អ្នកវិទ្យាសាស្ត្របានថ្លែងថា ការលួងលោម បបោសអង្អែលប្រលោមឱ្យដេកជាមួយនឹងការច្រៀងបំពេដ៏ស្រទន់របស់ម្តាយពិតជាផ្តល់អត្ថប្រយោជន៍យ៉ាងល្អចំពោះកូនតូចៗក្នុងជីវិតទៅថ្ងៃមុខ ហើយទាំងអស់នេះនឹងជួយការពារឱ្យពួកគេគេចផុតពីបណ្តាជំងឺធ្ងន់បាន ។
អ្នកវិទ្យាសាស្ត្របានថ្លែងថា ការលួងលោម បបោសអង្អែលប្រលោមឱ្យដេកជាមួយនឹងការច្រៀងបំពេដ៏ស្រទន់របស់ម្តាយពិតជាផ្តល់អត្ថប្រយោជន៍យ៉ាងល្អចំពោះកូនតូចៗក្នុងជីវិតទៅថ្ងៃមុខ ហើយទាំងអស់នេះនឹងជួយការពារឱ្យពួកគេគេចផុតពីបណ្តាជំងឺធ្ងន់បាន ។
យោងតាមអ្នកស្រាវជ្រាវរបស់សាកលវិទ្យាល័យ Brandeis University នៅទីក្រុងបូស្តុនរដ្ឋម៉ាសាឈូសេតសហរដ្ឋអាមេរិកចុះផ្សាយនៅក្នុងព្រឹត្តិបត្រ Psychological Scienceបានរកឃើញថា ការថែទាំដោយក្តីទន់ភ្លន់របស់អ្នកម្តាយនឹងជួយកាត់បន្ថយការប្រឈមរបស់កូនទៅនឹងជំងឺទឹកនោមផ្អែមក៏ដូចជាជំងឺបេះដូងនៅពេលធំពេញវ័យ ។ មានសុខភាពល្អ គឺមានសុភមង្គល ។
ផ្ទុយមកវិញ ក្មេងៗដែលធំឡើងក្នុងបរិស្ថានគ្រួសារពោរពេញទៅដោយភាពតានតឹងដែលអ្នកម្តាយជ្រួញចិញ្ចើមដាក់កូនជានិច្ចនឹងប្រឈមការកើតមានជំងឺធ្ងន់ៗមានដូចជា ទឹកនោមផ្អែម សម្ពាធឈាមឡើងខ្ពស់ខណៈធំពេញវ័យ ។
សាស្ត្រាចារ្យចិត្តវិទ្យាលោកស្រី Margie Lachmanបញ្ជាក់ថា រឿងហេតុទាំងឡាយដែលកើតមានក្នុងវ័យកុមារភាពបានបន្សល់ទុកជា«កាកសំណល់ជីវសាស្ត្រមួយ»ចំពោះសុខភាពរបស់កុមារពេលពួកគេធំពេញវ័យ ។ លោកស្រីបន្តថា៖ «ការពិតដែលយើងមើលឃើញនូវផលប៉ះពាល់ដ៏វែងឆ្ងាយពីកុមារភាពចូលដល់វ័យពាក់កណ្តាលជីវិតគឺជាល្ខោនដ៏ល្អមួយ» ។
ក្រុមអ្នកវិទ្យាសាស្ត្របានស្នើថា វាគួរតែបញ្ចូលគ្នានូវការយល់ចិត្ត និងបង្រៀនក្មេងៗពីវិធីដោះស្រាយភាពតានតឹង ។ ធ្វើបែបនេះនឹងមិនប៉ះពាល់ដល់សុខភាពរបស់ពួកគេឡើយ ។
លោកស្រី Lachman បញ្ជាក់ថា ការរកឃើញនៅពេលនេះវាអាចជាព័ត៌មានដែលជួយផ្តល់ដំបូន្មានសម្រាប់ឪពុកម្តាយទាំងឡាយក្នុងការដោះស្រាយភាពតានតឹងរបស់ខ្លួនក៏ដូចជាកូនៗរបស់គេ ព្រមទាំងចេះគ្រប់គ្រងលើជោគវាសនារបស់ខ្លួនឯង ៕
ចែករំលែកព័តមាននេះ