រាជធានីភ្នំពេញ ៖ ខណៈដែលបំពេញទស្សនៈកិច្ចនៅកម្ពុជាលោកអោង សាស៊ូជី ទីប្រឹក្សារដ្ឋនៃសាធារណៈរដ្ឋសហភាពមីយ៉ាន់ម៉ាបានកោតសរសើរចំពោះការអភិវឌ្ឍនៅកម្ពុជា និងស្នើឲ្យមានការផ្លាស់ប្តូរបទពិសោធន៍រវាងគ្នាលើស្ថាប័ននីតិប្បញ្ញត្តិនៃប្រទេសទាំងពីរ ។ ក្នុងជំនួបពិភាក្សាជាមួយសម្តេចវិបុលសេនា ភក្តីសាយ ឈុំ…
រាជធានីភ្នំពេញ ៖ ខណៈដែលបំពេញទស្សនៈកិច្ចនៅកម្ពុជាលោកអោង សាស៊ូជី ទីប្រឹក្សារដ្ឋនៃសាធារណៈរដ្ឋសហភាពមីយ៉ាន់ម៉ាបានកោតសរសើរចំពោះការអភិវឌ្ឍនៅកម្ពុជា និងស្នើឲ្យមានការផ្លាស់ប្តូរបទពិសោធន៍រវាងគ្នាលើស្ថាប័ននីតិប្បញ្ញត្តិនៃប្រទេសទាំងពីរ ។ ក្នុងជំនួបពិភាក្សាជាមួយសម្តេចវិបុលសេនា ភក្តីសាយ ឈុំ ប្រធានព្រឹទ្ធសភា កាលពីរសៀលថ្ងៃទី៣០មេសា នៅវិមានព្រឹទ្ធសភា លោកជំទាវអោង សានស៊ូជី បានចំណាប់អារម្មណ៍ចំពោះវឌ្ឍភាព និងការរីកចម្រើនរបស់ប្រទេសកម្ពុជា ។
ជាងនេះលោកជំទាវបានស្នើឱ្យប្រទេសទាំងពីរផ្លាស់ប្តូរបទពិសោធន៍គ្នាទៅវិញទៅមកក្នុងពន្លឿននូវការអភិវឌ្ឍប្រទេសជាតិនាថ្ងៃអនាគត ។ ក្នុងនោះតួនាទីស្ថាប័ននីតិប្បញ្ញត្តិក៏មានការរួមចំណែកយ៉ាងសំខាន់ក្នុងការកសាងស្ថិរភាព និងសន្តិភាពនៅក្នុងប្រទេស ហើយអ្វីដែល សំខាន់ គឺសមាជិកសភានៃប្រទេសទាំងពីរក៏អាចធ្វើការផ្លាស់ប្តូរបទពិសោធន៍គ្នាទៅវិញទៅមក ដើម្បីនាំមកនូវវឌ្ឍនភាព និងការរីកចម្រើននៃប្រទេសទាំងពីរតាមរយៈការពង្រឹងនូវកិច្ចសហប្រតិបត្តិការសាមគ្គីភាពមិត្តភាពរវាងសភានៃប្រទេសទាំងពីរតាមរយៈការជំរុញ និងផ្លាស់ប្តូរនូវវប្បធម៌នៃប្រទេសទាំងពីរ ។
សម្តេចវិបុលសេនាភក្តីសាយ ឈុំប្រធានព្រឹទ្ធសភា បានសម្តែងនូវសេចក្តីរីករាយ និងពេញចិត្តដោយបានមើលឃើញពីការរីកចម្រើននៃចំណងមិត្តភាព និងកិច្ចសហប្រតិបត្តិការរវាងប្រជាជន និងប្រទេសទាំងពីរមានការរីកចម្រើនជាលំដាប់ ។ ថ្នាក់ដឹកនាំជាន់ខ្ពស់នៃរដ្ឋាភិបាលប្រទេសទាំងពីរបានផ្លាស់ប្តូរទស្សនកិច្ចគ្នាទៅវិញទៅមក