រាជធានីភ្នំពេញ ៖ សម្ដេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃបានដឹកនាំគណៈប្រតិភូជាន់ខ្ពស់អញ្ជើញដល់អាកាសយានដ្ឋានអន្តរជាតិអ៊ីនឈ័ននៃសាធារណរដ្ឋកូរ៉េ ដោយសម្តេចស ខេង ទៅកូរ៉េចាប់ពីថ្ងៃទី៣០ មេសា…
រាជធានីភ្នំពេញ ៖ សម្ដេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃបានដឹកនាំគណៈប្រតិភូជាន់ខ្ពស់អញ្ជើញដល់អាកាសយានដ្ឋានអន្តរជាតិអ៊ីនឈ័ននៃសាធារណរដ្ឋកូរ៉េ ដោយសម្តេចស ខេង ទៅកូរ៉េចាប់ពីថ្ងៃទី៣០ មេសា ដល់ថ្ងៃទី៣ ខែឧសភានេះ ដើម្បីបំពេញទស្សនកិច្ចតបតាមការអញ្ជើញរបស់រដ្ឋមន្ត្រីក្រសួងមហាផ្ទៃ និងសុវត្ថិភាព នៃសាធារណរដ្ឋកូរ៉េរហូតដល់ថ្ងៃទី០៣ ខែឧសភា ឆ្នាំ២០១៩ ។ អញ្ជើញទទួលដំណើរសម្ដេចក្រឡាហោម ព្រមទាំងគណប្រតិភូជាន់ខ្ពស់នៅអាកាសយានដ្ឋាននាឱកាសនោះរួមមានឯកអគ្គរាជទូតកម្ពុជាប្រចាំសាធារណរដ្ឋកូរ៉េ មន្ត្រីជាន់ខ្ពស់តំណាងក្រសួងមហាផ្ទៃ និងសុវត្ថិភាពនៃសាធារណរដ្ឋកូរ៉េ និងមន្ត្រីពាក់ព័ន្ធជាច្រើនទៀត ។
យោងតាមកម្មវិធីដែលបានគ្រោងទុកក្នុងអំឡុងពេលនៃដំណើរទស្សនកិច្ចនេះ សម្ដេចក្រឡាហោមឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃនឹងជួបពិភាក្សាការងារទ្វេភាគីជាមួយលោកជីន យុង រដ្ឋមន្ត្រីក្រសួងមហាផ្ទៃ និងសុវត្ថិភាពនៃសាធារណរដ្ឋកូរ៉េ ហើយជំនួបនោះនឹងផ្ដោតលើការលើកកម្ពស់សមត្ថភាពមន្ត្រីរដ្ឋបាលថ្នាក់ក្រោមជាតិ ការដកបទពិសោធន៍ការងារសុវត្ថិភាពចរាចរណ៍ ការប្រឆាំងភេវរកម្ម និងការអភិវឌ្ឍសមត្ថភាព មន្ត្រីនគរបាលជាតិ ។
ដោយឡែកក្រៅពីជំនួបពិភាក្សាដ៏មានសារៈសំខាន់នេះសម្ដេចក្រឡាហោមស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃក៏នឹងអញ្ជើញដឹកនាំគណៈប្រតិភូជាន់ខ្ពស់ធ្វើទស្សនកិច្ចរដ្ឋបាលថ្នាក់ក្រោមជាតិមួយចំនួន និងមជ្ឈមណ្ឌល E-Government នៃសាធារណរដ្ឋកូរ៉េផងដែរ ៕
ចែករំលែកព័តមាននេះ