រាជធានីភ្នំពេញ៖ ប៉ុន្មានថ្ងៃមកនេះតារាសិចស៊ីវ៉ាន់ វលក្ខ័ ត្រូវហ្វេសបុ៊កមួយចោទនាងថាជានារីលក់ខ្លួន ។ កើតទុក្ខមិនសុខចិត្ត វលក្ខ័ថាមិនមែនជាការណ៍ពិតទេ ហើយទាមទារឲ្យអ្នកចោទនោះចេញមុខសុំទោសនាងជាសាធារណៈ ។ កញ្ញាវ៉ាន់…
រាជធានីភ្នំពេញ៖ ប៉ុន្មានថ្ងៃមកនេះតារាសិចស៊ីវ៉ាន់ វលក្ខ័ ត្រូវហ្វេសបុ៊កមួយចោទនាងថាជានារីលក់ខ្លួន ។ កើតទុក្ខមិនសុខចិត្ត វលក្ខ័ថាមិនមែនជាការណ៍ពិតទេ ហើយទាមទារឲ្យអ្នកចោទនោះចេញមុខសុំទោសនាងជាសាធារណៈ ។
កញ្ញាវ៉ាន់ វល័ក្ខ ជាតារាសម្ដែងចូលចិត្តបង្ហាញភាពស៊ីវីល័យ និងភាពសិចស៊ីបង្ហាញសម្រស់ដើមទ្រូងធ្វើឲ្យទស្សនិកជនចាប់អារម្មណ៍ ។ សព្វថ្ងៃកញ្ញាវ៉ាន់ វល័ក្ខ បានថតភាពយន្តជាច្រើន មានទាំងភាពយន្ដដុំ និងរឿងភាគ។ ថ្មីៗនេះមានការចាប់អារម្មណ៍ខ្លាំងពីមហាជននិងអ្នកគាំទ្រ ក្រោយហ្វេសបុ៊កឈ្មោះ Da Lin បានទម្លាយរូបភាពសិចស៊ីជាច្រើនសន្លឹករបស់តារាសម្ដែងកញ្ញាវ៉ាន់ វល័ក្ខ និងភ្ជាប់ឃ្លាថា៖ «ក្រៅពីការងារថតកុន ថតសិច វានៅរកស៊ីផ្លូវភេទទៀត ស្រីគីមីគ្រប់កន្លែង ឈ្មោះវាស្រីអស់ល័ក្ខណ៍ សំផឹងអស់សាច់ ចង់ដេកជាមួយវាអាចខលសួរតម្លៃវាបាន ព្រោះវាចង់បានលុយក្រៅម៉ោង ទុកចាក់សាំងឡាននិងប្រើរបស់ ប្រេ៊នៗ…!»។
បន្ទាប់ពីការចោទបែបនោះមក វ៉ាន់ វល័ក្ខ បានទៅសមាគមសិល្បករខ្មែរដើម្បីបកស្រាយលុបលាងភាពអាម៉ាស់ពីការចោទនោះ ។ នាង វ៉ាន់ វល័ក្ខ បាននិយាយទាំងទឹកភ្នែកថា «នាងខ្ញុំពិតជាអាម៉ាស់ខ្លាំងណាស់ដែលគេចោទខ្ញុំបែបនេះ។ នាងខ្ញុំមិនចង់វែងឆ្ងាយអីទេ សុំត្រឹមតែម្ចាស់គណនីមួយនេះចេញមុខសុំទោសជាសាធារណៈ បើពុំដូច្នោះទេ នាងខ្ញុំនឹងដាក់ពាក្យបណ្តឹងតាមរយៈសមាគមសិល្បករខ្មែរ ដើម្បីរកខុសត្រូវ និងយុត្តិធម៌ ខណៈប្រឡូកសិល្បៈជិត១០ឆ្នាំហើយ នេះជាលើកទី១ដែលមានមនុស្សអាក្រក់ព្យាបាទនាងខ្ញុំ»។
បន្ទាប់ពីវ៉ាន់ វល័ក្ខ ទាមទារបែបនេះ ម្ចាស់ហ្វេសប៊ុកនោះមិនទាន់ប្រិកម្មបែបណាទេ ។ ចំណែកតារាសម្តែងវ៉ាន់ វលក្ខ័ ក៏មិនទាន់ដឹងនឹងធ្វើបែបណាទៀតដែរ ។ ចំពោះសមាគមសិល្បៈក៏មិនទាន់បញ្ជាក់ជំហរបែបណាក្នុងរឿងរបស់វ៉ាន់ វល័ក្ខនេះ ៕
ចែករំលែកព័តមាននេះ