ខេត្តបន្ទាយមានជ័យ ៖ សត្វឆ្កែបានពាំអូសគ្រោងឆ្អឹងសាកសពបុរសម្នាក់ ហើយត្រូវបានប្រជាពលរដ្ឋប្រទះឃើញបង្កឱ្យមានការភ្ញាក់ផ្អើលកាលពីវេលាម៉ោងប្រមាណជា៤រសៀលថ្ងៃទី៣០ មេសា ឆ្នាំ២០១៩ នៅចំណុចក្នុងប្រឡាយជិតស្រែក្បែរស្រះទឹក មានចំងាយប្រមាណជា២០០ម៉ែត្រ ខាងត្បូងភូមិស្រែល្អ ឃុំគោករមៀត ស្រុកថ្មពួក ខេត្តបន្ទាយមានជ័យ ។
លោកវរសេនីយ៍ត្រីគុយ យ៉ាន អធិការរងទទួលផ្នែកនគរបាលព្រហ្មទណ្ឌ បានឲ្យដឹងថា ក្រោយពីទទួលបានព័ត៌មានពីប្រជាពលរដ្ឋ និងចុះស្រាវជ្រាវនៅកន្លែងកើតហេតុ ទើបដឹងថា គ្រោងឆ្អឹងសាកសពខាងលើនេះគឺត្រូវបានគេស្គាល់ថាឈ្មោះម៉ឺន លី ហៅ យ៉ុត សារឿន ភេទប្រុស អាយុ៥៥ឆ្នាំ ជាអតីតយុទ្ធជន រសនៅភូមិស្រែល្អ ឃុំគោករមៀត ។
លោកអធិការរងបានបញ្ជាក់ថា តាមកាបញ្ជាក់ពីមេភូមិ និងប្រជាពលរដ្ឋ ព្រមទាំងបងប្អូនសាច់ញាត្តិជនរងគ្រោះបានអះអាងប្រាប់សមត្ថកិច្ចកិច្ចថា ជនរងគ្រោះតែងតែផឹកស្រាស្រវឹងជាប្រចាំ បានដើរវង្វេងបានបាត់ខ្លួនតាំងពីអំឡុងចូលឆ្នាំខ្មែរមកម្ល៉េះ ទោះបីប្រពន្ធ កូន និងបងប្អូននាំគ្នាដើររកយ៉ាងណាក៏មិនឃើញ លុះដល់រសៀលថ្ងៃទី៣០ ខែមេសា ស្រាប់តែឮដំណឹងថា មានគេប្រទះឃើញគ្រោងឆ្អឹងសាកសពមនុស្សដែលត្រូវសត្វឆ្កែពាំអូស លុះពេលមកមើលទើបស្គាល់។
លោកអធិការរងក៏បញ្ជាក់បន្ថែមថា ឆ្លងតាមការត្រួតពិនិត្យ ដែលមានមេភូមិចូលរួមផងនោះ គឺសពជនរងគ្រោះពុំមានស្លាកស្នាមអ្វីគួរឱ្យកតសម្គាល់នោះទេ គឺមានតែស្នាមសត្វឆ្កែពាំអូសគ្រោងឆ្អឹង ។ ក្រោយពីពិនិត្យរួច សមត្ថកិច្ចក៏បានប្រគល់គ្រោងឆ្អឹងសពជនរងគ្រោះឱ្យទៅក្រុមគ្រួសារសាច់ញាតិដើម្បីយកទៅធ្វបុណ្យតាមប្រពៃណី ៕
ចែករំលែកព័តមាននេះ