ខេត្តឧត្តរមានជ័យ ៖ អ្នកភូមិថ្មដូនម្នាក់បានប្រទះឃើញគ្រាប់មីនប្រភេទM៦៩ និងគ្រាប់កាំភ្លើងដៃប្រភេទM១៦មិនទាន់ផ្ទុះជាច្រើន កាលពីវេលាម៉ោងប្រមាណ៦និង៣០នាទីព្រឹកថ្ងៃទី២៩ ខែមេសាកន្លងទៅ នៅក្បែរផ្លូវលំមួយ ក្នុងភូមិថ្មដូន ឃុំគោកមន ស្រុកបន្ទាយអំពិលគឺជាកំណប់គ្មានតម្លៃសល់ពីសម័យសង្គ្រាម…
ខេត្តឧត្តរមានជ័យ ៖ អ្នកភូមិថ្មដូនម្នាក់បានប្រទះឃើញគ្រាប់មីនប្រភេទM៦៩ និងគ្រាប់កាំភ្លើងដៃប្រភេទM១៦មិនទាន់ផ្ទុះជាច្រើន កាលពីវេលាម៉ោងប្រមាណ៦និង៣០នាទីព្រឹកថ្ងៃទី២៩ ខែមេសាកន្លងទៅ នៅក្បែរផ្លូវលំមួយ ក្នុងភូមិថ្មដូន ឃុំគោកមន ស្រុកបន្ទាយអំពិលគឺជាកំណប់គ្មានតម្លៃសល់ពីសម័យសង្គ្រាម ។
នគរបាលការិយាល័យគ្រប់គ្រងអាវុធជាតិផ្ទុះខេត្ត បានឱ្យដឹងថា អ្នកភូមិម្នាក់ឈ្មោះ ហុិនចិ ភេទប្រុស អាយុ៥៤ឆ្នាំ នៅភូមិថ្មដូន-ហនុមាន ឃុំគោកមន ស្រុកបន្ទាយអំពិល បានរាយការណ៍មកថា បានប្រទះឃើញគ្រាប់មីនប្រភេទM៦៩ និងគ្រាប់កាំភ្លើងដៃប្រភេទM១៦ ដែលគេកប់នៅក្នុងដី កាលពីសម័យសង្គ្រាមកន្លងទៅ ។
ប្រភពដដែលបន្តថា ក្រោយពីបានទទួលព័ត៌មានរាយការណ៍រួចមក លោកអនុសេនីយ៍ឯក ខ្លឹមចាន់ បានដឹកនាំកងកម្លាំងទៅពិនិត្យដល់ទីកន្លែងដែលអ្នកភូមិបានប្រទះឃើញជាក់ស្តែងក៏បានឃើញគ្រាប់មីនM៦៩ចំនួន៤៩គ្រាប់ ដែលផលិតនៅប្រទេសចិន និងគ្រាប់កាំភ្លើងM១៦ ចំនួន២៩.០០០គ្រាប់ ដែលផលិតនៅសហរដ្ឋអាមេរិក ។ ក្រោយពីពិនិត្យរួច នគរបាលបានប្រគល់ទៅឱ្យក្រុមការងារអង្គការហាឡូត្រាស្ត យកទៅកម្ទេចចោលនៅកន្លែងមានសុវត្ថិភាពមួយ ៕
ចែករំលែកព័តមាននេះ