកគាត់នាំគ្នាមកដាក់ពាក្យបណ្តឹងសុំការជួយអន្តរាគមន៍ពីអាជ្ញាធរភូមិ-សង្កាត់ ក្រុងខេត្តសារជាថ្មីឡើងវិញ ។
ព័ត៌មានពិស្តារនឹងមានផ្សាយជូននៅលើកាសែតកោះសន្តិភាព
ចែករំលែកព័តមាននេះ