និងបានបន្តគាំទ្រគ្នាទៅវិញទៅមកនៅក្នុងក្របខណ្ឌកិច្ចសហប្រតិបត្តិការលើវេទិកាអន្តរជាតិ ដើម្បីរួមចំណែកដល់ការរក្សាសន្តិភាព សន្តិសុខ ស្ថិរភាព និងការអភិវឌ្ឍនៅក្នុងតំបន់ និងអន្តរជាតិ ។ ជាមួយគ្នានេះ ប្រទេសទាំងពីរបានធ្វើសហប្រតិបត្តិការគ្នាដ៏ជិតស្និទ្ធលើវិស័យនយោបាយ សាសនា វប្បធម៌ អប់រំ កសិកម្ម និងបានជំរុញការផ្លាស់ប្តូរពាណិជ្ជកម្មវិនិយោគ និងទេសចរណ៍មានការរីកចម្រើ នជាបន្តបន្ទាប់ ។
សម្តេចប្រធានព្រឹទ្ធសភាបានសម្តែងការអបអរសាទរចំពោះវឌ្ឍនភាពផ្នែកសេដ្ឋកិច្ច-សង្គមរបស់សាធារណរដ្ឋសហភាពមីយ៉ាន់ម៉ា ។ ក្រោមការដឹកនាំរបស់ថ្នាក់ដឹកនាំកំពូលនៃសាធារណរដ្ឋសហភាពមីយ៉ាន់ម៉ា និងក្រោមការដឹកនាំរបស់លោកជំទាវសម្តេចប្រធានព្រឹទ្ធសភាមានជំនឿជាក់ថា ប្រទេស និងប្រជាជនមីយ៉ាន់ម៉ានឹងបន្តរីកចម្រើនប្រកបដោយវឌ្ឍនភាព និងវិបុលភាព ។ តាមរយៈលោកជំទាវសម្តេចប្រធានព្រឹទ្ធសភាបានផ្តាំផ្ញើសួរសុខទុក្ខដោយសេចក្តីគោរពរាប់អានអំពីសម្តេចជូនចំពោះលោកប្រធានព្រឹទ្ធសភាមីយ៉ាន់ម៉ា ។ ឆ្នាំ២០២០ ខាងមុខនេះ គឺជាខួបលើកទី៦៥ឆ្នាំនៃការបង្កើតទំនាក់ទំនងការទូតរវាងប្រទេសទាំងពីរ ។
សម្តេចប្រធានព្រឹទ្ធសភាស្នើឱ្យសភានៃប្រទេសទាំងពីរធ្វើការផ្លាស់ប្តូរគណៈប្រតិភូគ្នាទៅវិញ ទៅមក និងស្នើឱ្យសភាទាំងពីរជួយគាំទ្រគ្នាទៅវិញទៅមកនៅក្នុងក្របខណ្ឌអង្គការសភាតំបន់ និងពិភពលោកលើបញ្ហាសិទ្ធិមនុស្សប្រជាធិបតេយ្យ និងបញ្ហាផ្សេងទៀត ។
សូមរំលឹកថា ប្រទេសទាំងពីរមានទំនាក់ទំនងការទូតតាំងពីឆ្នាំ១៩៥៥ ដែលត្រូវបានបង្កើតឡើងដោយស្នាព្រះហស្តព្រះករុណាព្រះបាទសម្តេចព្រះនរោត្តមសីហនុ «ព្រះបរមរតនកោដ្ឋ» និងថ្នាក់ដឹកនាំមីយ៉ាន់ម៉ាជំនាន់មុន ។ ប្រទេសទាំងពីរគោរពប្រតិបត្តិព្រះពុទ្ធសាសនាដូចគ្នា និងប្រើប្រាស់ទឹកទន្លេមេគង្គដូចគ្នា ហើយប្រជាជនយើងទាំងពីរមានប្រវត្តិស្រឡាញ់រាប់អា នគ្នាទៅវិញទៅមកប្រកបដោយមនោសញ្ចេតនាដ៏ជ្រាលជ្រៅជាយូរលង់មកហើយ ៕
ចែករំលែកព័តមាននេះ