ខេត្តកំពង់ធំ ៖ មន្ត្រីយោធាម្នាក់បានចងកសម្លាប់ខ្លួនក្នុងបន្ទាយ បង្កឱ្យមានការភ្ញាក់ផ្អើលកាលពីវេលាម៉ោង៥និង៣០នាទីល្ងាចថ្ងៃទី៣០ ខែមេសា ឆ្នាំ២០១៩ ស្ថិតនៅក្នុងបន្ទាយទាហានវរសេនាតូចលេខ១ តាឡែក ក្នុងភូមិសាលាវិស័យ ឃុំសាលាវិស័យ…
ខេត្តកំពង់ធំ ៖ មន្ត្រីយោធាម្នាក់បានចងកសម្លាប់ខ្លួនក្នុងបន្ទាយ បង្កឱ្យមានការភ្ញាក់ផ្អើលកាលពីវេលាម៉ោង៥និង៣០នាទីល្ងាចថ្ងៃទី៣០ ខែមេសា ឆ្នាំ២០១៩ ស្ថិតនៅក្នុងបន្ទាយទាហានវរសេនាតូចលេខ១ តាឡែក ក្នុងភូមិសាលាវិស័យ ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ ។
តាមប្រភពពីសមត្ថកិច្ចបានឱ្យដឹងថា ជនរងគ្រោះដែលស្លាប់ឈ្មោះ ឆេង ស៊ើយ ហៅ (អ៊ុន) ភេទប្រុស អាយុ៤៤ឆ្នាំ ជាមន្ត្រីយោធាបម្រើការងារនៅសេនាតូចលេខ១ តាឡែក ។
តាមការបំភ្លឺពីឈ្មោះ គឿន អុីន ភេទស្រី អាយុ៣៧ឆ្នាំ ត្រូវជាប្រពន្ធរបស់ជនរងគ្រោះបានឱ្យដឹងថា ប្ដីរបស់គាត់ជាមនុស្សញៀនស្រា ឲ្យតែផឹកម្ដងៗគឺពី៤ទៅ៥ថ្ងៃជាប់ៗគ្នា និងមិនដែលគិតគូររឿងរកបាយរកទឹកហូបនោះទេ ហើយនៅពេលស្រវឹងតែងតែរវើរវាយ រត់ទៅលិចរត់ទៅកើត ។
ប្រភពដដែលបានបន្តថា ប្តីរបស់គាត់ធ្លាប់បានរត់ទៅធ្វើអត្តឃាតដោយចងកចំនួន២ដងរួចមកហើយ តែត្រូវបានគាត់ជាប្រពន្ធ និងកូនឃើញទាន់ ។ លុះនៅថ្ងៃទី២៨ ខែមេសា ប្តីរបស់គាត់បានឲ្យកូនប្រុសឌុប
ទៅបន្ទាយ រហូតដល់ល្ងាចថ្ងៃទី៣០ ខែមេសា ស្រាប់តែមានអ្នកធ្វើការជាមួយប្ដីរបស់គាត់បានទូរស័ព្ទមកប្រាប់ថា ប្ដីរបស់គាត់បានចងកក្នុងបន្ទាយស្លាប់បាត់ទៅហើយ និងមិនដឹងថាស្លាប់តាំងពីពេលណាទេ។
តាមប្រភពពីលោកវរសេនីយ៍ទោ ថនស៊ី សក្កដា មេបញ្ជាការវរសេនាតូចលេខ១ បានឲ្យដឹងថា ជនរងគ្រោះខាងលើគឺជាមន្ត្រីយោធាបម្រើការងារក្នុងអង្គភាពវរសេនាតូចលេខ១របស់លោកពិតប្រាកដមែន ជនរងគ្រោះជាមនុស្សញៀនស្រា ហើយលោកធ្លាប់បានធ្វើការអប់រំណែនាំជាច្រើនលើកច្រើនសារផងដែរ តែជនរងគ្រោះមិនស្តាប់ឡើយ ឲ្យតែផឹកស្រវឹងម្តងៗ ដាច់បាយ ដាច់ទឹក ដើររវើរវាយ ខ្លាចនេះ ខ្លាចនោះ ។
តាមប្រភពដដែលបានបន្តថា នៅមុនពេលកើតហេតុ ជនរងគ្រោះបានសុំច្បាប់លោកទៅលេងបុណ្យចូលឆ្នាំនៅផ្ទះរបស់គាត់ រហូតដល់ថ្ងៃទី២៨ មេសា ឆ្នាំ២០១៩ ទើបឃើញជនរងគ្រោះត្រឡប់ចូលមកបន្ទាយវិញ និងបានសម្ងំនៅក្នុងផ្ទះ (ផ្ទះក្នុងបន្ទាយ) មិនចេញមកក្រៅសោះ លុះនៅថ្ងៃកើតហេតុ លោកក៏បានប្រើកូនចៅឲ្យទៅហៅជនរងគ្រោះមកហូបបាយ ស្រាប់តែឃើញជនរងគ្រោះធ្វើអត្តឃាតដោយយកក្រមាទៅចង.កនឹងឃ្នៀបផ្ទះ (ផ្ទះក្នុងបន្ទាយ) ស្លាប់បាត់ទៅហើយ ។
ក្រោយពេលកើតហេតុ បន្ទាប់ពីទទួលបានព័ត៌មានពាក់ព័ន្ធនឹងករណីខាងលើភ្លាម កម្លាំងជំនាញនគរបាលស្រុក និងប៉ុស្ដិ៍នគរបាលសាលាវិស័យ និងលោកមេបញ្ជាការវរសេ នាតូចលេខ១ បានចុះដល់កន្លែងកើតហេតុ និងធ្វើការពិនិត្យសព បានសន្និដ្ឋានថា ជនរងគ្រោះពិតជាស្លាប់ដោយសាធ្វើអត្តឃាតដោយចងកប្រាកដមែន មិនមានជាប់ពាក់ព័ន្ធនឹងករណីអ្វីផ្សេងឡើយ។ បច្ចុប្បន្ន សពជនរងគ្រោះត្រូវបានប្រគល់ជូនក្រុមគ្រួសារដើម្បីយកទៅធ្វើបុណ្យតាមប្រពៃណី ៕
ចែករំលែកព័តមាននេះ