ខេត្តកណ្តាល ៖ ក្នុងឱកាស«ទិវាពលកម្មអន្តរជាតិ ១ឧសភា» ថ្ងៃទី០១ ខែឧសភា ឆ្នាំ២០១៩នេះសម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានឹងអញ្ជើញពិសាអាហារសាមគ្គី…
ខេត្តកណ្តាល ៖ ក្នុងឱកាស«ទិវាពលកម្មអន្តរជាតិ ១ឧសភា» ថ្ងៃទី០១ ខែឧសភា ឆ្នាំ២០១៩នេះសម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានឹងអញ្ជើញពិសាអាហារសាមគ្គី និងរាំលេងកម្សាន្តជាមួយបងប្អូនកូនក្មួយកម្មករ កម្មការិនីនៅរោងចក្រយីដា ប្រមាណ៣,៧០០នាក់ ស្ថិតនៅភូមិឫស្សីស្រុក ឃុំឈើទាល ស្រុកកៀនស្វាយ ខេត្តកណ្តាល ដើម្បីអបអរសាទរ «ទិវាពលកម្មអន្តរជាតិ១ឧសភា» លើកទី១៣៣ ឆ្នាំ២០១៩ ។
រោងចក្រយីដាបានចាប់ផ្តើមដំណើរការនៅក្នុងឆ្នាំ២០១៥ និងមានកម្មករនិយោជិតសរុប ៣,៧០០នាក់ ក្នុងនោះស្រី២,៨០៣នាក់ ។ ផលិតផលដែលផលិតនៅរោងចក្រយីដាត្រូវបាននាំចេញទៅលក់នៅអឺរ៉ុប និងសហរដ្ឋអាមេរិក ។ រោងចក្រនេះបានផ្តល់ប្រាក់ឈ្នួល និងប្រាក់បន្ទាប់បន្សំជូនកម្មករ និយោជិតប្រមាណ៨៦៦,៥៧០ដុល្លារសហរដ្ឋអាមេរិកក្នុងមួយខែ ។ ប្រាក់ឈ្នួលជាមធ្យមសម្រាប់កម្មករនិយោជិតម្នាក់ៗមានចន្លោះពី២២០ដុល្លារអាមេរិកដល់ ២៨០ដុល្លារអាមេរិកក្នុងមួយខែ ។
សូមជម្រាបថា សម្រាប់ទិវាពលកម្មអន្តរជាតិ ១ ឧសភានេះ គេសង្កេតឃើញភាគីតំណាងកម្មករក៏បានប្រារព្វអបអរសារទផងដែរ ៕
ចែករំលែកព័តមាននេះ